Apocalipsis 15:4 - Qullan Arunaka DC

⁴ Tatay, ¿khitirak jumar jan axsarätamsti? ¿Khitirak sutimar jan yupaychanisti? Juma sapakïtaw qullanaxa; taqi markanakaw jumar yupaychir jutani, chiqa aski luratanakaman qhanstatap layku” sasa.

Aymar Bibliia 1986

⁴ Tata, ¿qhitiraqui jan ajjsariristamsti? ¿Qhitiraqui jan yupaychiristamsti? Juma sapaquïtaw kollanajja. Take marcanacaw jutasina jumarojj yupaychapjjaraquïtam, cheka asqui luratanacam uñjapjjatap laycu” sasa.

Qullan Arunaca

⁴ Tata, ¿qhitiraqui jan ajjsariristamsti? ¿Qhitiraqui jan yupaychiristamsti? Juma sapaquïtaw kollanajja. Take marcanacaw jutasina jumarojj yupaychapjjaraquïtam, cheka asqui luratanacam uñjapjjatap laycu” sasa.

Apocalipsis 15:4 Jak'a apnaqawi uñst'ayäwi

Salmos 105:7

Tatituw jiwasanakan Diosasaxa; ¡jupaw taqpach uraq apnaqi!

Salmos 111:9

Markaparux qhispiyiwa, arust'äwipsti wiñayatakiw utt'ayi. Diosax qullanawa, axsarkayarakiwa.

Salmos 22:23

23 (24) Tatitur alkatirinaka, ¡Diosaruy jach'ar aptapxam! ¡Jacobun wawanakapa, juparuy jach'añchapxam! ¡Israelan wawanakapa, juparuy yupaychapxam!

Salmos 22:27

27 (28) Taqpach jaqinaka, taqpach markanaka, aka uraqpachan jakir jaqinaka: Tatitut amtasipxam, jupar makhatxapxam; ¡nayraqatapar killt'asipxam!

Salmos 22:3

3 (4) Jumasti qullanätawa; jumaw Israel markan jach'añchatätaxa.

Salmos 86:9

Tatay, jumaw taqpach markanak utjaytaxa, jupanakasti jumar yupaychiri, sutim jach'añchiriw jutapxani.

Salmos 89:7

7 (8) Taqi ch'aman axsarkay Diosätawa, alaxpachankirinakampi muyuntatätawa.

Salmos 97:8

Tatay, Jerusalén markampi, Judá uraqinkir markanakampix arsutanakamat walpun kusisipxi;

Salmos 99:5

¡Tatit Diosasar jach'añchapxam, kayunakap nayraqatar killt'asipxam! ¡Tatitux Qullanawa!

Salmos 99:9

Tatit Diosasar yupaychapxam, ¡qullan qullup nayraqatar killt'asipxam! ¡Tatit Diosasax Qullanawa!

Isaías 24:15

Ukhamarakiw inti jalsu tuqinsa, jach'a quta taypin utjir markanakansa, Tatitu, Israelan Diosaparuw jach'achapxani.

Isaías 25:3

Jichhax qhuru jaqinakax jach'añchäwi churaraktamxa.

Isaías 26:9

Arumanakas taqi chuymaxampiw jumat llakista; taqi chuymaxampiw thaqsma; kunapachatix jumax taqi aka uraqpachar uñjkäta ukkhaxa, jaqinakax kunatix chiqapäki uk yatipxani.

Isaías 45:23

Kuntix siskta ukax chiqapawa, uka arsutaxasti phuqhasipuniniwa. Naya nayraqatan taqi jaqinakax killt'asipxani, nayarukiw yupaychapxitani. Kuntix nayax arskta ukax ukhamapunïniwa.

Isaías 57:15

Alaxpachankir Tatitu, khititix wiñayatak jakki, sutipasti qullanäkaraki, ukax akham siwa: “Nayax alay qullan chiqan jakta, ukampis khititix alt'at chuymani, llakt'ata sarnaqki ukarux ch'amañcharaktwa.

Isaías 6:3

Maynit maynikamaw jach'at arsupxäna: “Qullana, Qullana, Qullanawa taqi ch'amani Tatituxa; taqi aka uraqisti jupan jach'a kankañapampi phuqhantatawa” sasa.

Isaías 60:5

Quta tuqinkir markanakan qamir yänakap apanirapipxätam, markanakan qamir yänakap katuyapxarakïtam, jumasti, ukanak uñjasax walpun kusisïta, chuymamas kusisiñan phuqt'atäniwa.

Jeremías 10:7

Jumax markanakan reyipätawa, juma nayraqatan taqiniw khathatipxi. Aka uraqin yatiñan jaqinakat sipansa, reyinakat sipansa, janiw jumjamax khitis utjkiti.

Jeremías 16:19

Tatay, nayar ch'am churiri, nayar arxatiri; jan walt'añ pachansa nayar imirïtawa; aka uraqi tukusitpach markanakax juman ukaru jutapxani, ukatsti sapxarakïtamwa: “Nanakan awkinakaxax, k'ari diosanaka, jan ch'amani, jan kunatak inamay diosanakak katuqapxäna.

