Jeremías 3:12 - Qullan Arunaka DC

¹² Jichhax saram, ukatsti aka arunak yatiyanim amsta tuqinkir markaru: “ ‘Tatitux siwa: ¡Nayatak sayt'asir Israel, nayan ukar kuttanxam! Janiw nayax jumarux phiñasit chuymampi katuqkämati, janirakiw wiñayatakis q'apisitäkäti, nayax khuyapayasir Tatitütwa. Naya, Tatituw uk arsta.

Aymar Bibliia 1986

¹² Jichhajj saram, ucatsti aca arunac saraquim amsta tokeru uñtasa: ‘Tatitojj siwa: ¡Nayatac sayt'asir Israel, cuttanjjam nayan ucaru! Janiw nayajj jumarojj colerata catokcämati, janiraquiw wiñayataquisa coleratäcäti, qhuyapayasirïtajj laycu. Naya Tatituw ucjja arsta.

Qullan Arunaca

¹² Jichhajj saram, ucatsti aca arunac saraquim amsta tokeru uñtasa: ‘Tatitojj siwa: ¡Nayatac sayt'asir Israel, cuttanjjam nayan ucaru! Janiw nayajj jumarojj colerata catokcämati, janiraquiw wiñayataquisa coleratäcäti, qhuyapayasirïtajj laycu. Naya Tatituw ucjja arsta.

Jeremías 3:12 Jak'a apnaqawi uñst'ayäwi

Génesis 4:7

Jumatix askïki uk lurasmaxa, jach'ar aptatäsmawa; ukampisa juman jan aski luratamatxa, juchax jumar apnaqañatakix jak'amankaskiwa, ukampis jumax atipjañamawa” sasa.

2 Reyes 15:29

Uka urunakansti, Asiriankir Tiglat-piléser reyiw purintasin Iión, Abel-bet-maacá, Janóah, Quedes, Hasor, Galaad, Galilea markanak katuntasïna, Neftalí taqi uka uraqinak katuntasirakïna, markachirinakaparusti Asiria markaruw katuntat apxäna.

2 Reyes 17:23

Ukhamasti, Tatitux jupan nayraqatapat Israel markarux apanukxänwa, kunjämtix jupax taqpach profetanakap tuqi yatiykatayna ukhamarjama, ukat Israel markax Asiria markar katuntat apatäxäna, ukan jichhürkam jikxatasiski.

2 Reyes 17:6

Qhiparusti, Oseas reyix llätunka mara marka apnaqkän ukapachaw, Asiriankir reyix Samaria marka katuntasïna, israelit jaqinakarusti Asiria markaruw katuntat apäna, ukatsti jupanakarux Halah sat chiqaruw utjnuqtayäna, Habor jawir chiqankir Gozán uraqina, ukhamaraki medonakan markanakapana.

2 Reyes 18:1

Kunapachatix Elá chachan Oseas yuqapax kimsa mara Israel marka apnaqkän ukkhaw, Ahaz chachan Ezequías yuqapax Judá marka apnaqañ qalltäna.

2 Crónicas 29:10

Nayax Israelan Tatit Diosapampi mä suma arust'äwir mantañatakiw amtasta, ukhamat q'apisiñapa jiwasat apaqañapataki.

2 Crónicas 30:9

Jumanakatix Tatitur kutt'anxapxäta ukaxa, uñisirinakamax jilanakamaru, wawanakamaru katuntat apapki ukanakax, jupanakat khuyapt'ayasiniwa, ukatsti aka uraqir kuttaniñapatakiw antutanxapxani, jumanakan Tatit Diosamasti khuyapayasiriwa, munasirirakiwa, jumanakatix jupan ukar kutt'anipxäta ukax, janiw jupax apanukupkätamti” sasa.

Salmos 103:17

Tatitur waqaychirinakatakisti munasiñapax wiñayawa; aski kankañapax wawan wawapatakis utjaskakiwa,

Salmos 103:8

Tatitux munasiriwa, khuyapayasiriwa; janiw mäk q'apisirïkiti, khuyapayasiñan phuqhantatawa.

Salmos 103:9

Janiw wiñay tuqinuqkistuti, janirakiw wiñayas tima amxäskiti;

Salmos 145:8

Tatitux suma jaqiwa, khuyapayirirakiwa, q'apisiñapax k'achakiwa, munasiñapasti jilarkiriwa.

