1 Juan 1:7 - Qullan Arunaka DC

⁷ Ukampis jiwasatix qhanan jakañäni, kunjämatix Diosax qhanankki ukhamxa, maynit maynikamax mayakïtanwa, Jesucristo Yuqapan wilapasti taqi juchanakasat q'umachistu.

Aymar Bibliia 1986

⁷ Jiwasatejj khanan jacstan, cunjämatejj Diosajj khanancqui uqhamjja, mayaquïtanwa maynimpi maynimpisa, Jesucristo Yokapan wilapaw take juchanacasat k'omacharaquistu.

Qullan Arunaca

⁷ Jiwasatejj khanan jacstan, cunjämatejj Diosajj khanancqui uqhamjja, mayaquïtanwa maynimpi maynimpisa, Jesucristo Yokapan wilapaw take juchanacasat k'omacharaquistu.

1 Juan 1:7 Jak'a apnaqawi uñst'ayäwi

Salmos 104:2

qhankir isimpiw llawuntastaxa. ¡Alaxpacharux isir uñtat janatattaxa!

Salmos 51:2

2 (4) ¡Ñanqha luratanakaxat jariqt'ita! ¡Jucha luratanakaxat q'umacht'ita!

Salmos 56:13

13 (14) jiwañat nayar qhispiyatam layku, tinkuñat nayar jark'aqatam layku, Diosan nayraqatapansti jakañ qhanan sarnaqañaxataki.

Salmos 89:15

15 (16) Tatay, jumar kusisiñampi yupaychir markax kusisiñaniwa, qhanamamp qhant'ayat sarnaqir markax kusisiñaniwa,

Salmos 97:11

Qhanax aski jaqitakix k'ajtiwa; kusisiñasti chiqap chuyman jaqinakatakiwa.

Isaías 2:5

¡Jacobun markapa, jin sarantañäni, Tatitun qhanapan irpat sarañäni!

Isaías 33:24

Janiw khitis: “Usutätwa” siskaspati. Tatitusti Jerusalenan jakir jaqinakan juchanakap pampacharakini.

Isaías 6:7

uka nina sank'ampi lakaxar apxatasasti akham sarakitu: “Aka nina sank'aw laka ispillumar puri. Ukampisti, Tatitux ñanqha luratanakam jichhax apaqxtam, jucha luratanakamas pampachatäxiwa” sasa.

Amós 3:3

Mä amtakïsipki ukkhaw jaqix panini suma sarnaqapxixa;

Zacarías 13:1

“Khä urun mä uma jalsuw jist'artani, ukan Davidat saraqir wila masinakapasa, Jerusalén markan jakirinakasa juchanakapa, q'añu luratanakap jariqasipxañapataki.

Mateo 6:12

Juchanakaxat pampachapxita, kamisatix nanakax jan wal lurapkitu ukanakarux pampachapkta ukhama.

Juan 1:29

Qhipürusti Juanax Jesusaruw uñjäna, jupar jak'achasisinkiri, ukat säna: “¡Uñtapxam, jupaw akapachan juchap q'umachir Diosan Corderopaxa!

Juan 12:35

Jesusasti jupanakarux sänwa: —Mä juk'a urunakakiw qhanax jumanak taypinkani. Qhana utjkipan sarnaqapxam, ch'amakamp jan katjayasiñataki; ch'amakan sarnaqiristi janiw kawksar saratapsa yatkiti.

Juan 5:4

Tatitun angelapaw sapa kuti uka chiqar saraqanirïna, ukat uma unxtayirïna; khititix um unxtipan nayraqat mantirïkän ukakiw usupat waliptirïna.

Romanos 13:12

Ch'amak arumax niyaw tukusiski, uru qhanaw niy jak'achasisinki; ch'amakan luräwinakap apanukupxañäni, ukatsti qhanamp isthapisipxañäni, kamisatix mä soldadox nuwasiñ yänakapampi isthapiski ukhama.

1 Corintios 6:11

Jumanakat yaqhipanakax ukhamäpxarakïyätawa; ukampis jichhax q'umachatäxapxtawa, jumanakax Tatit Jesucriston sutipxaru, Diosasan Qullan Ajayup tuqiw qullana, aski jaqinakarus tukuyatäpxarakta.

