Números 1:46 - Qullan Arunaca

Takpachanisti jact'atajj sojjta pataca quimsan waranka pheska pataca pheska tuncani jakenacänwa.

Aymar Bibliia 1986

Takpachanisti jact'atajj sojjta pataca quimsan waranka pheska pataca pheska tuncani jakenacänwa.

Qullan Arunaka DC

taqpachanix suxta patak kimsani waranqa phisqa pataka phisqa tunkan chachanakänwa.

Números 1:46 Jak'a apnaqawi uñst'ayäwi

Génesis 12:2

Wawanacamampisti mä jach'a marca tucuyäma, bendiciraquïmawa, sutimsa jach'aruw aptaraquëjja, mayninacataquisti mä bendicionaraquïyätawa.

Génesis 13:16

Nayaw jupanacarojj waljani tucuyä orake lak'ar uñtata. Cunjämatejj lak'anacajj jan jact'atäcaspajja, uqhamaraquiw wawanacamajj jan jact'cayäni.

Génesis 15:5

Ucatsti Tatitojj Abramarojj ankaruw irpsu, saraquiwa: —Alajjpach sum uñtam, ucatsti take warawaranac jact'am jact'añjamächi ucqhajja. Jïsa, uqhamäniw juman wawanacamajja —sasa.

Génesis 17:6

Wawanacamsti waljanirupuniw tucuyäjja; jumatsti reyinaca, uqhamarac marcanacaw mistuni.

Génesis 22:17

jumar wali bendiciñataqui. Wawanacamarusti waljanirupuniw tucuyäjja alajjpacha warawaranacjama, kota thiyanquir ch'allanacar uñtata. Uqhamarus jupanacajj uñisirinacaparojj atipjapjjapuniniwa,

Génesis 26:3

jichhasti aca marcan jacascaquim. Nayaw jumampïscä, bendiciraquïmawa, uqhamarus jumaru, wawanacamampiruw take aca orakenac churä. Uqhamwa cuntejj Abraham awquimar arscayät uca arsutajjarojj phokhäjja.

Génesis 28:14

Wawanacamasti lak'a polvor uñtata sinti waljapunïniwa, ucatsti amstaru, aynacharu, inti jalanta tokeru, inti jalsu tokeruw saratatapjjaraquini, aca oraken take familianacasti juma toke, uqhamarac wawanacam tokew bendición catokapjjani.

2 Samuel 24:9

Joab chachasti reyiruw catuyjjaraquïna kawkhatejj censon aptatäcäna take ucanaca, ucatsti yatisiraquïnwa, Israel marcanjja quimsakallko patac waranka jakenaca utjatapa, jupanacasti guerraru sarirjamäpjjaraquïnwa, Judá orakensti pheska pataca waranka jakenacaw utjaraquïna.

1 Reyes 4:20

Judá uqhamarac Israel ucan jakenacapajja jan jact'cayänwa, cunjämatï kota lacana walja ch'allajj utjquejja uqhama. Jilarquiriw utjäna mank'añasa, umañasa, ucatsti cusisiñawa jilancäna.

1 Crónicas 21:5

Joab chachasti Davidarojja catuyänwa Israel marcajj jacthapitätapa, ucatsti yatisïnwa take Israelpachana mä millona pataca waranka jakenaca nuwasiñataqui utjatapa, ucatsti Judá orakenjja utjänwa pusi pataca pakallk tunca waranka jakenacaraqui.

2 Crónicas 13:3

Abiam reyiw nuwasiñjja kalltäna pusi pataca waranka ajllita soldadonacampi. Jeroboam reyisti Abiam reyimpi nuwasiñataquejj waquichrantasiraquïnwa quimsakallk pataca waranka ajllita soldadonacampi.

Éxodo 12:37

Israelitanacasti Ramsés sat oraketjja sojjta patac warankjamaw chachanacajj mistuwayapjjäna, Sucot sat lugar tokeru. Warminacasa, wawanacasa janiw jaqhutäcänti.

Éxodo 38:26

Pä tunca maranit amstaru take jaqhuta jakenacasti sojjta pataca quimsan waranca pheska pataca pheska tuncanïnwa, take jupanacasti sapa mayniw churapjjäna pheska chicatan gramo kollke, take uca carpa lurañatac tupojj churatäqui uqhamarjama.

Números 1:45

Take cawquïri israelitanacatejj pä tunca maranïpcäna, uqhamarac guerrarus sarirjamäpjjaraquïna ucanaca.

Números 11:21

Ucatsti Moisesajj sänwa: —Aca jakenacasti nayampi chica jutirinacäqui ucanacajj sojjta patac waranka jakenacawa, ucat jumajj sapjjesta: ‘Aycha churapjjäm mank'añataqui’ sasa.

Números 14:29

Take cawquïri jakenacatejj pä tunca maranit amstaru censon kellkantatäpqui, naya toke jan walinac parlapqui, ucanacajj jiwapjjaniwa; jiwat janchinacapajj aca wasarar jakonucutaraquïniwa.

Números 2:32

Take israelita familianacat censo apthapitajj sojjta pataca quimsani waranka pheska pataca pheska tuncani jakenacänwa.

Números 23:10

Jupanacasti lak'jamäpjjewa, ¿qhitis jact'araquispa? ¿Qhitisa kawkhätapsa yatiraquispa? Nayasti uca asqui jakenacampi chica jiwañ munirista, tucuyajjas jupanacanjamaraquïspa” sasa.

Números 26:51

Censo aptatarjamajj israelitanacajj sojjta pataca mayan waranka pakallko pataca quimsa tuncani jakenacaw jact'asïna.

Deuteronomio 10:22

Cunapachatejj awquinacamajj Egipto marcar puripjjän ucqhajj pakallk tunca jakequïpjjänwa, ucampis jichhajj Tatitu Diosamajj waljaniruw tucuyapjjtam, alajjpach walja warawaranacjama.