Génesis 22:17 - Qullan Arunaka DC

¹⁷ jumar aski waxt'äwinak churañataki. Wawanakamarusti alaxpacha warawaranakjam waljanirupuniw tukuyä, quta thiyan utjir ch'allar uñtata. Ukhamarus jupanakax uñisirinakaparux atipjapxapuniniwa,

Aymar Bibliia 1986

¹⁷ jumar wali bendiciñataqui. Wawanacamarusti waljanirupuniw tucuyäjja alajjpacha warawaranacjama, kota thiyanquir ch'allanacar uñtata. Uqhamarus jupanacajj uñisirinacaparojj atipjapjjapuniniwa,

Qullan Arunaca

¹⁷ jumar wali bendiciñataqui. Wawanacamarusti waljanirupuniw tucuyäjja alajjpacha warawaranacjama, kota thiyanquir ch'allanacar uñtata. Uqhamarus jupanacajj uñisirinacaparojj atipjapjjapuniniwa,

Génesis 22:17 Jak'a apnaqawi uñst'ayäwi

Génesis 12:2

Wawanakamampisti mä jach'a marka tukuyäma, aski waxt'äwinakampiw phuqt'äma, sutimsa jach'aruw aptarakï, mayninakatakisti askirakïniwa.

Génesis 13:16

Nayaw jupanakarux waljanir tukuyä, uraq laq'ar uñtata. Kunjämatix laq'ax jan jakt'kayäkixa, ukhamarakiw wawanakamax jan jakt'kayäni.

Génesis 15:5

Ukatsti Tatitux Abram chacharux anqaruw irpsu, ukat saraki: —Alaxpach sum uñtam, ukatsti jakt'añjamächi ukkhaxa, taqi warawaranak jakt'am. Jïsa, ukhamäniw juman wawanakamaxa —sasa.

Génesis 17:6

Wawanakamsti waljanirupuniw tukuyä; jumatsti reyinakampi, markanakampiw mistuni.

Génesis 24:60

Rebecan wila masinakapasti aka aski arunak arsusaw khitxapxäna: “Munat kullaka, ¡Jumasti waranqa, waranqanakan taykapar tukum! ¡Wawanakamasti uñisirinakapan markanakapsa katuntapxarakpan!” sasa.

Génesis 25:11

Abrahaman jiwxatapatxa, Tatit Diosax Isaacar aski waxt'äwinakap churarakïna, jupasti “Uñjkitu, jakkaraki” sat uma phuch'u jak'aru jakiriw qhiparxatayna.

Génesis 26:24

Uka arumpachaw Tatitux jupar uñstäna, ukat sarakïna: “Nayätwa Abraham awkiman Diosapaxa. Jan axsaramti, nayaw jumampïskta. Abraham luqtirix laykuw jumarux aski waxt'äwinak churäma, wawanakamsa mirtayarakïwa” sasa.

Génesis 26:4

Wawanakamarusti alaxpacha warawaranakjam waljaniruw tukuyä, jupanakarusti taqi aka uraqinak churarakï. Wawanakam tuqiw aka uraqinkir markanakax jach'añchat uñjasipxani,

Génesis 28:3

Taqi ch'aman Tatit Diosaw jumar aski waxt'äwi churätam, walja wawanak jumar churarakïtam, ukhamat jumat walja markanak uñstañapataki.

Génesis 28:4

Tatituy kuntix Abraham awkisaru arsuwaykän uka aski waxt'äwinaksa jumampiru, wawanakamampir churpan. Ukhamat kawkhantix jichhax jaya jaqjam jakasktan uka uraqi katusipxañamataki, Dios kipkaw ukxa Abrahamar arsuwayi” sasa.

Génesis 32:12

12 (13) Jumax qhan sistaxa: ‘Nayaw yanapaskäma, wawanakamas quta iranankir ch'allanakjam jan jakt'kayäniwa’ ” sasa.

Génesis 32:13

13 (14) Uka arumasti Jacobux uka pachpan ikxäna, kuna uywanakapatix jupan utjkäna ukanakatxa, waxt'anak Esaú jilapatak wakicht'äna:

2 Samuel 17:11

Nayasti jichhax amuyt'ayirismawa: israelitanakax taqpachani jumamp tantacht'asipxpan, Dan chiqata, Beerseba chiqakam utjiri israelitanaka; uka jaqinakax quta iranankir ch'allar uñtasita jan jakt'kayarakiwa, ukatsti nuwasïwin juma kipkaw jupanakar sarayäta.

1 Reyes 4:20

Judá markankiri, Israel markankir jaqinakax jan jakt'kayänwa, quta lakan utjir ch'allar uñtata. Manq'añasa, umañasa, jilarkiriw utjäna, jupanakasti kusisitäpxarakïnwa.

1 Reyes 9:26

Salomón reyix Esión-guéber markan barconak lurarakïna, uka markasti Elat chiqa jak'an jikxatasi, Edom uraqina, Mar Rojo quta iranana.

1 Crónicas 27:23

Davidasti pä tunka maranit aynacharux janiw jakthapkänti, Tatituw juparux arsutayna israelitanakar alaxpachankir warawaranakjam waljaptayañataki.

2 Crónicas 1:9

Jichhasti Dios Tatituy, kuntix jumax David awkixar arsuwaykta ukampix phuqhakimaya, jumaw nayarux reyit utt'ayasista, laq'ar uñtat walja jaqinakaru apnaqañaxataki.

