Éxodo 12:38 - Qullan Arunaca

³⁸ Jupanacampi chicasti walja cunayman jakenacaraquiw sarapjjaraquïna, uqhamarac ovejanacasa, vacanacasa.

Aymar Bibliia 1986

³⁸ Jupanacampi chicasti walja cunayman jakenacaraquiw sarapjjaraquïna, uqhamarac ovejanacasa, vacanacasa.

Qullan Arunaka DC

³⁸ Mistusasti walja ovejanakampi, vacanakamp anakisxapxäna, jupanakamp chikasti yaqha markankir jaqinakax misturakïnwa.

Éxodo 12:38 Jak'a apnaqawi uñst'ayäwi

Nehemías 13:3

Uqhamasti, leyejj cuntï siscäna ucanac ist'asinsti, Israel marcatjja yakhachapjjänwa take qhitinacatejj jaya marcat jutir jakenacampi mayachascatayna ucanacaru.

Éxodo 10:9

Ucat Moisesajj saraquïnwa: —Nanacajj sarjjapjjäwa jisc'a wawanacajjampi, chuyman awquinacampi, yokanacajjampi, phuchanacajjampi, uqhamarac ovejanacajjampi, vacanacajjampi uqhama, acasti nanacataquejj Tatitun mä jach'a fiestapäniwa.

Éxodo 17:3

Ucampis israelitanacajj umat pharjatajja Moisés contrawa jan walinac parlapjjäna aqham sasa: —¿Cunatsa Egiptota apsunipjjesta, nanacaru, wawanacajjaru, animalanacajjaru umat jiwarayañataquejja? —sasa.

Levítico 24:10

Israelita jakenac taypinsti mayni jakew utjaraquïna, ucasti tayca toketjja israelita taycanïnwa, awqui toketsti Egipto marcat jutiri awquiniraquïnwa. Taycapajj Selomit satänwa, Dibri sisqui ucan phuchaparaqui, Dan tribut jutiriraqui. Uca jakempi, mayni israelitampisti, mä urojj campamentonwa nuwasipjjäna, ucatsti cawquïri jaketejj israelita taycanïcän ucasti Diosan sutiparuwa ñankhachäna, uqhamarusa Diosan sutipjja maldiciraquïnwa. Ucatwa uca jakerojj Moisesan nayrakataparu irpapjjäna,

Zacarías 8:23

Qhä urunjja, tunca jan uñt'atanacaw yakha marcanquirinacata mä judío jakerojj isipat catuntasipjjani, sapjjaraquiniwa: ‘¡Jumanacamp saraña munapjjta, nanacasti ist'apjjtwa Diosajj jumanacampïtapa!’ ” sasa.

Números 11:4

Israelitanacampi chicajj cunayman casta jakenacaw saratayna, ucanacasti mank'añacwa munasipcäna; ucatsti israelitanacajj jupanacamp chicaw jachapjjaraquïna aqham sasa: “Aychaquis utjaspa mank'añataqui.

Números 20:19

Israelitanacajj ucjjarojj sapjjänwa: —Reyin thaquipanjamwa sarapjjä, nanacatï, uqhamarac uywanacajjasa phuch'unacamat umt'apjjani ucqhajj pagapjjämawa, orakem cheka past'añac munapjjta —sasa.

Números 32:1

Rubén, uqhamarac Gad tribunacajj walja uywanacanïpjjänwa. Cunapachatejj jupanacajj uñjapjjäna Jazer, uqhamarac Galaad orakenacan sumätapjja uywanac uywañataquejja,

Deuteronomio 3:19

Cawquïri marcanactï churapcäma ucanacanjja warminaca, wawanaca, uqhamarac uca walja uywanacamaquiw kheparjjani. Nayasti yattwa jumanacan walja uywanacanïpjjatamjja.

Josué 8:35

Josué chachajj take arsüwinac leet'äna, cawquïri arunactï Moisesajj jaytcäna ucanaca, take Israel marcaru, warminacaru, wawanacaru uqhamaraqui jaya toket jutir jakenacarusa.