Josué 1:7 - Qullan Arunaca

⁷ Nayasti sismawa: Ch'amani sayt'asim, ucatsti phokharaquim Moisés sirvirejjajj ley jaytawayctam take ucanacaru. Cuntï sisqui ucanacatjja janipuni maysar saranucumti, uqhamat take luräwinacamajj sumaqui sarañapataqui.

Aymar Bibliia 1986

⁷ Nayasti sismawa: Ch'amani sayt'asim, ucatsti phokharaquim Moisés sirvirejjajj ley jaytawayctam take ucanacaru. Cuntï sisqui ucanacatjja janipuni maysar saranucumti, uqhamat take luräwinacamajj sumaqui sarañapataqui.

Qullan Arunaka DC

⁷ Nayax ch'aman sayt'asiñamak maysma, ukatsti kuna kamachinaktix Moisés luqtirixax churktam ukanak phuqharakim. Kuntix uka kamachinakax siski ukanakat janipun maysar saranukumti, ukhamat taqi luräwinakamax sumaki sarañapataki.

Josué 1:7 Jak'a apnaqawi uñst'ayäwi

1 Reyes 2:2

“Nayasti sarjjäwa, cunjämatï take jakenacas aca oraket sarjjapjje uqhama. Jumajj ch'amañchasim, chachjamaraqui sarnakam.

1 Reyes 2:3

Jumajj Tatit Diosaman ewjjanacapa phokham, munañapa lurasina, uqhamarac leyinacapa phokhasina, camachi arunacapa, arsutanacapsa, cunjämatï Moisesan leyipan kellkatäqui uqhama, take luräwinacamasa, cawqharutejj sarcäta ucqhansa asquir sarañapataqui.

2 Reyes 22:2

Josías reyin luratanacapasti Tatitun nayrakatapanjja chekapänwa; jupasti arcänwa cunjämtï David nayra awquipajj sarnakcäna uqhamaru, jan ucat cawcsar sarakasa.

1 Crónicas 22:13

Take cunasa asquiruw sararapïtam, cuntejj Tatitojj Israel marcataqui Moisesar churcäna uca leyinacapa, uqhamarac ewjjanacapa phokhäta ucqhajja. ¡Ch'amañchasim, sumarac sayt'araquim; janipuni mayjt'asimti, ni ajjsararaquimsa!

2 Crónicas 15:7

Ucampis jumanacajj jan ajjsarirïpjjamti, ucatsti janiraqui mayjt'asipjjamti, luratanacamatsti catokapjjätawa” sasa.

2 Crónicas 26:5

Jupasti Diosarojj thaktänwa Zacariasajj jaccäna ucqha, jupajj Diosar ajjsartawa yatichäna. Cunapachatï jupajj Tatitur thaktcäna ucqhajja, Tatitojj juparojj asquiruwa sartayäna.

Job 1:8

Ucat Tatitojj Supayarojj saraquïnwa: —¿Job sat sirvirejjaru uñjaniwaytati? Janiw qhitisa orakenjja utjquiti jupjama cheka, asqui jakejja, jupasti janipuniw qhitirus ñankha lurañ munquiti —sasa.

Salmos 80:19

Take atipir Diosay, cunjämäpcäyättejj uqhamaruy cutjtayjjapjjeta, ¡qhuyapayasiñamampiy uñtanipjjeta, nanacasti khespiyataw uñjasipjjä!

Proverbios 4:27

Thaquimatjja jan maysaru saranucumti; jan wali sarnakäwinacanjja janipun sarnakañ munamti.

Proverbios 8:20

Nayajj chekap thaquinjam sarta, cheka cancaña thaquinjama.

Daniel (hebreo) 10:19

ucatsti saraquituwa: ‘Jan ajjsaramti, janirac llaquisimsa. Diosajj jumarojj walwa munastam. Uca laycu sayt'asim, ch'amañcht'asiraquim’ sasa. “Jupajj uqhamaw nayaru parlasquitäna, uqham parlañapcamajja nayajj ch'amaniw amuyasjjäyäta, ucatsti saractwa: ‘Tata, parljjayt'aquita, parlatam ist'asasti nayajj ch'amaniw uñjasjjta’ sasa.

Números 27:23

Moisesajj amparampi p'ekepar lokjjatasinjja, jupan lurañapwa churjjäna, cunjämtejj Tatitojj siscatayna Moisés toke uqhamarjama.

Deuteronomio 11:8

“Jumanacasti take camachi arunaca jichhüruna churapcsma ucanacjja phokhapjjamaya, uqhamat ch'amanïpjjañamataqui uca orakenac catuntasipjjañamataquejja.

Deuteronomio 12:32

“Take ewjjanaca churapcsma uqhamarjam sarnakapjjam, jan cunsa jiljjatayapjjamti ni menoswakayapjjamsa.

Deuteronomio 28:14

jan maysarus ucanacat jithektasa yakha diosanacar arcaña ni yupaychaña munasasa.

Deuteronomio 29:8

Ucatsti orakenacapjja catuntastanwa, uca orakenacsti Rubén, Gad uqhamaraqui chicat Manasés tribunacaruw churaractan.

Deuteronomio 29:9

Uqhamasti take aca arust'äwin arunacapar ajjsarapjjaraquim, ucatsti ucarjamarac sarnakapjjam, uqhamat take luräwinacamajj suma sarañapataqui.

Deuteronomio 31:7

Ucatsti Moisesajj Josué chacharuw jawsäna, take Israel marca nayräjjana aqham sasa: “Ch'amacht'asim, sayt'asiraquim, jumaw aca jakenacar irpäta, cawquïri oraktï Tatitojj arupampi arsusin jumanacan awquinacamar churämaw siscän ucaru, ucatsti jumaraquiwa uca orakenac laquintäta.

Deuteronomio 4:2

Janiraqui cawquïri ewjjanactï churapcäma ucanacarojj jiljjatayapjjamti ni apakapjjamsa. Jaysapjjam Tatitu Diosaman camachi arunacap churapcsma ucarojja.

Deuteronomio 5:32

Uqhamasti Diosan take ewjjanacaparjamay jacäwinacaman sarnakapjjam jan cawcsarusa jithektasa.

Josué 1:1

Diosan sirviripa Moisesan jiwjjatapatjja, Diosajj Josué chacharuw parläna. Jupasti Nun sat jaken yokapänwa, uqhamaraqui Moisesan yanapiripa, ucatsti aqham sänwa:

Josué 1:8

Amtasipunïtaw cuntï Diosan leyi libropanjja sisqui uca, uqhamaraqui uruy arumaraquiw lup'iraquïta cuntejj librojj sisqui uca lurañamataqui. Uqhamatwa take luräwinacamajj sumaru sarani.

Josué 1:9

Nayasti sismawa: Ch'amani sayt'asim, jan ajjsaramti, janirac mayjt'asimsa. Naya Tatitu Diosamaw jumampïscä cawqharutï sarcäta ucqhanacana” sasa.

Josué 11:15

Diosajj cuntï Moisesaru siscäna ucanacjja Moisesajj Josué chacharuraquiw säna; Josué chachajj israelitanacarojj uca arsüwinacjja phokhayänwa, janiw cunsa uqhamac pasaycänti.

Josué 23:6

“Jumanacasti wal ch'amañcht'asipjjam, uca Moisesan libropan kellkatäqui uca arunacar phokhañataqui, janirac ch'eka tokerusa ni cupi tokerusa uca arunacatjja sarakapjjamti.