Efesios 1:7

Criston wila wartatap tuqiw juchanakat qhispitäñasa, pampachatäñas utjistu. Diosasti phullch'irkir khuyapayasiñap jiwasatak utjayi, taqi yatiñ kankaña, amuyt'a kankañ jiwasar churasa,

Efesios 5:8

Nayrax jumanakax ch'amakan jakapxäyätaxa, ukampis jichhax Tatitumpi mayakïxasax qhanan jakxapxtaxa. Ukhamasti qhanankirinakjam sarnaqapxam,

1 Timoteo 6:16

Jupa sapakiw wiñay jakir Diosaxa, jupasti jan jak'kay jach'a qhana taypin jakaraki. Janiw khiti jaqis juparux uñjkiti, janirakiw uñjkanisa. ¡Jach'achatäñampi, ch'amanïñampix wiñayan wiñayapatak jupankiwa! Ukhamäpan.

Tito 2:14

Jupaw jiwas layku jiwawayi jan walinakat jiwasar qhispiyañataki, q'umachañataki, ukhamat jiwasanakan jupan markapäñasataki, askinak lurañasatakiraki.

Hebreos 9:14

Ukampis ukatix ukhamächi ukax, ¡qawqha ch'amanïpachas Criston wilapaxa! Cristosti wiñay jakir Ajayu tuqiw Diosarux jupa pachpa jan q'añucht'at luqtasiwayi, uka wilapaw jiwañar apki uka luräwinakasat q'umachistu, ukhamat jakkir Diosar yupaychañasataki.

Santiago 1:17

Kunatix askïki, chiqäki ukax alaxpachankir Diosat juti, jupax alaxpachankir warawaranak lurawayi. Diosax pachpakïskiwa, jupansti janiw mayjt'añasa, ch'amakt'añas utjkiti.

1 Pedro 1:19

jan ukax Tatit Jesucriston suma wilapamp alatawa. Jupasti mä suma q'uma jan kamacht'at ovejar uñtat luqtatarakïnwa.

1 Juan 1:3

Nanakax kuntix uñjapkta, ist'apkarakta uk jumanakarux yatiyapxsma, ukhamat jumanakan nanakampi mayakïpxañamataki, kunjämatix nanakax Dios Awkimpi, Jesucristo Yuqapampis mayakïpkta ukhama.

1 Juan 1:5

Jesucristox aka arunak nanakarux yatichapxitäna, uksti jumanakaruw yatiyapxsma: “Diosax qhanawa, janiw jupan kuna ch'amakas utjkiti”

1 Juan 5:6

Jesucristox uma tuqi, wila tuqiw juti; janiw uma sapatakti, jan ukasti umampita, wilampit juti. Diosan Ajayupaw qhanañchi, uka Ajayusti chiqapawa.

1 Juan 5:8

Ajayumpi, umampi, wilampi; kimspachasti mayar tukt'atakiwa.

2 Juan 1:4

Jumanakat yaqhipanakar chiqa kankañan sarnaqir uñjasax walipuniw kusista, Dios Awkin arsutaparjam sarnaqatap layku.

3 Juan 1:4

Wawanakaxan chiqa kankañan jakapxatap ist'asax wal kusista, nayatakix janiw ukham yaqha kusisiñax utjkiti.

Apocalipsis 1:5

Diosan chiqa qhanañchiripa Jesucristotsa katuqasipxarakim. Uka Jesucristow jiwatanak taypit nayrïr jaktirixa, taqi akapach reyinakar apnaqañatakis jupax munañanirakiwa. Jesucristox jiwasar munasistuwa, juchanakasatsa wilap wartasaw jariqistu,

Apocalipsis 12:11

Jilanakasax atipjapxiwa, Corderon wartat wilapampi, chiqa arunak qhanañchapxatapampi; janirakiw jiwañsa axsarapkänti, jiwañatakis jank'akïpxarakïnwa.

Apocalipsis 7:14

Nayasti ukxaruw sista: “Tata, jumaw yattaxa” sasa. Jupasti sarakituwa: “Uka jaqinakax uraqin wali jach'a llakinakampi t'aqhisinipki ukanakawa, isinakap Corderon wilapampi t'axsusaw janq'uptayapxi.