2 Crónicas 26:5 - Qullan Arunaca

⁵ Jupasti Diosarojj thaktänwa Zacariasajj jaccäna ucqha, jupajj Diosar ajjsartawa yatichäna. Cunapachatï jupajj Tatitur thaktcäna ucqhajja, Tatitojj juparojj asquiruwa sartayäna.

Aymar Bibliia 1986

⁵ Jupasti Diosarojj thaktänwa Zacariasajj jaccäna ucqha, jupajj Diosar ajjsartawa yatichäna. Cunapachatï jupajj Tatitur thaktcäna ucqhajja, Tatitojj juparojj asquiruwa sartayäna.

Qullan Arunaka DC

⁵ Zacarías profetan jakañapkamasti, Tatiturux thaqhapunïnwa; jupaw Oziasarux Diosar axsart'añ yatichäna. Jupax Tatitur thaqtkäna ukkhaxa, Tatitux juparux askiruw sartayäna.

2 Crónicas 26:5 Jak'a apnaqawi uñst'ayäwi

Génesis 41:15

Faraonasti Josearojj saraquïnwa: —Mä samca samcasta, ucatsti janiraquiw qhitis khanañchañ puedquituti, ucampis ist'twa, jumajj mä samca ist'asajj khanañchirïtama.

Génesis 41:38

ucatwa faraonajj jupanacar saraqui: —¿Aca jakjam yakha jakjja Diosan ajayupani cuna jicjjatsnati? —sasa.

2 Reyes 15:34

Jotam reyin luratanacapasti chekapänwa Tatitun nayrakatapana, cunjämtï Uzías awquipana chekapäcäna uqhamaraqui.

1 Crónicas 22:11

Jichhasti nayan wawajja, Tatituy jumampïpan Tatit Diosamataqui mä templo lurayañamataqui, cunjämtï jupajj juman lurayañamataqui arsqui uqhamaru.

1 Crónicas 22:13

Take cunasa asquiruw sararapïtam, cuntejj Tatitojj Israel marcataqui Moisesar churcäna uca leyinacapa, uqhamarac ewjjanacapa phokhäta ucqhajja. ¡Ch'amañchasim, sumarac sayt'araquim; janipuni mayjt'asimti, ni ajjsararaquimsa!

2 Crónicas 14:6

Uca maranacajja marcajja samarañancänwa, janiw qhitimpi nuwasiñapas utjcänti, uqham samarata jacañjja Tatituw churäna, Asa reyisti uca maranacanjja Judá orakerojja sayt'asiñatac marcanacwa lurayäna.

2 Crónicas 15:2

jupasti Asa reyiru jicjjatiriw saräna, aqham sasa: “¡Jumajj Asa ist'ita, uqhamarac Judá, Benjamín ucanacanquiri jakenaca! Tatitusti jumanacampïsquiwa, jumanacatejj jupampïpjjäta ucajja. Jumanacatejj jupar thakapjjät ucajja, jicjjatapjjätawa, ucampis jumanacatejj jupar apanucupjjätajja, jupajj jumanacarojj apanucupjjaraquïtamwa.

2 Crónicas 24:2

Joás reyin luräwinacapasti chekapänwa Tatitun nayrakatapana, Joiada sacerdotejja jaccäna ucqhajja.

2 Crónicas 25:8

Jumatejj jupanacan yanapapampi ejercitom ch'amañchasiñ munäta guerraru sarañataqui ucajja, Diosajj aynacht'ayätamwa uñisiriman nayrakatapanjja, Diosaw ch'amani yanapañataquisa, tincuyañataquisa —sasa.

2 Crónicas 26:4

Uziasan luratanacapasti Tatitun nayrakatapanjja chekapänwa, cunjämatï Amasías awquipana chekapäcäna uqhamaraqui.

2 Crónicas 27:6

Jotam reyisti ch'amaniw tucüna, jupan sarnakäwipajj Tatitun nayrakatapana chekapätap laycu.

