Jeremías 3:14 - Qullan Arunaka DC

¹⁴ Tatitux siwa: “Nayatak sayt'asir wawanaka, nayan ukar kuttanxapxam, jumanakan uywirimax nayätwa. Sapa markat jumanakat mayni apsurakï, sapa wila masinakatsti panin apsurakï, ukatsti Jerusalén markaruw kuttayanxapxäma.

Aymar Bibliia 1986

¹⁴ Tatitojj siwa: “Nayataqui sayt'asir wawanaca, cuttanjjapjjam nayan ucaru, nayätwa jumanacan uywirimajja. Sapa marcat mayni apsuraquï, sapa jach'a familianacatsti panin apsuraquï, ucatsti Sionaruw cuttayanjjapjjaraquïma.

Qullan Arunaca

¹⁴ Tatitojj siwa: “Nayataqui sayt'asir wawanaca, cuttanjjapjjam nayan ucaru, nayätwa jumanacan uywirimajja. Sapa marcat mayni apsuraquï, sapa jach'a familianacatsti panin apsuraquï, ucatsti Sionaruw cuttayanjjapjjaraquïma.

Jeremías 3:14 Jak'a apnaqawi uñst'ayäwi

2 Crónicas 30:6

Ukhamawa, yatiyirinakax reyina, jilïr yanapirinakapampin qillqatanakap apasin taqpach Israel, Judá markanakar sarapxäna, reyin amtäwipa yatiyaniñataki, akham sasa: “Israelitanaka: Tatitun ukar kutt'anxapxam, Abrahamana, Isaacana, Israelana Diosaparu, jupasti jumanakarux kutt'anxarakiniwa, Asiria reyinakan amparapat jaltanipktas ukanakaru.

Isaías 1:9

Naya, taqi ch'aman Tatitutix jan mä qawqhansa qhispiykiriskäyätxa, Jerusalén markax q'ala tukjatäsapänwa, Sodoma, Gomorra uka markanakjam t'unjatäsapänwa.

Isaías 10:22

Israel markamax waljanïskpasa, quta iramankir ch'allar uñtatäskpasa, ukampis mä qawqhanikiw kuttanxapxani. T'unjañax niya amtatawa, Diosan aski luräwipasti phuqhasipuniniwa.

Isaías 17:6

jan ukax kunjämtix olivo quqax thalsutaxa, mä qawqha achunakapak pachpa quqan jilt'kixa, ukhamäpxaniwa. Ukham siw Israelan Tatitu Diosapaxa.

Isaías 27:12

Kunapachatix Tatitux Israelan juchap pampachkani ukkhaxa, Tatitux Éufrates jawirata Egipto jawirkamaw uraq khathatiyani; jumanak israelitanakarusti, mayat mayat apthapipxätam, kunjämtix yapu luririx cebadap apthapki ukhama.

Isaías 31:6

Israelan wawanakapa, khitirutix chuymap wal ust'ayapkta ukar kuttxapxam.

Isaías 44:22

Nayaw juchanakamsa, pantasitanakamsa chhaqtayta, kunjämatix qinayanakax chhaqtkix ukhama. Nayan ukar kuttanxam, nayaw jumarux qhispiysma.”

Isaías 54:5

Jumar jakañ churir Tatituw jichhax warmipat uñt'asxätam; sutipasti taqi ch'amani Tatitu satawa. Qhispiyirimax Israelan Qullan Diosapawa, jupasti taqi aka uraqpachan Diosaparakiwa.

Isaías 55:7

Qhuru jaqix sarnaqäwip apanukpan, ñanqha amtañan jaqisti uka amtañanakap apanukpan; ukatsti Tatitun ukar kuttanxapxam, jupasti jumanakat khuyapayasipxätamwa; Diosasar makhatxapxam, jupasti juchanak pampachañatakix jank'akiwa.

Isaías 57:17

Israelan juchap laykuw mä pachax phiñasitäyätxa, juparux mutuyayätwa, ukatsti apanukuyätwa; ukampis jupax nayatakiw sayt'asïna, jupan amtataparjamakiw sarnaqäna.

Isaías 6:13

Inas patak jaqitxa tunkan jilt'chini, uka tunkanimppachaw jiwarayatäni, kunjämatix mä quqax khuchhunukutaxa, k'ullu tunu sapak qhiparki ukhamäniwa.” Ukampis mä qawqha israelitanakax janiw jiwarayatäpkaniti, jupanakat mä jaysasir chiqap markaw jutirin sayt'ani.

