Génesis 22:17 - Qullan Arunaca

¹⁷ jumar wali bendiciñataqui. Wawanacamarusti waljanirupuniw tucuyäjja alajjpacha warawaranacjama, kota thiyanquir ch'allanacar uñtata. Uqhamarus jupanacajj uñisirinacaparojj atipjapjjapuniniwa,

Aymar Bibliia 1986

¹⁷ jumar wali bendiciñataqui. Wawanacamarusti waljanirupuniw tucuyäjja alajjpacha warawaranacjama, kota thiyanquir ch'allanacar uñtata. Uqhamarus jupanacajj uñisirinacaparojj atipjapjjapuniniwa,

Qullan Arunaka DC

¹⁷ jumar aski waxt'äwinak churañataki. Wawanakamarusti alaxpacha warawaranakjam waljanirupuniw tukuyä, quta thiyan utjir ch'allar uñtata. Ukhamarus jupanakax uñisirinakaparux atipjapxapuniniwa,

Génesis 22:17 Jak'a apnaqawi uñst'ayäwi

Génesis 12:2

Wawanacamampisti mä jach'a marca tucuyäma, bendiciraquïmawa, sutimsa jach'aruw aptaraquëjja, mayninacataquisti mä bendicionaraquïyätawa.

Génesis 13:16

Nayaw jupanacarojj waljani tucuyä orake lak'ar uñtata. Cunjämatejj lak'anacajj jan jact'atäcaspajja, uqhamaraquiw wawanacamajj jan jact'cayäni.

Génesis 15:5

Ucatsti Tatitojj Abramarojj ankaruw irpsu, saraquiwa: —Alajjpach sum uñtam, ucatsti take warawaranac jact'am jact'añjamächi ucqhajja. Jïsa, uqhamäniw juman wawanacamajja —sasa.

Génesis 17:6

Wawanacamsti waljanirupuniw tucuyäjja; jumatsti reyinaca, uqhamarac marcanacaw mistuni.

Génesis 24:60

Rebecarusti aqham sasaw bendicipjjaraquïna: “Munat cullaca, ¡Jumasti waranka, warankanacan taycapäman! ¡Wawanacamasti uñisirinacapan marcanacapsa catuntapjjaracpan!” sasa.

Génesis 25:11

Abrahaman jiwjjatapatsti, Diosajj Isaacarojj bendicïnwa, jupasti “Qhititejj jacqui, uñjcaraquitu” sisqui uca uma phuch'u jac'aruw jacañataqui kheparjjaraquïna.

Génesis 26:24

Uca arumasti Tatituw uñstäna, saraquïnwa: “Nayätwa Abraham awquiman Diosapajja. Jan ajjsaramti, nayaw jumampïscta. Abraham sirvirejja laycuw jumarojj bendicïma, wawanacamsa mirtayaraquïwa” sasa.

Génesis 26:4

Wawanacamarusti waljaniruw tucuyä, alajjpacha warawaranacjama, take aca orakenacwa jupanacar churaraquï. Uqhamarus walja marcanacaw wawanacam toke bendicitäpjjaraquini,

Génesis 28:3

Take ch'amani Diosaw jumaru bendicïtam, wawanacamsa waljaniru tucuyaracpan, uqhamat jumatjja walja marcanaca mistuñapataqui.

Génesis 28:4

Cuntejj Abraham awquisaru arsuwaycän uca bendicionanacsa jumaru, uqhamarac wawanacamaru churpan, aca orakena, cawqhantejj jichhajj sarir jakjama jacasctan ucat dueñöpjjañapataqui, Dios quipcaraquiw uqham sasajj Abrahamarojj arsuwayi” sasa.

Génesis 32:12

Jumajj khanwa sistajja: ‘Nayaw yanapascäma, wawanacamas kota irananquir ch'allanacjama jan jact'cayäniw’ ” sasa.

Génesis 32:13

Uca arumasti Jacobojj uca pachparuw iqnoke, cunanacatejj ucapachajj jupanjja utjcän ucanacatjja wajjt'äwinacwa Esaú jilapataquejj waquicht'äna:

2 Samuel 17:11

Jichhasti nayajj amuyt'ayirismawa take israelitanacajj tantacht'asipjjpan jumampi Dan sisqui uca chekata Beerseba sisqui uca chekacama; uca jakenacasti kota irananquiri ch'allar uñtasitawa jan jact'cayaraqui, ucatsti juma quipca nuwasiñanjja jupanacaru sarayañama.

1 Reyes 4:20

Judá uqhamarac Israel ucan jakenacapajja jan jact'cayänwa, cunjämatï kota lacana walja ch'allajj utjquejja uqhama. Jilarquiriw utjäna mank'añasa, umañasa, ucatsti cusisiñawa jilancäna.

1 Reyes 9:26

Salomón reyisti uqhamaraquiw lurayaraquïna barconaca Ezión-geber chekana, ucasti jicjjatasiwa Elat sat ucampi chica Mar Rojo sat kota iranana, Edom orakena.

1 Crónicas 27:23

Davidasti janiw jacthapcänti qhitinacatejj pä tunca maranit menosäpcäna ucanacarojja, Tatitojj arsünwa israelitanacaru waljaptayaña alajjpachanquir warawaranacar uñtata.

2 Crónicas 1:9

Jichhasti Dios Tatitu, cuntï David awquejjaru arscäyäta ucjja phokhamaya, jumajjaya nayarojj reyit utt'aychistajja lak'ar uñtata walja jakenacjjarojja.

Nehemías 9:23

Jupanacarojj walja wawaninacaruwa tucuyäyätajja cunjämatï alajjpachana warawaranacajj walja utjqui uqhama, ucatjja irpäyätawa cawquïr oraktejj nayra awquinacaparu arscäyäta churañataqui uca orake catokasipjjañapataqui.

