Josué 1:8 - Qullan Arunaca

Amtasipunïtaw cuntï Diosan leyi libropanjja sisqui uca, uqhamaraqui uruy arumaraquiw lup'iraquïta cuntejj librojj sisqui uca lurañamataqui. Uqhamatwa take luräwinacamajj sumaru sarani.

Aymar Bibliia 1986

Amtasipunïtaw cuntï Diosan leyi libropanjja sisqui uca, uqhamaraqui uruy arumaraquiw lup'iraquïta cuntejj librojj sisqui uca lurañamataqui. Uqhamatwa take luräwinacamajj sumaru sarani.

Qullan Arunaka DC

Kuntix Tatitun kamachi qillqatapanxa siski ukanak amtasipunïtawa, uruy arumaw lup'irakïta, kuntix uka arunakan siski ukhamarjam phuqhañamataki. Ukhamat taqi luräwinakamax sumaru sarani.

Josué 1:8 Jak'a apnaqawi uñst'ayäwi

Génesis 24:63

Ch'amacthapipansti ucsa tokenac muytt'iriw saratayna. Ucatsti acatjamatwa camellonacar jac'achasisinquir uñjaraquïna,

2 Crónicas 26:5

Jupasti Diosarojj thaktänwa Zacariasajj jaccäna ucqha, jupajj Diosar ajjsartawa yatichäna. Cunapachatï jupajj Tatitur thaktcäna ucqhajja, Tatitojj juparojj asquiruwa sartayäna.

Salmos 119:11

Chuymajjaruw arunacam imta, juma contra juch jan lurañajjataqui;

Salmos 119:15

Arsutanacamat lup'isï, thaquiman sarnakañ amuyt'araquï.

Salmos 119:97

Yatichäwimarojj walpun munasta: ¡Sapüruw ucjjat lup'iscta!

Salmos 119:99

Takpach yatichirinacajjat sipan juc'amp amuyta, arunacam lup'itajj laycu.

Salmos 19:14

Tatay, arsutajjajj jumar cusisiyquirïpan, chuymajjan lup'itapajj nayrakatamcam purinpan, jumaw imantasiñ karkajjätajja, khespiyirejjätasa.

Salmos 40:10

Asqui cancañamat arsuñjja, janiw chuymajjar imantcti, arsutam phokherïtamampita, khespiyäwimampit yatiyta, jach'a tantachasïw taypinsti, janipuniw qhuyapayasiñamampita, asqui cancañamampit amuct'cti.

Proverbios 3:1

“Munat wawajjay, jan armasimti nayan yatichäwinacajjata; camachi arunacajjsti chuymamarupuni imam,

Isaías 59:21

Tatitojj siwa: “Nayaw jumanacampejj mä arust'äwi lurta, arsuractwa, ch'amajjasa, yatichäwinacajj churapcsma ucanacasa janiw jumanacatjja juc'ampi jayarst'cjjaniti, janiraquiw wawanacamatsa jayarst'caniti, wiñayan wiñayapataqui.”

Mateo 12:35

Mä suma jakejj sumanacwa parli, chuymapanjja suma amtañanac utjatap laycu. Jan wali jakesti jan walinacacwa parlaraqui, chuymapanjja jan wali amtañanac utjatap laycu.

Mateo 28:20

Yatichapjjaraquim take cuntejj nayajj jumanacar yatichapcsma ucanaca phokhaña. Amtasipjjapunim, nayajj sapürupuniw jumanacampïscta acapachan tucusiñapcama.”

Mateo 7:21

“Janiw qhitinacatejj: ‘Tatay, Tatay’ sisquitus ucanacajj takeni alajjpach marcarojj mantcaniti, jan ucasti qhitinacatejj Awquejjan munañapa lurqui ucanacaquiw mantani.

Mateo 7:24

“Qhititejj ist'quitu ucat cuntejj siscta uc luraraquejja, ucajj mä suma amuyun jakempi sasiwa, utapsa mä karka pataru lurascaspa uqhama.