2 Crónicas 29:1

Ezequiasajj cunapachatï pä tunca pheskan maranïna ucqhawa apnakaña kalltäna, ucatsti Jerusalén marcanjja pä tunca llätuncani maraw apnakäna. Jupan taycapasti Abi satänwa, Zacarías chachan phuchaparaquïnwa.

2 Crónicas 32:30

Ezequiasaraquiwa uman mistuapjja llupantayaraquïna, Gihón chekanquir uma jalsüqui uca patäjjata, ucatsti jupaw jist'jayaraquïna aynach tokeru, Davidan Marcapata inti jalanta tokeru. Uqhamawa Ezequiasana cuntï amtcäna ucanacajja asquiru sararapïna.

Salmos 1:3

Jupajj, jawir thiyan ayruntat kokar uñtatawa: waquisitarjamaw achunac churi, laphinacapajj janiw wañsquiti; ¡take luräwinacapasti walt'ascaquipuniwa!

Daniel (hebreo) 1:17

Aca pusi waynanacarusti Diosajj ch'iqhi chuyma, amuyt'a churaraquïna, take casta libronacsa jupanacajj amuyt'apjjañapataqui, take casta yatiñanacsa yatipjjañapataqui. Uqhamarusa Daniel waynajj yatiraquïnwa take casta samcanaca, uqhamaraqui unañchanacan cun saña munatapsa.

Daniel (hebreo) 10:1

Cunapachatejj Ciro reyejj Persia marca niya quimsa mara apnakcän ucapachasti, Daniel, cawquïritejj Beltsasar satäcaraqui ucajj mä chekpacha uñjäwi uñjäna, uca uñjäwejj janiw amuyt'añjamäcänti. Ucampisa Daniel chachajj wali amuyumpiw ucanacjja uñjäna, ucatsti amuyaraquïnwa cuntejj uca uñjäwejj sañ muncän ucjja.

Daniel (hebreo) 2:19

Uca arumawa Daniel waynajj mä unañchäwi toke uñjäna uca jan khanañchañjama samca toketjja, ucatwa Daniel waynajj alajjpachanquiri Diosaru jach'añcharaquïna aqham sasa:

Daniel (hebreo) 5:16

Ucampisa nayajj ist'twa jumajj ch'amanïtama, take payachasïwinaca, uqhamaraqui cuna ch'ama yänacatejj utjqui ucsa khanañchirïtama. Jumatejj uca arunaca leet'äta, ucatsti cuntejj sañ munqui uca khanañcharaquïtäta, ucapachasti jumarojj mä suma púrpura sat isimpiw isthapiyäma, cuncamarusti mä kori cadena warcuntayaraquïma, nayan reinojjansti quimsïri chekaruw utt'ayaraquïma —sasa.

Oseas 6:4

Tatitojj siwa: “¿Cunsa lurä jumampejj, Efraín? ¿Cunsa lurä jumampejj, Judá? Jumanacan munasiñanacamajj nayataquejj alba urpur uñtataquiwa, khantati sullar uñtataquiraquiwa, ucatsti mäquiraquiw chhaktawayjje.

Hechos 20:30

Jumanaca taypitwa mayninacajj sartapjjani c'arinac yatichasa, chekäcaspas uqhama, iyawsirinacar jupanac toker apaña munasa.

Josué 1:7

Nayasti sismawa: Ch'amani sayt'asim, ucatsti phokharaquim Moisés sirvirejjajj ley jaytawayctam take ucanacaru. Cuntï sisqui ucanacatjja janipuni maysar saranucumti, uqhamat take luräwinacamajj sumaqui sarañapataqui.

Josué 1:8

Amtasipunïtaw cuntï Diosan leyi libropanjja sisqui uca, uqhamaraqui uruy arumaraquiw lup'iraquïta cuntejj librojj sisqui uca lurañamataqui. Uqhamatwa take luräwinacamajj sumaru sarani.

Jueces 2:7

Josué jacquipansti, israelitanacajj take chuymanacapampiw Diosarojj arcapjjäna, uqhamarac Josué chachan khepat jilïr ancianonacajj jacapcäna ucqhasa, jupanacasti uñjapjjänwa Diosajj cunjäm jach'a milagronactejj Israel marcatac lurqui ucanjja.