1 Juan 1:8 - Aymar Bibliia 1986

⁸ Jiwasatejj sañäni: “Janiw juchanïcti” sasa, ucapachajj jiwas pachpaw c'arintastan, janiraquiw jiwasan cheka luräwejj utjquiti;

Qullan Arunaca

⁸ Jiwasatejj sañäni: “Janiw juchanïcti” sasa, ucapachajj jiwas pachpaw c'arintastan, janiraquiw jiwasan cheka luräwejj utjquiti;

Qullan Arunaka DC

⁸ Jiwasatix “Janiw juchanïkti” sañänixa, jiwaspachaw k'arintastan, janirakiw jiwasan chiqax utjkiti;

1 Juan 1:8 Jak'a apnaqawi uñst'ayäwi

1 Reyes 8:46

“Juma nayrakatantï jucha lurapjjaraquini ucajja, janiw qhitis jan jucha lurirejj utjquiti uca laycu, ucatsti jumajj jupanacampi colerasitam laycojja uñisirinacaparu catuyäta preso catuntayasina jaya marcar apatäñapataqui jayarusa jac'arusa ucqhajja,

2 Reyes 20:15

Isaías profetasti jisct'ascaquïnwa: —¿Cunsa palaciomanjja uñjapjje? —sasa. Ezequiasajj ucjjarojj sänwa: —Uñjapjjewa cunatejj uca mankhena utjqui ucanaca. Imasiñanacajjsa jan mayanwa take uñacht'ayta.

2 Crónicas 6:36

“Cunapachatï jucha lurapjjani ucqhajja, jan jucha luriristi janiw qhitis utjquiti uca laycu, ucatjja jumajj colerasitam laycujja uñisiriruw preso catuyäta, ucatsti jupanacajj jayarusa, jac'a marcarusa apatäni ucqhajja,

Job 14:4

Janiw qhitis k'añu cancañatjja k'oma cancaña apscaspati,

Job 15:14

Janiw mayni asqui jakes utjquiti, jan juchani jakesa janiw utjcaraquiti.

Job 25:4

¿Mä jakesti asquïspati, uqhamaraqui k'omäspati Diosan nayrakatapanjja?

Salmos 143:2

Janiquiy uywatamarojj juchañchamti, nayrakatamanjja janiw qhitis asquïquiti.

Proverbios 20:9

Janiw qhitis siscaspati: “Chuymajj-jja k'omachastwa, take juchatsa k'omäjjtwa” sasajja.

Eclesiastés 7:20

Ucampisa aca orakenjja janiw qhitis asqui jakejj utjquiti, janipun juch lurasa asqui lurirejja.

Isaías 53:6

Take jiwasanacaw ovejanacar uñtat saranuctan, chhakharactan, sapa maynis pachpa thaquipa sarasa, ucampis Tatitojj juparuw apjjaruyi jiwasan ñankha luratanacasjja.

Isaías 64:6

Take nanacasti mä k'añu lurir jaker uñtatäpjjtwa, take asqui luräwinacajjasti k'añu traponacar uñtataraquiwa. Takeniraquiw ancuntat laphinacar uñtata willirtapjjta, nanacan ñankha luratanacajjasti thayar uñtataw apapjjaraquitu.

Jeremías 2:35

Ucampisa sascactawa: ‘Nayajj janiw cuna juchanïctsa, Diosajj janiw nayataquejj coleratäquiti’ sasa. Jichhajj waliquiwa. Niyaquejjay ‘Janiw juchanïcti’ sistajja, ucatwa jichhajj jumampi nayampejj juiciorojj mantañäni.

Levítico 13:12

“Ucat uca lepra usutejj janc'aqui akatatani, ucat usuta jaken janchipsa janc'aquiraqui cayutpacha p'ekecama chhaktayjjatapatjja, cawqhacamatejj sacerdotejj uñjcaspa uqhamarjama,

Juan 8:44

Jumanacan awquimajj Supayawa, jumanacajj Supayancapjjtawa. Cuntejj jupajj munqui ucwa lurapjjaractajja. Supayajj kalltatpacha jake jiwayiriwa. Janiw cunapachas jupajj chek parlquiti, jupajj c'arïtap laycu. Cunapachatejj c'arinac parlqui ucqhajja jupatacwa parlasqui, c'arïtap laycu, uqhamarac c'arin awquipätap laycuraqui.

