Mateo 3:6 - Qullan Arunaka DC

⁶ Jupanakasti juchanakap arsusipxäna, ukat Juanax Jordán jawiran jupanakar bautisäna.

Aymar Bibliia 1986

⁶ Jupanacan juchanacapat arsusitapatsti, Juanajj Jordán jawiranwa jupanacar bautisäna.

Qullan Arunaca

⁶ Jupanacan juchanacapat arsusitapatsti, Juanajj Jordán jawiranwa jupanacar bautisäna.

Mateo 3:6 Jak'a apnaqawi uñst'ayäwi

Esdras 10:1

Esdras sacerdotex killt'ataw Tatitun utapan markan juchanakap jacht'asis arsuskäna, ukchañkamasti walja chachanaka, warminaka, wawanakaw tantachasïna, wali jacht'asisarakiw jupar muyuntapxäna.

Salmos 32:5

Jucha lurataxatsti, jan akch'as imaqasaw arsusta; juchanakax jumar arsusiñatakiw amtta, Tatay, jumasti juchanakaxat pampachistawa.

Proverbios 28:13

Juchap imt'asir jaqix, janiw nayrar sarkaniti, juchap arsusisin jaytanukxani ukasti, pampachatäxaniwa.

Ezequiel 36:25

Q'uma umampiw jariqt'xapxäma, yaqha diosanakar yupaychas q'añuchasitanakamatsa q'umachxapxarakïmawa;

Daniel (hebreo) 9:4

Tatitu Diosaxaruw mayista, juparusti akanak arsusta: “ ‘Tatay, jach'a ch'aman Diosay, arsutanakam phuqhapuntawa, kamachi arunakam phuqhirinakarusa, jumar munirinakarus munasiñam uñacht'ayapuntawa.

Levítico 16:21

uka cabriton p'iqipxar amparap luqxatasasti, israelita jaqinakan ñanqha juchanak luratanakap arsuni. Ukhamat uka cabriton p'iqipxaru taqi juchanak apxatxani, ukatsti khititix uk apañatak ajllitäki ukaw uka cabrito irpasin wasarar antutnukunxani.

Levítico 26:40

“Jumanakax jucha luratanakamsa, awkinakaman jucha luratanakapsa, nayar saykatasisin jan taqi chuymampi arkapxatamsa uñt'asisipkam,

Números 5:7

uka jaqisti juchanakap arsusiñapawa, ukhamarus jan walt'ayatapat jaqi masiparux taqpach kuttayxañapa, chikatan chikatapampi yapxatasa.

Mateo 3:11

Nayasti, chiqpachansa umampiw bautisapxsma, ukhamat jumanakax Tatitur kutikipstapxatam uñacht'ayañataki; ukampis khititix nayat qhipa jutki ukax Qullan Ajayumpi, ninampiw bautisapxätam. Jupasti nayat sipan juk'amp ch'amaniwa, nayasti janirakiw jupan wiskhup apañatakis askïkti.

Marcos 1:5

Taqi Judeankiri, Jerusalén markankirinakas jupar ist'iriw mistunipxäna. Juanasti jupanakan juchanakap arsusipanxa, Jordán jawiran jupanakarux bautisäna.

Lucas 1:16

Jupasti Israelan wawanakapat waljaniruw Tatitu Diosapar kutikipstayanini.

Lucas 3:16

ukampis Juanax taqiniruw säna: “Nayax chiqpachan umampiw bautisapxsma, ukampis mayni jutki ukax Qullan Ajayumpi, ninampiw bautisapxätam. Jupax nayat sipan juk'amp ch'amaniwa, nayasti janirakiw askïkti wiskhu t'isnup jararañatakisa.

Hechos 1:5

Chiqpachansa Juanax umampiw bautisäna, ukampis jumanakax akat mä qawqha ururux Qullan Ajayump bautisataw uñjasipxäta —sasa.

Hechos 11:16

Ukapachaw nayax Tatitun uka arunakapat amtasta: “Juanax chiqpachansa umampiw bautisäna, ukampis Diosax jumanakar Qullan Ajayumpiw bautisapxätam” sasa.

Hechos 19:18

Iyawsirinakat waljanirakiw jutasin taqi jan wali luratanakap arsusipxäna.

Hechos 22:16

Jichhasti, jan juk'amp suyamti. Sartasim, bautismo katuqarakim, Tatitun sutip aytasis taqi juchanakamat jariqasim’ sasa.

1 Corintios 10:2

Ukham tuqiw taqi jupanakax Moisesampi mayachasipxäna, qinay tuqi, quta tuqi bautisatäsina.

Colosenses 2:12

Kunapachatix jumanakax bautismo katuqapkta ukkhasti, Cristomp chik p'amp'antataw uñjasipxtaxa, ukatsti jupamp chika jaktayatäpxaraktawa, Tatitur jiwatat jaktayir ch'aman Diosar iyawsapxatam layku.

Hebreos 6:2

bautismo katuqañasata; Cristor iyawsirinakan Qullan Ajay katuqatapata, jiwatanakan jaktañapata, taripäwi utjañapatsa yatxaraktanwa.

Hebreos 9:10

Uka manq'añanaka, umañanaka, yaqhip q'umachasiñanakax patxa luräwikiwa, ukanakax kunapachatix Diosax machaqar tukuykan ukkhakam ch'amanikiwa.

Santiago 5:16

Ukalayku, jumanakax maynit maynir juchanakam arsusipxam, ukatsti k'umaraptañatakix sapa maynitak Tatitur mayipxarakim. Mä aski jaqin taqi chuymampi Tatitur mayitapax wali ch'amaniwa.

Josué 7:19

Ukatsti Josué chachax Acán jaqirux sänwa: —Wawaxay, Israel markan Tatitu Diosapar jach'añcham, jan k'arisisaraki kuntix lurkta uk arsusim jan kunsa imt'asa —sasa.

1 Pedro 3:21

Uka umasti bautismo umaruw uñtasïna, uka tuqit jichhax qhispitätanxa. Uka bautismosti janiw janchir q'umachañatakïkiti, jan ukasti Diosar juchanakasat q'umachañapatak mayiñatakiwa; jichhasti Jesucriston jaktäwip tuqirakiw qhispiyistuxa,

1 Juan 1:9

ukampis jiwasatix juchanakas arsusiñän ukkhaxa, jupax chiqawa, juchanakas pampachañataki, taqi jan walinakat q'umachañatakis askirakiwa.