Nehemías 9:23

Jupanakarux alaxpachan utjir warawaranakjam walja wawanak churtaxa, ukatsti nayra awkinakaparu churañatak arsuta uraqi katuqasipxañapatakiw irparaktaxa.

Éxodo 32:13

Amtasimay Abrahamaru, Isaacaru, Israelaru juramento luratamata. Juma pachpaw juramento lurasin sistaxa: “Nayax jumanakan wawanakaman wawanakaparux alaxpach warawaranakjam walja tukuyä, ukatsti kawkïr uraqtix jumanakar churañ arsupksma ukxa wiñayatak mä tuti katuqasipxañapatakiw churä” —sasa.

Isaías 48:19

wawanakamasti waljanipunïsapänwa, quta ch'allanakjam jan jakt'kayäspänwa; janiw nayax kunäkipansa jumanakarux tukjkiriskäyätti, nayraqataxatsa janirakiw jayar apanukkiriskäyätti.”

Jeremías 32:22

Israelarusti aka uraqi churaraktaxa, kawkhantix lechesa misk'isa umjam jalaski uka uraqi, nayra awkinakapar arsutamarjama.

Jeremías 33:22

David luqtirixan wawanakaparu, nayar luqtiri Leví ayllunkirinakarusa waljaptayäwa, alaxpacha warawaranakjama, quta iramankir ch'allanakar uñtata jan khitinsa jakt'kayäpxaniwa” sasa.

Oseas 1:10

10 (1) Mä urux israelita jaqinakax jach'a quta iramankir ch'alljamäpxaniwa, jan jakt'kayäpxarakiniwa: “Jumanakax janiw nayan markaxäxapxtati” sapxäyätamwa, jichhasti Tatitux jupanakarux saniwa: “Jumanakax jakkir Diosan wawanakapäpxtawa” sasa.

Oseas 2:1

1 (3) Ukapachaw jumanakax jilanakamar sapxäta: “Tatitun markapa” sasa, kullakanakamarusti: “Khuyapt'ayata” sasaraki.

Miqueas 1:9

Samarian chhuxripasti jan qullkayawa: Judá markakama, Jerusalén markakamaw puri, kawkhantix markaxax jakki ukakama.

Romanos 4:13

Diosax Abrahamampiru, wawanakapampiruw arsüna, akapach churañataki, ukampis aka arsüwix janiw kamachir phuqhatap laykükänti, jan ukasti, iyawsatap laykuw Diosax askit katuqäna.

Romanos 9:27

Israelitanakatsti, Isaías profetax siwa: “Israelat saraqir wawanakapax quta ch'alljam waljanïskpasaya, jupanakat mä juk'anikiw qhispiyatäpxani,

1 Corintios 15:57

¡Diosax yuspagaratäpan, jupaw Jesucristo Tatitus tuqi atipjayistu!

Efesios 1:3

Jesucristo Tatitusan Dios Awkipax jach'añchatäpan, Cristonkatas laykux jupaw alaxpachat ajay waxt'äwinak churanistu.

Deuteronomio 1:10

Tatit Diosax jumanakar walja wawanak churapxtam, jichhasti jumanakax wali jach'a markäpxtawa, alaxpach warawaranakjam jan jakt'kayäpxaraktawa.

Deuteronomio 1:11

¡Awkinakaman Tatit Diosapay jumanakarux waranqan waranqap jiltaypan, arsuwayapktam ukhamarjam aski waxt'äwinak churarakpan!

Deuteronomio 10:22

Nayra awkinakamax paqallq tunkanikiw Egipto markar puripxäna, ukampis jichhax Tatit Diosamax alaxpach warawaranakjam waljaniruw tukuyapxtam.

Deuteronomio 13:17

17 (18) “Jan jumanakax kunatix t'unjañataki uchatäki ukanak aptasipxamti, Diosasti janirakiw ukapachax jumanakatak q'apiskaniti, ukampis jupax jumanakat khuyapayasini, mirantayapxarakïtamwa, jumanakan nayra awkinakamar arsuwaykän ukhamarjama,

Deuteronomio 13:18

18 (19) jumanakatix Tatit Diosamar jaysapxäta, jichhürun churapksma uka kamachi arunakarjam phuqhapxäta, arunakaparjam sarnaqapxarakïta ukapacha, jupan nayraqatapan chiq sarnaqasa.

Deuteronomio 21:19

awkipampi, taykapampix marka mantañankir jilïrinakan ukaruw wawapar irpapxani.

Hebreos 11:12

Ukhamasti Abrahamax niy ch'ama qaritäxasinsa, alaxpachankir warawaranakjama, quta thiya ch'alljam jan jakt'kay wawanakaniw tukuwayi.

Hebreos 6:14

ukatsti sänwa: “Jïsa, nayax jilarkir aski waxt'äwi churäma, wawanakamsa waljaniruw tukuyä” sasa.

Apocalipsis 11:15

Paqallqür angelasti trompetap phust'äna, ukatsti alaxpachan jach'at art'asir arunakaw ist'asïna: “Akapach markanakax Tatit Cristosaruw jaqkattxapxi, jichhax jupaw wiñayan wiñayapatak marka apnaqani” sasa.