Éxodo 12:37 - Qullan Arunaca

³⁷ Israelitanacasti Ramsés sat oraketjja sojjta patac warankjamaw chachanacajj mistuwayapjjäna, Sucot sat lugar tokeru. Warminacasa, wawanacasa janiw jaqhutäcänti.

Aymar Bibliia 1986

³⁷ Israelitanacasti Ramsés sat oraketjja sojjta patac warankjamaw chachanacajj mistuwayapjjäna, Sucot sat lugar tokeru. Warminacasa, wawanacasa janiw jaqhutäcänti.

Qullan Arunaka DC

³⁷ Israelitanakax kayukiw Ramsés sat markata, Sucot sat markakam sarapxäna. Jupanakasti niya suxta patak waranqa chachanakänwa, warminakampiru, wawanakampir jan jakhusa.

Éxodo 12:37 Jak'a apnaqawi uñst'ayäwi

Génesis 12:2

Wawanacamampisti mä jach'a marca tucuyäma, bendiciraquïmawa, sutimsa jach'aruw aptaraquëjja, mayninacataquisti mä bendicionaraquïyätawa.

Génesis 15:5

Ucatsti Tatitojj Abramarojj ankaruw irpsu, saraquiwa: —Alajjpach sum uñtam, ucatsti take warawaranac jact'am jact'añjamächi ucqhajja. Jïsa, uqhamäniw juman wawanacamajja —sasa.

Génesis 46:3

Diosasti juparojj saraquïnwa: —Nayajj Diosätwa, awquiman Diosapätwa. Egiptor sarañjja jan ajjsaramti, ucanwa nayajj wawanacamarojj mä jach'a marca tucuyä.

Génesis 47:11

Joseasti jilanacaparojj Egipto marcan cawquïritejj wali suma orakëqui ucwa churäna, cunjämtejj faraonajj siscatayna uqhama. Uqhamaw jilanacapampi, awquipampejj Ramsés token orakenïjjapjjäna.

Éxodo 1:11

Ucatsti egipcionacajj lurayirinacwa israelitanac taypiru uchapjjäna wali ch'ama irnakañanaca lurayapjjañapataqui. Israelitanacarusti Pitón, uqhamarac Ramsés sat marcanacwa lurayapjjäna ucaru Egiptonquir Faraón reyejja juyranacapa imañapataqui.

Éxodo 10:9

Ucat Moisesajj saraquïnwa: —Nanacajj sarjjapjjäwa jisc'a wawanacajjampi, chuyman awquinacampi, yokanacajjampi, phuchanacajjampi, uqhamarac ovejanacajjampi, vacanacajjampi uqhama, acasti nanacataquejj Tatitun mä jach'a fiestapäniwa.

Éxodo 13:20

Israelitanacajj Sucot sat chekat mistuwayasinsti Etam sat chekaruw puripjjäna, ucqhatwa wasarajj kalltawayjje.

Éxodo 38:26

Pä tunca maranit amstaru take jaqhuta jakenacasti sojjta pataca quimsan waranca pheska pataca pheska tuncanïnwa, take jupanacasti sapa mayniw churapjjäna pheska chicatan gramo kollke, take uca carpa lurañatac tupojj churatäqui uqhamarjama.

Números 1:2

“Take israelit jakenacat mä censo aptapjjam, jach'a familianacat kalltasina, jisc'a familianacar tucuyasa, kawkha sutisa, kawkha jakenacasa utjatayna uc yatiñataqui,

Números 1:46

Takpachanisti jact'atajj sojjta pataca quimsan waranka pheska pataca pheska tuncani jakenacänwa.

Números 11:21

Ucatsti Moisesajj sänwa: —Aca jakenacasti nayampi chica jutirinacäqui ucanacajj sojjta patac waranka jakenacawa, ucat jumajj sapjjesta: ‘Aycha churapjjäm mank'añataqui’ sasa.

Números 2:32

Take israelita familianacat censo apthapitajj sojjta pataca quimsani waranka pheska pataca pheska tuncani jakenacänwa.

Números 26:51

Censo aptatarjamajj israelitanacajj sojjta pataca mayan waranka pakallko pataca quimsa tuncani jakenacaw jact'asïna.

Números 33:3

Israelitanacajj Ramsesat mistunipjjäna, tunca pheskani urunaca nayrïri phajjsit sarakquis uca marana, Pascua fiestajj amtascäna uca khepa uru. Jupanacasti wali jach'a ch'amampiw mistunipjjäna, take egipcionacan uñjcata.

Números 33:5

Israelitanacajj Ramsés chekat mistuwayasajj Sucot sat chekaruw sayt'apjjäna.