Jeremías 2:19

Pachpa ñanqha luratamaw mutuyätam, jan taqi chuymampi sarnaqatamaw juchañchaskätam. Amuyt'asim, ukat uñjarakïta, kunja jan walïkataynatix nayar apanukuñaxa, kunja llakïkataynatix nayar jan yäqatamasa, naya, Tatitu Diosamar apanukutamata. Naya, taqi ch'aman Tatituw uk arsta.

Jeremías 2:2

“Saram, ukatsti Jerusalén markar yatiyanim; sum ist'apxañapatakix jach'at art'am: ‘¡Akham siw Tatituxa! Amtasisktwa, jumax tawaqükäyäta ukapachax taqi chuymaw nayatakïyätaxa, jumax nayan warmixa tukxäyäta ukapachasti nayarux wal munasïyästaxa, wasaranjam nayarux arkanïyästa, kawkhantix jan kunas achki uka uraqinjama.

Jeremías 23:3

Naya kipkaw ovejanakaxar anthapisinxä, kawkïr markanakarutix ananukuykäyäta ukata, tantacht'asinsti suma chiqäwjaruw kuttayanxä, ukhamat mä jach'a marka tukxañapataki.

Jeremías 29:14

Jïsa, jumanakax nayarux jikxatapxitätawa, ukatsti sarnaqäwinakam sumaruw tukuyarakï. Taqi markanakat jumanakarux tantacht'apxäma, kawkhanakarutix nayax jumanakar ananukupksma uka chiqanakat apsunxapxäma, ukatsti Jerusalén markaruw kuttayanxapxäma. Naya, Tatituw uk arsta.’

Jeremías 3:1

Tatitux Judá markarux siwa: “Sañäni, mä jaqitix warmipampi jaljtchi, ukatsti warmix uka chachampi jaljtasax yaqha chachampi jaqichasxchi ukaxa, amuyatamatxa, ¿uka chachax nayra warmipampi wasitat jaqichasispati? ¡Janiwa! Ukhamäspa ukaxa, markatakix mä p'inqäspawa. Ukampisa, jumax Israel, walja chachanakampiw sarnaqtaxa, ¡jichhasti nayan ukaruw kuttanxañ munaraktaxa! Naya, Tatituw, uk arsta.

Jeremías 3:12

Jichhax saram, ukatsti aka arunak yatiyanim amsta tuqinkir markaru: “ ‘Tatitux siwa: ¡Nayatak sayt'asir Israel, nayan ukar kuttanxam! Janiw nayax jumarux phiñasit chuymampi katuqkämati, janirakiw wiñayatakis q'apisitäkäti, nayax khuyapayasir Tatitütwa. Naya, Tatituw uk arsta.

Jeremías 3:8

nayan Israel markar nayatak sayt'asitapat apanukutaxsa uñjiwa, yaqha diosanakar yupaychatapat apanukutaxsa uñjarakiwa. Ukampis Judá markax janiw kunsa axsarkiti, jan ukasti jupax yaqha diosanakar yupaychirix sararakikiwa.

Jeremías 31:12

“Jerusalén markar purinisinsti, kusisiñat q'uchupxani, Tatitut katuqapkani uka askinakat kusisipxani: trigo, vino, aceite, ovejanaka, vacanaka, taqi ukanakata. Suma qarpata muxsa achunak churir yapjamäxaniwa, janirakiw ch'amapas tukuskxaniti.

Jeremías 31:32

Aka arust'äwisti janiw kunjämtix nayra awkinakapampi lurkayäta ukhamäkaniti, kunapachatix jupanakarux Egipto markat amparat wayxarusin irpsunkta ukhama; jupanakasti uka arust'äwixarux janiw phuqhapkiti, nayax jupanakan uywiripäkchiyäta ukasa. Naya, Tatituw uk arsta.

Jeremías 31:6

Mä uruw purinini, kunapachatix marka uñjirinakax Efraín qullunakan arnaqasipkani: ‘Jutapxam, Jerusalén markar sarapxañäni, ukansti, Tatitur yupaychapxañäni’ ” sasa.

Oseas 5:15

“Juchanakapat kutikipstañapkamasti, utjäwixaruw kuttä, kunapachatix juchanakap uñt'asxapxani ukkhasti, llakisiñanakampiw phuqhantasipxani, ukhamat nayar thaqhapxitani”.

Zacarías 1:4

Jan jumanakax nayra awkinakamjam lurapxamti, jupanakarusti nayra profetanakax parlapxirïnwa, jan wali sarnaqäwinakapa, jan wali luräwinakap jaytxapxañapataki, ukampis jupanakax janiw ist'añsa, jaysañsa munapkänti. Naya, Tatituw arsta.

Romanos 9:27

Israelitanakatsti, Isaías profetax siwa: “Israelat saraqir wawanakapax quta ch'alljam waljanïskpasaya, jupanakat mä juk'anikiw qhispiyatäpxani,