1 Juan 1:8 - Qullan Arunaka DC

⁸ Jiwasatix “Janiw juchanïkti” sañänixa, jiwaspachaw k'arintastan, janirakiw jiwasan chiqax utjkiti;

Aymar Bibliia 1986

⁸ Jiwasatejj sañäni: “Janiw juchanïcti” sasa, ucapachajj jiwas pachpaw c'arintastan, janiraquiw jiwasan cheka luräwejj utjquiti;

Qullan Arunaca

⁸ Jiwasatejj sañäni: “Janiw juchanïcti” sasa, ucapachajj jiwas pachpaw c'arintastan, janiraquiw jiwasan cheka luräwejj utjquiti;

1 Juan 1:8 Jak'a apnaqawi uñst'ayäwi

1 Reyes 8:46

“Diosaxay, taqiniw juchararäpxta, markamatix juma nayraqatan jucha lurani, ukatsti jumax jupanakatak q'apisitam layku uñisirinakapan amparapar katuyarakïta, katuntat jaya markarusa, jak'a markarusa apatäñapataki,

2 Reyes 20:15

Isaías profetasti jiskt'askakïnwa: —¿Kunsa reyi utaman uñjawayapxi? —sasa. Ezequiasax ukxaruw säna: —Taqi kunatix uka manqhin utjki ukanak uñjapxi. Imasiñ utanakaxsa jan mayan taqi uñacht'ayta —sasa.

2 Crónicas 6:36

“Kunapachatix jumatak juchachasipxani, janis maynisa jan jucha lurir utjkchi ukasa, ukat jumax jupanakatak phiñasisax uñisirir katuyäta, ukat jupanakax jaya markarusa, jan ukax jak'a markarus irpatäkani ukkhaxa,

Job 14:4

Janiw khitis q'añu kankañatxa, q'uma kankañ apskaspati,

Job 15:14

Q'uma jaqix janiw maynis utjkiti, jan juchan jaqisa janirakiw utjkiti.

Job 25:4

¡Dios nayraqatanxa, janiw khitis q'umätwa siskaspati!

Salmos 143:2

Janikiy uywatamarux juchañchamti, nayraqataman janiw khitis askïkiti.

Proverbios 20:9

¿Khitirak saspa: “Chuymaxax q'umawa, juchatsa q'umachatätwa” sasati?

Eclesiastés 7:20

Ukatsipana, akapachan janiw khitis jan juch luras aski jaqix utjkiti.

Isaías 53:6

Taqi jiwasanakaw ovejanakar uñtat chhaqtan, sapa maynis pachpa amtataparjam lurasa, ukampis Diosax jupxaruw jiwasan mutuyatäñanakas apxaruyi.

Isaías 64:6

6 (5) Taqi nanakasti mä q'añu lurir jaqir uñtatäpxtwa, taqi aski luräwinakaxasti q'añu isinakar uñtatarakiwa. Taqiniw ankuntat laphinakar uñtat willirtapxta, nanakan jucha luratanakaxasti thayar uñtataw apapxarakitu.

Jeremías 2:35

Ukampis saskaktawa: ‘Nayax janiw kuna juchanïktsa, Diosax janiw nayatakix phiñasitäkxiti’ sasa. Jichhax walikiwa, niyakixay ‘Janiw juchanïkti’ sistaxa, ukhamax mä taripäwiruw mantañäni.

Levítico 13:12

“Ukat uka lepra usutix jank'aki aqatatani, kayut p'iqikama q'al chhaqtayani, kawkhakamatix sacerdotex uñjkaspa ukkhakama ukasti,

Juan 8:44

Jumanakan awkimax supayawa, jumanakax jupankapxtawa, ukat kuntix supayax munki uk lurapxaraktaxa. Supayax qalltatpach jaqi jiwayiriwa. Janiw jupax kunapachas chiq arskiti, jupan k'arïtap layku. Kunapachatix k'arinak arski ukkhax jupa pachpat parlaski; k'arïtap layku, k'arin awkipätap laykuraki.

Romanos 3:10

Qillqatanakax siwa: “¡Janiw maynis aski jaqix utjkiti!

Romanos 3:23

taqiniw juch lurapxi, ukat Diosan qhapaq kankañapat jayan uñjasipxi.

1 Corintios 3:18

Janiy khitis jupapach sallqjaspati: maynitix jumanak taypin akapach yatiñ kankañaparjam yatiñan tukchixa, jan kun yatirjamak tukpan, ukhamat chiqpach yatiñan tukuñapataki.

Gálatas 6:3

Maynitix jan kunäkasin jach'achaschixa, jupa pachpaw sallqjasi.

1 Timoteo 6:5

sapa kuti jan wali amtan jaqinakamp nuwasiña, khitinakatix chiqa kankañsa jan yatipki ukanakampi, jupanakasti Tatitur iyawsañ chuymax qullqi jikxatañäkaspas ukhamak amuyapxi.

2 Timoteo 3:13

ukampis salqjir jan wali jaqinakax jan walit juk'amp jan waliruw puripxani, sallqjasina, ukhamarak sallqjayasisina.

Santiago 1:22

Ukampis jan aliq isch'ukirinakakïpxamti, jan ukasti luririnakäpxam, jan lurapkät ukasti, jumanakpachakiw sallqjasisipkasma.

Santiago 1:26

Maynitix Diosar sum arkatap amuyaschi ukatsti kuns parlaskakchi ukaxa, jupa pachpaw k'arintasiski, Diosar arkatapasti inamayakiwa.

Santiago 3:2

Taqiniw kunayman pantjasiñarux puripxtan; jichhasti, maynitix arsutapamp jan pantjaskchi ukaxa, chiqa jaqiwa, taqpach janchipsa sum apnaqarakispa.

2 Pedro 2:13

Mayninakar t'aqhisiyapxatapat jupanakax t'aqhisipxani, urpach ukham lurasax kusisitäpkaspas ukham amuyasipxi. ¡Mä p'inqa jan walipuniw jupanakan luratanakapaxa, kunapachatix jumanakamp chika uka suma phunchhäwinakaman jikxatasipki ukkhaxa!

1 Juan 1:10

Jiwasatix “Janiw kuna juchsa lurkti” sañänixa, Diosarux k'arïkaspas ukham tukuytan, chiqpachansa janiw arup katuqktanti.

1 Juan 1:6

Jiwasatix sañäni: “Jupampix mayakïtanwa” sasaxa, ukham arskasas ch'amakan jakaskañän ukkhaxa, k'arisipxtanwa, janiw chiqarjam lurapktanti.

1 Juan 2:4

Ukampis maynitix saspa: “Nayax juparux uñt'twa” sasaxa, ukat janirak kamachinakapar phuqkixa, jupax k'ariwa, janiw chiqa arux jupan utjkiti.

1 Juan 4:20

Ukampis maynitix saspa: “Nayax Diosaruw munasta” sasa, ukat jilapar uñisiskarakchi ukax k'ari jaqïskiwa. Maynitix jilapar uñjkasin jan munaskchixa, ¿kunjämarak Diosar jan uñjkas munasispasti?

2 Juan 1:2

Chiqa kankañax chuymasan utjatap laykuw munasipxsma, ukasti wiñayatakiw jiwasampi chikäskani.

3 Juan 1:3

Maynïr jilatanakaw purinipxi, jupanakasti juman chiqa kankañan saraskatam yatiyapxitu, uk yatisax walipuniw kusista.