Lucas 11:28

Jupasti sänwa: —¡Juc'amp cusisiñanïpjjewa qhitinacatejj Diosan arunacap ist'apqui, uqhamarac jaysapjje ucanacajja! —sasa.

Juan 13:17

Acanactejj amuyt'apjjäta, ucat lurapjjaraquïta ucajja, cusisitäpjjätawa.

Juan 14:21

Qhititejj camachinacajj yatquejja, uqhamarac phokcaraqui ucajja, uñacht'ayiwa chekpach nayar munatapa. Awquejjasti munasiraquiniwa qhititejj nayar munasquitu ucarojja, nayasti juparojj munasiraquïwa, ucatsti uñacht'ayasiraquïwa.”

Efesios 4:29

Jan wali arunacjj jan parlapjjamti, jan ucasti suma arunacamp parlapjjam, uqhamata ist'irinacamajj jiltañana yanapt'atäñapataqui, uqhamarac bendicitäñapataqui.

Deuteronomio 29:8

Ucatsti orakenacapjja catuntastanwa, uca orakenacsti Rubén, Gad uqhamaraqui chicat Manasés tribunacaruw churaractan.

Deuteronomio 29:9

Uqhamasti take aca arust'äwin arunacapar ajjsarapjjaraquim, ucatsti ucarjamarac sarnakapjjam, uqhamat take luräwinacamajj suma sarañapataqui.

Deuteronomio 30:14

Ucat sipansa camachi arunacajj jumanacatjja wali jac'anquiwa, jumanacan lacamana, amuyunacamancaraquiwa uqhamat phokhañamataqui.

Deuteronomio 31:11

cunapachatejj take israelitanacajja Tatitu Diosan ajllit orakeparu tantachasipcani, ucqhajj take aca leyinacajj jupanacan nayräjjapan leet'asini.

Deuteronomio 31:24

Cunapachatejj Moisesajj uca leyinac mä libror kellkañ tucuyän ucqhajj,

Deuteronomio 5:1

Moisesasti Israel marcaru tantachthapisinjja sänwa: “Israelanquir jakenaca, sum ist'apjjam cawquïri leyinaca, arsutanactï jichhüru yatiyapcäma ucanacaru. Sum p'ekenacamar yatekapjjam, ucatsti take sarnakäwiman ucarjam sarnakapjjaraquim.

Deuteronomio 5:29

¡Inampich jupanacajj uqham amuyunïpjjaspa, ucatsti jach'añchapjjetaspa, take urunacana camachinacajjsa phokhapjjaraquispa, uqhamatwa wawanacapasa, jupanacasa wiñayataqui sum sarapjjaspa!

Deuteronomio 5:32

Uqhamasti Diosan take ewjjanacaparjamay jacäwinacaman sarnakapjjam jan cawcsarusa jithektasa.

Colosenses 3:16

Tatitun arunacapajj chuymanacamarojj phokhantpan, jumanaccamaraqui yaticht'asipjjam, waytt'asipjjaraquim take amuyt'a chuymampi, Tatitur k'ochuñäqui ucanacsa k'ochupjjaraquim, Diosar yuspagarasa.

Josué 1:7

Nayasti sismawa: Ch'amani sayt'asim, ucatsti phokharaquim Moisés sirvirejjajj ley jaytawayctam take ucanacaru. Cuntï sisqui ucanacatjja janipuni maysar saranucumti, uqhamat take luräwinacamajj sumaqui sarañapataqui.

Josué 8:34

Ucjjarusti Josué chachajj Diosan leyipatjja leet'änwa bendición arunaca uqhamaraqui maldición arunacsa.

Apocalipsis 22:14

“Cusisiñanïpjjewa qhitinacatejj isinacapa t'ajjsusipjje jacañ kokat mank'asiñataqui, uqhamarac marcar puncu chek mantañataquisa.