Jeremías 3:13 - Qullan Arunaka DC

¹³ Jucha luratamaki uñt'asim, Dios Tatitur saykatatam uñt'asirakim; yaqha diosanakan qhipap jalatama, jach'a quqanak k'uchunakan, uka diosanakarux yupaycharaktaxa, arunakaxarus janirakiw ist'ktati. Naya, Tatituw uk arsta.’ ”

Aymar Bibliia 1986

¹³ Juchamaqui uñt'asim, Dios Tatitutaquiw sayt'astajja, yakha munirinacan khepap jalaractajja, take jach'a kokanac c'uchuru, arunacajjsti janiw ist'caractati. Naya Tatituw ucjja arsta’ ” sasa.

Qullan Arunaca

¹³ Juchamaqui uñt'asim, Dios Tatitutaquiw sayt'astajja, yakha munirinacan khepap jalaractajja, take jach'a kokanac c'uchuru, arunacajjsti janiw ist'caractati. Naya Tatituw ucjja arsta’ ” sasa.

Jeremías 3:13 Jak'a apnaqawi uñst'ayäwi

Nehemías 9:2

ukatsti yaqha markat jutir jaqinakat jithiqtasinxa, sayt'asisin juchanakap arsusipxäna, nayra awkinakapan juchanakapat arsusipxarakïna.

Proverbios 28:13

Juchap imt'asir jaqix, janiw nayrar sarkaniti, juchap arsusisin jaytanukxani ukasti, pampachatäxaniwa.

Isaías 57:5

roble quqanak taypina, jach'a quqanak jak'ana, uka k'ari diosanakar yupaychañatakiw q'añu lurañanakar katuyasipxtaxa, jawira thiyanakana, qarqa p'iya manqhanakana jisk'a wawanaksa wilañchanak luqtapxtaxa.

Jeremías 14:10

Tatitux akham siw Israel markatxa: “Aka markax maysat maysar sarnaqañpun muni. Ukat nayax juparux jan taqi chuyma uñtkti. Jichhax juchanakapat amtasaw jupanakarux mutuyarakï.”

Jeremías 14:20

Tatay, nanakax juchanakax uñt'asipxtwa, nayra awkinakaxan juchapsa uñt'apxaraktwa; juma nayraqatan jucha lurapxta.

Jeremías 2:20

“Nayratpach nayatakix sayt'astaxa, janiw nayar jayskarakistati. ‘Janiw luqtañ munkti’ saraktawa. Taqi alay qullunakana, jach'a quqanak k'uchunakan yaqhampi jucha luras sarnaqtaxa.

Jeremías 2:25

“¡Israel, jan kayunakam q'ara kayu jalanaqasax chhuxriñchjasimti, mallq'amsa janirak wañantayasimti! Ukampis jumax sistawa: ‘Janiwa. Janipuniw sayt'kiristti, yaqhanakaruw wal muntxa, jupanakampiw sarxarakï’ sasa.

Jeremías 3:2

“Q'ara qullunak uñtam, ¿kawkhansa janix juchxa lurktaxa? Wasarankir árabe jaqir uñtataw quntaxa, thakhi thiyanakan waynanakamarux suyäyätaxa. Yaqhanakampi sarnaqatamampisa, ñanqha luratanakamampis markxa q'añuchtawa.

Jeremías 3:25

Jichhax p'inqasiñatsa amuki alt'asipxañäni, wawatpacha jichhakamaxa, jiwasanakasa, awkinakasasa, Tatitu Dios nayraqatan juchanak lurapxtanxa, janirakiw juparux jaysapktanti.”

Jeremías 3:6

Josías reyin urunakapansti, Tatitux sarakituwa: “¿Kuntix nayataki sayt'asir Israelax lurki uk uñjtati? Nayar apanukusin qullu patanakana, jach'a quqanak k'uchun yaqha diosanakaruw yupaychi.

Jeremías 7:24

Ukampis janiw nayarux ist'apkituti, janiw jaysapkarakitusa, jan ukasti qala chuymanakapar jaysasakiw ñanqha lurañanakar katuyasipxi. Nayan ukar kuttaniñat sipansa, maysaruw uñtapxi.

Jeremías 7:26

Ukampis jumanakax janiw nayarux jaysapkistati, janiw ist'apkarakistasa, jan ukasti, nayra awkinakamat sipansa juk'ampi qhuru chuymaniw tukupxtaxa.

Ezequiel 16:15

“ ‘Ukampis jumax ukham wali munkañ tukutamampi, taqi markanakansa aytat uñjasitamampix jan wali sarnaqir warmiruw tukuwayxtaxa, uka chiqa sariri chachanakaru janchim katuyasisa.

Oseas 5:15

“Juchanakapat kutikipstañapkamasti, utjäwixaruw kuttä, kunapachatix juchanakap uñt'asxapxani ukkhasti, llakisiñanakampiw phuqhantasipxani, ukhamat nayar thaqhapxitani”.

Deuteronomio 12:2

“Kawkha markanaktix katuntapkäta uka markanakanxa, diosanakapar yupaychañ chiqanakxa q'al t'unjapxäta: qullunakana, jisk'a qullunakana, ukhamarak jach'a quqa manqhanakansa.