Génesis 13:16 - Qullan Arunaca

¹⁶ Nayaw jupanacarojj waljani tucuyä orake lak'ar uñtata. Cunjämatejj lak'anacajj jan jact'atäcaspajja, uqhamaraquiw wawanacamajj jan jact'cayäni.

Aymar Bibliia 1986

¹⁶ Nayaw jupanacarojj waljani tucuyä orake lak'ar uñtata. Cunjämatejj lak'anacajj jan jact'atäcaspajja, uqhamaraquiw wawanacamajj jan jact'cayäni.

Qullan Arunaka DC

¹⁶ Nayaw jupanakarux waljanir tukuyä, uraq laq'ar uñtata. Kunjämatix laq'ax jan jakt'kayäkixa, ukhamarakiw wawanakamax jan jakt'kayäni.

Génesis 13:16 Jak'a apnaqawi uñst'ayäwi

Génesis 15:5

Ucatsti Tatitojj Abramarojj ankaruw irpsu, saraquiwa: —Alajjpach sum uñtam, ucatsti take warawaranac jact'am jact'añjamächi ucqhajja. Jïsa, uqhamäniw juman wawanacamajja —sasa.

Génesis 16:10

Ucjjarojj angelajj sascaquïnwa: “Wawanacamajj waljanïniwa, janiraquiw qhitis jact'añ puedcaniti.

Génesis 17:16

Nayaw juparojj bendiciraquï, jupa toksti mä wawa churaraquïma. Jïsa, bendicïwa. Jupasti walja marcanacan taycapäniwa, wawanacapasti marcanacapan reyinacaparaquïniwa.

Génesis 17:2

ucatsti nayajj jumampejj mä amtäwi lurä; wawanacamasti waljanipunïniwa.

Génesis 17:20

Ismael toketsti ist'aracsmawa, juparojj bendiciraquïwa wawanacapsa waljaniruw tucuyaraquï. Ismaelasti tunca payani jach'a jilïrinacan awquipäniwa, juparusti mä jach'a marcwa tucuyaraquï.

Génesis 17:6

Wawanacamsti waljanirupuniw tucuyäjja; jumatsti reyinaca, uqhamarac marcanacaw mistuni.

Génesis 18:18

niyaquejjay jupajj mä jach'a ch'amani marcan awquipächinejja. Jupa toke take marcanacar bendiciñataquiw arsuractjja.

Génesis 21:13

Esclavaman wawaparusti mä jach'a marca tucuyaraquï, juman wawamaraquïtap laycu” sasa.

Génesis 22:17

jumar wali bendiciñataqui. Wawanacamarusti waljanirupuniw tucuyäjja alajjpacha warawaranacjama, kota thiyanquir ch'allanacar uñtata. Uqhamarus jupanacajj uñisirinacaparojj atipjapjjapuniniwa,

Génesis 26:4

Wawanacamarusti waljaniruw tucuyä, alajjpacha warawaranacjama, take aca orakenacwa jupanacar churaraquï. Uqhamarus walja marcanacaw wawanacam toke bendicitäpjjaraquini,

Génesis 28:14

Wawanacamasti lak'a polvor uñtata sinti waljapunïniwa, ucatsti amstaru, aynacharu, inti jalanta tokeru, inti jalsu tokeruw saratatapjjaraquini, aca oraken take familianacasti juma toke, uqhamarac wawanacam tokew bendición catokapjjani.

Génesis 28:3

Take ch'amani Diosaw jumaru bendicïtam, wawanacamsa waljaniru tucuyaracpan, uqhamat jumatjja walja marcanaca mistuñapataqui.

Génesis 32:12

Jumajj khanwa sistajja: ‘Nayaw yanapascäma, wawanacamas kota irananquir ch'allanacjama jan jact'cayäniw’ ” sasa.

Génesis 32:13

Uca arumasti Jacobojj uca pachparuw iqnoke, cunanacatejj ucapachajj jupanjja utjcän ucanacatjja wajjt'äwinacwa Esaú jilapataquejj waquicht'äna:

Génesis 35:11

Yakha suti uchasinjja, Diosajj sascaquïnwa: “Nayätwa take ch'amani Diosajja, wawanacamasa, wawanacaman wawanacapasa waljapunïpan. Jumatwa mistuni mä marca, uqhamarac walja marcanaca, wawanacamatsti reyinacaw mistuni.

Génesis 46:3

Diosasti juparojj saraquïnwa: —Nayajj Diosätwa, awquiman Diosapätwa. Egiptor sarañjja jan ajjsaramti, ucanwa nayajj wawanacamarojj mä jach'a marca tucuyä.

