Números 14:29 - Qullan Arunaca

²⁹ Take cawquïri jakenacatejj pä tunca maranit amstaru censon kellkantatäpqui, naya toke jan walinac parlapqui, ucanacajj jiwapjjaniwa; jiwat janchinacapajj aca wasarar jakonucutaraquïniwa.

Aymar Bibliia 1986

²⁹ Take cawquïri jakenacatejj pä tunca maranit amstaru censon kellkantatäpqui, naya toke jan walinac parlapqui, ucanacajj jiwapjjaniwa; jiwat janchinacapajj aca wasarar jakonucutaraquïniwa.

Qullan Arunaka DC

²⁹ Jaqinak jakthapïwin pä tunka maranit amstar qillqantatäpki jupanakata, nayatak jan wali parlirinakax, jiwapxaniwa; amayanakapasti aka wasaran jaqurpayataw uñjasini.

Números 14:29 Jak'a apnaqawi uñst'ayäwi

Salmos 106:26

Tatitusti amparap aytäna, juramento luraraquïna, jupanacar wasaran jiwarayañataqui,

Salmos 78:33

Ucat Diosajj jacañ urunacap mä phust'arjamac tucuyäna, wali t'akhesiñ taypina.

Ezequiel 20:38

Jumanac taypisti cawquïrinacatejj nayatac sayt'asipjje jan walt'añanacsa apanipjje ucanacarusti yakhacharaquïwa. Cawquïri yakha marcantejj jichhajj jacasipqui ucatsti jupanacarojj apsuniraquïwa, ucampis janiw Israel orakerojj mantapcaniti. Ucapachaw jumanacajj yatipjjäta nayan Tatitu Diosätajja.

Números 1:45

Take cawquïri israelitanacatejj pä tunca maranïpcäna, uqhamarac guerrarus sarirjamäpjjaraquïna ucanaca.

Números 1:46

Takpachanisti jact'atajj sojjta pataca quimsan waranka pheska pataca pheska tuncani jakenacänwa.

Números 26:64

Ucampisa janiw take jupanac taypitjja maynisa utjcänti cunapachatejj Moisesampi, Aaronampejj Sinaí wasaran censo aptapcän ucanacajja.

Números 26:65

Tatituw jupanacarojj satayna, wasarana jiwarapjjäta sasinjja. Ucampisa Caleb sat Jefone chachan yokapa, uqhamarac Josué sat Nun chachan yokapa ucanacaquiw kheparapjjäna, janiw maynisa jupanacatjja kheparcänti.

1 Corintios 10:5

Ucampis jupanacat waljanipuniw Diosarojj jan cusisiycänti, ucat janchinacapajj wasaran jakonucut uñjasïna.

Deuteronomio 2:14

“Cunapachatï Cades-barnea chekat mistunipctan, ucat Zered sat jisc'a jawir maqhatapctan uca urcamajj quimsa tunca quimsakallkon maraw pasjjäna. Ucañcamasti campamenton guerran nuwasiñatac waquichatäpcän take uca jakenacaw jiwarjjapjjäna, cunjämatï Diosajj juramentompi arsüna uqhamar phokhasa.

Hebreos 3:17

¿Qhitinacampiraquis Diosajj pusi tunc mara coleratänjja? Juchachasirinacampi, cawquïrinacatejj wasaranjj jiwarapjje ucanacampiwa.

Josué 5:6

Cunjämatï israelit jakenacajj pusi tunca maranaca wasaran sarnakapjjänjja ucatsti cawquïri jakenacatï nuwasiñataqui ajllitäpcän uca jakenacajj, Egipto marcat mistunisajj takeniw thaquin jiwarjjapjjäna. Uca jakenacasti janiw Diosarojj ajjsartapcänti, ucatwa Diosajj jupanacarojj jan uñjaycänti cawquïri oraktï churapjjämaw siscatayna uca orakjja, uqhamaraqui cawquïri orakentï leches misq'is umjam jalcän uca orake.

Judas 1:5

Jumanacajj yatipcsta ucasa amtayañ munapjjsma, Tatitojj Egiptotsa Israel marcaparojj apsuncchïnsa, ucatsti t'unjaraquiwa qhitinacatejj jupanac taypitjja jan iyawsapcän ucanacarojja.