Éxodo 32:13

Amtasimaya Abraham, Isaac, Israel uca sirvirinacamata. Jupanacarusti juma pachpaw juramento lurasina sistajja: ‘Nayajj jumanacan wawanacaman wawanacaparusti alajjpach warawaranacjama waljwa tucuyäjja, ucatsti cawquïr oraktejj jumanacar churañataqui arsupcsma ucjja churäwa wiñayatac mä herenciat catusipjjañapataqui’ —sasa.

Isaías 48:19

wawanacamasti ch'allar uñtata jan jact'cayaraquïsapänwa, uca ch'allanacjam sinti waljapunïsapänwa jan jact'cayaraqui; janiraquiw nayajj cunäquipansa tucjquiriscätti, nayrakatajjatsa janiraquiw jayar apanuccaraquiriscätti.”

Jeremías 32:22

Israelarusti aca orake churaractajja, cawqhantejj leches misq'is umjam jalasqui uca orake, cunjämatejj nayra awquinacaparu arscäyätas uqhamarjama.

Jeremías 33:22

David sirvirejjan wawanacaparusti uqhamaraqui nayaru sirviri Leví tribunquirinacarusa waljaptayäwa, alajjpacha warawaranacjama, uqhamaraqui kota iramanquiri ch'allanacar uñtata jan qhitinsa jact'cayaraquïniwa” sasa.

Oseas 1:10

Mä urojj israelita jakenacajj jach'a kota iramanquir ch'alljamäpjjaniwa, janiraquiw qhitis jact'añataqui ch'amanïcaniti: “Jumanacajj janiw nayan marcajjäjjapjjtati” siscamayasti, Diosajj jupanacarojj saniwa: “Jumanacajj jacquir Diosan wawanacapäpjjtawa” sasa.

Oseas 2:1

Ucapachaw jumanacajj jilanacamarojj sapjjäta: “Diosan marcapa” sasa, cullacanacamarusti: “Qhuyapt'ayata” sasaraqui.

Miqueas 1:9

Samarian chhojjripasti jan kollcayawa, Judá marcarus puriwa, Jerusalenarus uqhamaraqui, cawqui marcantejj nayan wawanacajjajj jacqui ucacama.

Romanos 4:13

Diosajj Abrahamarojj mä arust'äwi arsuwayäna jupan wawanacaparu acapacha herenciata churañataqui, ucampis uca arust'äwjja janiw arscänti jupan leyiru phokhatap laycu, jan ucasti Diosar iyawsañapaw utjäna, ucatwa Diosajj juparojj asquit catokäna.

Romanos 9:27

Ucampis israelitanacatjja Isaías profetajj sänwa: “Israelan wawanacapajj kota thiya ch'alljam waljanïcanisa, jupanacatjja mä juc'a jilt'aquiw khespiyatäpjjani.

1 Corintios 15:57

Ucampis yuspagaratäpan Diosajja, jupaw Jesucristo toke atipjayistu.

Efesios 1:3

Yupaychañäni Diosaru, Tatit Jesucristosan Awquiparu, Cristompi mayachasitas laycuwa jupajj bendiciwayistu take casta ajayun bendicionanacampi alajjpachanacana.

Deuteronomio 1:10

‘Jumanacan Tatitu Diosamasti walja wawanacwa churapjjtam, jichhasti jumanacajj wali jach'a marcäpjjtawa, alajjpach warawaranacjam jan jact'cayaraqui.

Deuteronomio 1:11

¡Awquinacaman Tatitu Diosapay jumanacarojj warankan warankapa jiltaypan, ucatsti bendiciracpan cunjämtejj arsuwayapctam uqhamar phokhasa!

Deuteronomio 10:22

Cunapachatejj awquinacamajj Egipto marcar puripjjän ucqhajj pakallk tunca jakequïpjjänwa, ucampis jichhajj Tatitu Diosamajj waljaniruw tucuyapjjtam, alajjpach walja warawaranacjama.

Deuteronomio 13:17

“Jan jumanacajj cunatejj t'unjañataqui uchatäqui ucanacjja aptasipjjamti, Diosasti janiraquiw ucapachajj jumanacataqui colerascaniti, ucampis Diosajj jumanacatwa qhuyapayasini waljaniru jiltayasaraqui, cunjämatejj jumanacan awquinacamaru arupampi arsuwaycän uqhama,

Deuteronomio 13:18

cunapachatejj jumanacajj Tatitu Diosamarupuni ist'apjjäta, uqhamaraqui uca camachi arunacaparjam sarnakapjjäta, cuntejj jichhürun churapcsma ucanacaru, phokhapjjam chek sarnakasa jupan nayrakatapana.

Deuteronomio 21:19

ucqhasti awquinacapajj uca wawaparojj marcanquir jilïrinacan tribunalaparuw apapjjani.

Hebreos 11:12

Uqhamajj Abrahamajj tucuy urunacapancchïnsa, walja jan jact'cay wawanacaniw uñjasiwayi, alajjpach warawaranacjama, kota thiy ch'alljamaraqui.

Hebreos 6:14

Ucatsti saraquïnwa: “Chekpachaw jumarojj wal bendicïma, uqhamarac waljaptayäma” sasa.

Apocalipsis 11:15

Pakallköri angelasti trompetapwa phust'asïna, ucatsti mä arunacaraquiw alajjpachana jach'at ist'asïna, aqham sasa: “Acapach marcanacajj Tatit Cristosaruw jakcatjjapjje. Jichhajj juparaquiw wiñayan wiñayapataqui apnakani” sasa.