Salmos 79:5

Tatay, ¿kunapachkamarak q'apisitakïskätasti? ¿Kunapachkamarak q'apisiñamasti ninjam nakhanisti?

Salmos 86:15

Jumasti, Tatay, khuyapayasir Diosätawa, llamp'u chuymani, munasiñani, aski Diosätawa.

Salmos 86:5

Tatay, jumax munasiñanïtawa, juch pampachirirakïtawa; jumar art'asirinakatakix munasirïtawa.

Proverbios 28:13

Juchap imt'asir jaqix, janiw nayrar sarkaniti, juchap arsusisin jaytanukxani ukasti, pampachatäxaniwa.

Isaías 31:6

Israelan wawanakapa, khitirutix chuymap wal ust'ayapkta ukar kuttxapxam.

Isaías 44:22

Nayaw juchanakamsa, pantasitanakamsa chhaqtayta, kunjämatix qinayanakax chhaqtkix ukhama. Nayan ukar kuttanxam, nayaw jumarux qhispiysma.”

Jeremías 11:6

Ukatsti Tatitux sarakituwa: “Taqi aka arunaksti Judá uraqinkir markanakana, Jerusalén markan thakhinakapan yatiyam. Jaqinakarusti sarakim: ‘Ist'apxam kawkïris aka arust'äwin arunakapax ukanaka, ukatsti phuqhapxarakim.

Jeremías 12:15

Ukham jik'inukutatsti, jupanakat khuyapayasirakïwa, pachpa uraqiparu, pachpa markaparuw kuttayanxä.

Jeremías 23:8

jan ukasti akham sasaw juramento lurapxani: ‘Israelitanakaru Babilonia markampita, kawkirutix ananukkatayna uka yaqha markanakampit kuttayanxir Tatitux jakaskiwa’ sasa. Ukatsti pachpa uraqinakapan israelitanakax jakasipxarakini” sasa.

Jeremías 3:1

Tatitux Judá markarux siwa: “Sañäni, mä jaqitix warmipampi jaljtchi, ukatsti warmix uka chachampi jaljtasax yaqha chachampi jaqichasxchi ukaxa, amuyatamatxa, ¿uka chachax nayra warmipampi wasitat jaqichasispati? ¡Janiwa! Ukhamäspa ukaxa, markatakix mä p'inqäspawa. Ukampisa, jumax Israel, walja chachanakampiw sarnaqtaxa, ¡jichhasti nayan ukaruw kuttanxañ munaraktaxa! Naya, Tatituw, uk arsta.

Jeremías 3:14

Tatitux siwa: “Nayatak sayt'asir wawanaka, nayan ukar kuttanxapxam, jumanakan uywirimax nayätwa. Sapa markat jumanakat mayni apsurakï, sapa wila masinakatsti panin apsurakï, ukatsti Jerusalén markaruw kuttayanxapxäma.

Jeremías 3:18

“Uka uru purinkani ukapachasti, Judá markax Israel markaruw jaqkattxani, ukatsti mayakiw amsta tuqinkir markat kutt'anxapxani, kawkïr uraqtix nayax mä tutïkaspa ukhama nayra pacha awkinakapar churkta uka uraqiru” sasa.

Jeremías 3:22

¡Nayatak sayt'asir wawanaka, nayan ukar kuttanxapxam! ¡Nayaw ist'asir wawanakar tukuyxapxäma!” sasa. “Tatay, akankapxtwa, jumaruw makhatxapxsma, jumätaw nanakan Tatitu Diosaxaxa.

Jeremías 3:5

¿jichhasti phiñasitakïskätati? ¿q'apisiñamasti wiñayatakipunïniti?’ sasa. Ukham sasasti, qawqhtix munkta ukkharak ñanqhanak lurtaxa.”

Jeremías 3:7

Nayasti sarakïyätwa: Ukham lurasax inas nayan ukarux wasitat kuttanxchini sasa, ukampis janiw kuttankiti. Judá kullakapas ukham yaqha diosanakar yupaychir sum uñjaraki,

Jeremías 30:11

Naya, Tatituw uk arsta, nayaw jumampïskta jumar qhispiyañataki. Kawkïr markanakarutix ananukkäyäsma uka markanaksti t'unjarakïwa. Ukampis jumarux janiw t'unjkämati; jan ukasti juchamatjamak mutuyäma, juchamatsti mutuyapunirakïmawa.”