Romanos 3:10

Kellkatanjja siwa: “¡Janiw mä asqui jakes utjquiti, ni mayniquisa!

Romanos 3:23

ucatsti takeni jucha lurapjjatap laycusti Diosampejj janiw catokatäpquiti.

1 Corintios 3:18

Jan qhitis jupapacha sallkjaspati. Maynitejj take cunsa yatitapa amuyaschejja, jan cunsa yatirjamaw tucuñapa, uqhamata chekpachansa yatiñan jake tucuñapataqui.

Gálatas 6:3

Maynitejj jach'ar tucuñ munchejja, ucat janirac cunäcchisa ucajja, jupa pachpawa sallkjasi.

1 Timoteo 6:5

uqhamaraqui alekat jan wali amtañani jakenacampi nuwasiñasa. Janiw cuna cheka arunacsa yatquiti, jan ucasti amuyatanacapatjja saräwipajj kollke jicjjatañäcaspas uqhamawa. [Acanacatjja jithektam.]

2 Timoteo 3:13

Ucampis jan wali jakenacajj uqhamarac sallkjerinacasa jan walit juc'amp jan waliruw sarapjjani, sallkjasina, uqhamarac sallkjayasisina.

Santiago 1:22

Ucampis cuntejj Diosan arunacapajj yatichquistu uc lurapjjaraquim, janiraqui alek isch'uquirinacaquïpjjamti, uqham alek isch'uquisajja jumanacpachaquiw sallkjasisipcasma.

Santiago 1:26

Maynitejj Diosar arcatap amuyaschejja ucatsti cuns parlascacchi ucajja, jupa pachpaw c'arintasisqui, Diosar arcatapasti inamayaquiraquiwa.

Santiago 3:2

Takeniw walja pantjasïwinac lurtan, ucampis maynitejj arsutapanjja jan pantjascchejja, ucajj cheka jakewa, take janchipsa frenompjamaraquiw apnake.

2 Pedro 2:13

wali t'akhesisa mayninacar t'akhesiyapjjatapata. Mä juc'a cusisisajja wali c'uchiquïpcaspas uqhamwa amuyasipjje. Mä p'enka jan waliraquiw jupanacan luratanacapajja. Jumanacampi chica ucanccasinsti cusisipjjaraquiwa jan wali luratanacapampi.

1 Juan 1:10

Ucampis jiwasatejj: “Janiw cuna juchs lurcti” sisna ucajja, Diosaruw c'arir tucuytan, chekpachansa janiw arup catokctanti.

1 Juan 1:6

Jiwasatejj sañäni: “Jupampejj mayaquïtanwa” sasajja, ucatsti uqham arscasinjja ch'amacan jacascaracstanjja, c'arïtanwa arsüwisansa, uqhamarac luräwisansa.

1 Juan 2:4

Ucampis cawquïritejj sanejja: “Nayajj uñt'twa” sasa, ucatsti janirac camachinacap imcaniti ucasti, c'ariwa. Jupanjj janiraquiw cheka arojj utjquiti.

1 Juan 4:20

Ucampis cawquïritejj sejja: “Nayajj Diosarojj muntwa” sasa, ucatsti jilapar uñisiscaraquejja, ucasti c'ariwa. Maynitejj jilapar uñjcasina jan muncchejja, ¿cunjämatsa Diosarojj munaspa jan uñjasajja?

2 Juan 1:2

Munasipjjsmawa jumanacaru, cheka cancañajj chuymanacasan utjatap laycu, ucasti wiñayataquiw jiwasampiraquïni.

3 Juan 1:3

Wal nayajj cusista cunapachatejj mayni jilatanacajj purinipjje, ucatsti yatiyapjjetuwa jumajj Diosaru suma arcascatama, uqhamarac cunatejj chekapäqui ucan jacascatamata.