Jeremías 5:22

Naya, Tatituw jiskt'apxsma: ¿Janit jumanakax nayar axsarapkista? ¿Janit naya nayraqatan khathatipkta? Nayaw quta thiy uskta, jach'a qutatakix qurpapäkaspas ukhama, uka qurpsti janiw jach'a qutax llumikipankaspati. Mathapinakapas inamayakiw ukan sartaski, qhuthutiskaraki, ukampis janiw umax jilarankaspati.

Oseas 3:5

Uka qhipatsti israelitanakax kuttanxapxaniwa, Tatit Diosaparuw thaqhapxani, David reyiparuw thaqhapxarakini. Uka qhipa urunakansti, askinak katuqapxatapatxa, alt'at chuymampiw Tatitur jak'achasipxani.

Habacuc 1:12

Tatay, ¿janit wiñayatak jakkir qullan Diosäktasti? Tatay, jumaw nayan arxatt'irixäta, jumarakiw babiloniankirinakarus ch'am churasin markamar mutuyaraktaxa, ukhamata juman chiqa uñjäwim uñacht'ayañapataki.

Zacarías 14:16

Uka qhipatsti, Jerusalenampi nuwasipkän uka markanakat jilt'iri jaqinakaxa, sapa maraw Reyiru, taqi ch'amani Tatitur yupaychir sarapxani, ukhamaraki Chhujllanak lurañ phunchhäwi uruyañataki.

Zacarías 2:11

11 (15) Kunapachatix ukhamäni ukkhaxa, walja markanakaw Tatituru jaqkattapxani. Jupasti sarakiniwa: “Aka markanakasti nayan markaxarakïniwa. Nayasti ukkhax jumanak taypin jakarakï” sasa. Ukhamat jumanakax amuyapxäta taqi ch'amani Tatitun nayar khithanitapa.

Malaquías 1:11

Taqi akapach uraqin nayarux jach'añchapxitu, taqi chiqanakan nayar jach'añchasax incienso q'aphiyapxi, ukatsti q'uma waxt'äwinakarak luqtapxitu.

Romanos 15:9

Cristosti khitinakatix jan judiöpki ukanakan Diosar yupaychapxañapatakiw jutaraki, khuyapayasiñap layku, Qillqatax siski ukarjama: “Ukat markanak taypin yupaychäma, sutimaruw q'uchunak q'uchurakï” sasa.

1 Pedro 1:16

Tatitun qillqatapan siwa: “Nayax qullanätwa, jumanakax qullanäpxarakimaya” sasa.

Apocalipsis 11:15

Paqallqür angelasti trompetap phust'äna, ukatsti alaxpachan jach'at art'asir arunakaw ist'asïna: “Akapach markanakax Tatit Cristosaruw jaqkattxapxi, jichhax jupaw wiñayan wiñayapatak marka apnaqani” sasa.

Apocalipsis 14:7

Jupax wali jach'a arumpiw art'äna: “Diosar axsartapxam, jupar yupaychapxarakim, taripañap urux purinxiwa. Alaxpacha, akapacha luririr yupaychapxam, qutanak luririru, uma jalsunak luririr yupaychapxam” sasa.

Apocalipsis 16:5

Ukatsti umanakar apnaqir angelar akham arsur ist'arakta: “Jumax chiqapapunïtawa, akham taripatamata Qullan Dios Tatay. Jumax utjasktawa, utjaskapunïyätawa, jichhas utjskapuntawa.

Apocalipsis 16:7

Ukatsti maynirakiw altarat art'asinïna akham sasa: “Jïsa, taqi ch'aman Dios Tatay, juman taripatamax chiqapapuniwa, askirakiwa” sasa.

Apocalipsis 19:2

jupax chiqapar uñjasaw markanakar taripi; jach'a q'añusirirusti juchañchiwa, uka q'añusitapampiw taqi jaqinakar jan walir apaskäna; Diosan luqtirinakapar jiwarayatapat juchañcharaki” sasa.

Apocalipsis 19:8

Juparuw suma lino lliphipkir q'uma isinakampi isthapisim sataxa, uka suma lino isisti, Diosar axsartasa sarnaqapki ukanakan chiqa jakataparuw uñtasi” sasa.

Apocalipsis 3:7

“Filadelfia iglesiankir angelarux qillqasin apayarakim: ‘Khititix qullanäki chiqapäkaraki, David reyin jist'arañapsa katxäski, jist'aratapar jan khitis jist'antirïki, jist'antatapar jan khitis jist'arirïki ukax akham siwa:

Apocalipsis 4:8

Uka pusi jakaskirinakat sapa maynix suxta chhiqhankamänwa, patatsa manqhatsa nayranakampi phuqsutänwa. Arumay ururakiw jan samaras sapxäna: “¡Qullana, qullana, taqi ch'aman Tatit Diosax qullanawa Jupax utjaskapunïnwa, utjaskakiwa, jichhas utjaskakiniwa!” sasa.

Apocalipsis 6:10

Ukanakasti jach'at art'asisaw sapxäna: “Taqi ch'aman Dios Tata, jumax qullanätawa, arsutamax chiqawa. ¿Kunapachkamarak jan juchañchkäta, uraqin jakapki uka nanakar jiwarayirinakarusti?” sasa.

1 Samuel 2:2

¡Tatay, jumjam qullanax janiw khitis utjkiti! ¡Nanakan Awkixa, jumjam arxatirix janiw khitis utjkiti! ¡Jumat juk'ampix janiw khitis utjkiti!