Jeremías 31:20

“Efraín markax nayatakix munat wawaxawa; taqinit sipansa sinti munat wawaxawa. Jupar tuqintkta ukasa, janipuniw nayax jupat armaskti; taqi chuymaxampiw munasta, jupatsti walpun khuyapt'ayasirakta. Naya, Tatituw uk arsta.

Jeremías 31:21

“Israel, thakhinakam sum chimpusim, ukhamat wasitat jank'ak uk jikxatañamataki; uka thakhinak saratam sum amuyasim. ¡Israel marka, kuttanxam, kuttanxam markanakamaru!

Jeremías 31:8

Nayaw Babilonia markat kuttayanxapxäma, aka uraqi tukusitpach jumanakarux tantachxapxäma. Jumanakampi chikasti juykhunaka, kayu wixchunakaw kuttanxapxani, usur warminakasa, wawachasxapxi ukanakasa, ¡waljanipuniw kuttanxapxani!

Jeremías 33:26

janipuniw Jacobun wawanakaparuxa, David luqtirixan wawanakaparus apanukkäti, jupanak taypitsti, Abraham, Isaac, Jacob chachanakan wawanakaparu apnaqañapatakiw utjayarakï. Nayaw jupanakat khuyapayasisax, kawki yaqha markar apanukutäpkäntix uka markat kuttayanxarakï.”

Jeremías 4:1

Tatitusti siwa: “Israel marka, jumatix kuttanxañ munstaxa, jan juk'ampi jucha lurkxamti. Uka axtaskañ diosanakamsti apanukxam, nayatsti janirak jayarst'amti.

Lamentaciones 3:22

Tatitun munasiñapax jan tukuskiriwa, khuyapayasiñapas jan pist'kiriwa.

Ezequiel 11:17

Jupanakarux saskakim: ‘Tatitux siwa: Nayaw jupanakarux kawkha uraqinakar ananukutatix uñjasipki uka jaya markanakat kuttayanxä, jupanakar tantacht'asinsti Israel uraqi jupanakarux churxarakï.

Ezequiel 33:11

Jichhasti jupanakarux sarakim: Naya, Tatituw juramentompi arsta, janiw nayax qhuru jaqin jiwañap munkti, jan ukasti uka qhuru jakañap apanukusin jakañap munta. Israelitanaka, ¡jumanakax uka jan wali sarnaqäwinakam apanukupxam! ¡Kunatix jan walïki uk jan lurapxamti, ukhamat jan jiwapkätati!’ sasa.

Ezequiel 39:25

“Ukatpï jichhax naya, Tatitux sistxa: Jichhax taqi Israel markpachat khuyapt'ayasï, Jacobun taqi wawanakapata. Israelan sarnaqäwipax sumar tukutäxaniwa, ukhamat nayan qullan sutixax suman uñjatäñapatak wayt'arakï.

Oseas 6:1

Taqin jutapxam, Tatitun ukar kutkatxañäni. Jupaw usuchjistu, juparakiw k'umarachxistani; chhuxriñchjistuwa, juparakiw qullt'xistani.

Levítico 26:40

“Jumanakax jucha luratanakamsa, awkinakaman jucha luratanakapsa, nayar saykatasisin jan taqi chuymampi arkapxatamsa uñt'asisipkam,

Zacarías 1:4

Jan jumanakax nayra awkinakamjam lurapxamti, jupanakarusti nayra profetanakax parlapxirïnwa, jan wali sarnaqäwinakapa, jan wali luräwinakap jaytxapxañapataki, ukampis jupanakax janiw ist'añsa, jaysañsa munapkänti. Naya, Tatituw arsta.

Deuteronomio 30:2

Jumanakampi wawanakamampitix amthapisisina, Tatitur wasitat jaysañatak makhatxapxäta, taqi chuymamampi, taqi jakañamampi, ukatsti iwxapksma uka kamachinakar phuqhapxarakïta ukapachasti,