1 Reyes 3:8

Ucampis jichhajja jumajj ajllisctasa uca marca nayrakatanctwa; uca marcasti wali jach'awa, waljätapatsti janiw jact'añjamäquiti, kawkhätapasa amuyt'añjamäquiti.

1 Reyes 4:20

Judá uqhamarac Israel ucan jakenacapajja jan jact'cayänwa, cunjämatï kota lacana walja ch'allajj utjquejja uqhama. Jilarquiriw utjäna mank'añasa, umañasa, ucatsti cusisiñawa jilancäna.

2 Reyes 13:23

Ucampis Tatitojj jupanacatjja qhuyapayasïnwa, uqhamarac Abraham, Isaac, Jacob jupanacampi suma parlt'äwiru mantatapatwa amtasïna, ucatsti janiw tucjañsa, ni jakonucuñsa muncänti jupan nayrakatapatjja. Jichhacamasa janiw uqhamjja lurquiti.

1 Crónicas 21:5

Joab chachasti Davidarojja catuyänwa Israel marcajj jacthapitätapa, ucatsti yatisïnwa take Israelpachana mä millona pataca waranka jakenaca nuwasiñataqui utjatapa, ucatsti Judá orakenjja utjänwa pusi pataca pakallk tunca waranka jakenacaraqui.

1 Crónicas 27:23

Davidasti janiw jacthapcänti qhitinacatejj pä tunca maranit menosäpcäna ucanacarojja, Tatitojj arsünwa israelitanacaru waljaptayaña alajjpachanquir warawaranacar uñtata.

2 Crónicas 1:9

Jichhasti Dios Tatitu, cuntï David awquejjaru arscäyäta ucjja phokhamaya, jumajjaya nayarojj reyit utt'aychistajja lak'ar uñtata walja jakenacjjarojja.

Job 5:25

Wawanacamas pampanquir korar uñtata waljanïpjjaniwa.

Éxodo 1:7

Israelan wawanacapajja jiltasinjja waliw mirantapjjänjja, ucampis waljanïsajja wali ch'amaniraquiw tucupjjäna, ucatsti uca orakenjja jupanacaquiw phokhantjjapjjäna.

Éxodo 32:13

Amtasimaya Abraham, Isaac, Israel uca sirvirinacamata. Jupanacarusti juma pachpaw juramento lurasina sistajja: ‘Nayajj jumanacan wawanacaman wawanacaparusti alajjpach warawaranacjama waljwa tucuyäjja, ucatsti cawquïr oraktejj jumanacar churañataqui arsupcsma ucjja churäwa wiñayatac mä herenciat catusipjjañapataqui’ —sasa.

Jeremías 33:22

David sirvirejjan wawanacaparusti uqhamaraqui nayaru sirviri Leví tribunquirinacarusa waljaptayäwa, alajjpacha warawaranacjama, uqhamaraqui kota iramanquiri ch'allanacar uñtata jan qhitinsa jact'cayaraquïniwa” sasa.

Números 23:10

Jupanacasti lak'jamäpjjewa, ¿qhitis jact'araquispa? ¿Qhitisa kawkhätapsa yatiraquispa? Nayasti uca asqui jakenacampi chica jiwañ munirista, tucuyajjas jupanacanjamaraquïspa” sasa.

Deuteronomio 1:10

‘Jumanacan Tatitu Diosamasti walja wawanacwa churapjjtam, jichhasti jumanacajj wali jach'a marcäpjjtawa, alajjpach warawaranacjam jan jact'cayaraqui.

Hebreos 11:12

Uqhamajj Abrahamajj tucuy urunacapancchïnsa, walja jan jact'cay wawanacaniw uñjasiwayi, alajjpach warawaranacjama, kota thiy ch'alljamaraqui.

Apocalipsis 7:9

Ucatsti uñjaractwa walja jakenaca take marcanacata, cunayman janchini, uqhamarac take casta parlani. Jupanacasti trono nayräjjan uqhamarac Cordero nayräjjapan sayt'atäsipcänwa. Waljanïpjjapunïnwa, janiraquiw qhitis jact'caspati, jank'o isincamaquïpjjänwa, amparanacaparojj palmanacas ayt'atcamaquiraquïnwa.

Jueces 6:3

Ucampis cunapachatejj israelitanacajj cunsa yapuchasipcäna ucqhajja madianitanacasa, amalecitanacasa, uqhamarac inti jalsu toket jutiri jakenacasa nuwantapjjänwa.

Jueces 6:5

Jupanacasti utanacapampi, uqhamarac walja uywanacapampi jutasinwa take cunanaca tucjayapjjäna. Walja camellonacampi jutasinsti, walja t'ijut'ijunacjamaw jutapjjäna.