Jeremías 33:8 - Qullan Arunaka DC

⁸ Kuna juchanaktix nayar ñanqhachañatak lurapkäna, ukhamarak nayatak sayt'asipkäna taqi ukanakat q'umachxarakïwa.

Aymar Bibliia 1986

⁸ Cuna juchanactejj naya toke lurapcän take ucanacatsti k'omachjjaraquïwa, take ñankhanaca lurapcän ucanacatsti jupanacarojj perdonjjaraquïwa, uqhamaraqui nayataqui sayt'asitanacapatsa.

Qullan Arunaca

⁸ Cuna juchanactejj naya toke lurapcän take ucanacatsti k'omachjjaraquïwa, take ñankhanaca lurapcän ucanacatsti jupanacarojj perdonjjaraquïwa, uqhamaraqui nayataqui sayt'asitanacapatsa.

Jeremías 33:8 Jak'a apnaqawi uñst'ayäwi

Salmos 130:4

Ukampis jumaw juchanakat pampachapxista, ukhamat jumar waqaychañataki.

Salmos 130:8

¡Jupaw Israel markarux taqi juchanakapat pampachani!

Salmos 51:2

2 (4) ¡Ñanqha luratanakaxat jariqt'ita! ¡Jucha luratanakaxat q'umacht'ita!

Salmos 65:3

3 (4) Jucha luratanakaxaw aynacht'ayapxitu, ukampis jumaw juchanakaxat pampachapxista.

Isaías 4:2

Uka urux purinkani ukapachasti, jupanakax taqi kunan phuqt'ataw suman jakasxapxani. Markaxasti wali jach'ar tukt'asaw jakxani, kuna achunaktix uraqipax churkani taqi ukanakata. Khitinakatix Jerusalén markan qhiparapkani ukanakarusti, janiw taqinir mutuykäti, pachpa markan jakapxañapatakiw wakichä, ukatsti “Tatitun ajllit markapa” sas sutichatäpxaniwa.

Isaías 44:22

Nayaw juchanakamsa, pantasitanakamsa chhaqtayta, kunjämatix qinayanakax chhaqtkix ukhama. Nayan ukar kuttanxam, nayaw jumarux qhispiysma.”

Isaías 56:7

nayax qullana qulluxaruw jupanakarux irpanï, nayar mayisiñ utaxansti k'uchikïpxaniwa. Altaraxan wilañchanak luqtasitanakapsti katuqarakïwa, nayan utaxax taqi markanakatakix Tatitur mayisiñ uta satäniwa.”

Jeremías 31:34

Nayar uñt'añatakix janiw wakiskxaniti, maynit maynikama, masinakkama, wila masinakkam yatichasiñanakapaxa, taqiniwa jisk'at jach'akama nayarux uñt'apxitani. Nayasti jupanakarux ñanqha luratanakapat pampachäwa, jucha luratanakapatsti janirakiw mayampsa amtaskxäti. Naya, Tatituw uk arsta” sasa.

Jeremías 50:20

Naya, Tatituw uk arsta: Uka urun Israel markasa, Judá markasa, taqi juchanakapat pampachatäxani, nayaw khitinakarutix jakaskir jaytkta ukanakarux juchanakap pampacharakï.

Lamentaciones 4:22

Jerusalén marka, mutuyäwimax tukusxiwa; Tatitux janiw juk'ampi apanukuykxätamti. Ukampis Edom marka, jan wali luratamat mutuyapunïtamwa, juchanakamsa qhanaruw uñstayarakini.

Ezequiel 36:25

Q'uma umampiw jariqt'xapxäma, yaqha diosanakar yupaychas q'añuchasitanakamatsa q'umachxapxarakïmawa;

Ezequiel 36:33

“ ‘Tatitux akham siwa: Nayax taqi juchanakamat q'umachxapxäma ukkhasti, pachpa markanakaman jakxapxäta, t'unjatäkän ukanaksa wasitat sayt'ayxapxarakïta.

Levítico 16:30

ukürurakiw jumanakax Tatitun nayraqatapan juchanakamat pampachatäñ jikxatapxäta, taqi jucha luratanakamatsa q'umachataw uñjasxapxarakïta.

Zacarías 13:1

“Khä urun mä uma jalsuw jist'artani, ukan Davidat saraqir wila masinakapasa, Jerusalén markan jakirinakasa juchanakapa, q'añu luratanakap jariqasipxañapataki.

Apocalipsis 1:5

Diosan chiqa qhanañchiripa Jesucristotsa katuqasipxarakim. Uka Jesucristow jiwatanak taypit nayrïr jaktirixa, taqi akapach reyinakar apnaqañatakis jupax munañanirakiwa. Jesucristox jiwasar munasistuwa, juchanakasatsa wilap wartasaw jariqistu,