Apocalipsis 22:14 - Qullan Arunaca

¹⁴ “Cusisiñanïpjjewa qhitinacatejj isinacapa t'ajjsusipjje jacañ kokat mank'asiñataqui, uqhamarac marcar puncu chek mantañataquisa.

Aymar Bibliia 1986

¹⁴ “Cusisiñanïpjjewa qhitinacatejj isinacapa t'ajjsusipjje jacañ kokat mank'asiñataqui, uqhamarac marcar puncu chek mantañataquisa.

Qullan Arunaka DC

¹⁴ Jakañ churir quqan achupat manq'asiñatak isinakap t'axsusirinakax kusisiñanïpxiwa, ukhamarak markar punku chiqa mantañ munirinakasa.

Apocalipsis 22:14 Jak'a apnaqawi uñst'ayäwi

Génesis 2:9

Uqhamaraqui Diosajj take casta suma frutanac achuri kokanac jilayaraquïna, ucanacasti mank'añataquïnwa. Uca huerto taypirusti jacañ koka uscuraquïna, uqhamaraqui asquimpi ñankhampi yatiñ churir koka uscuraquïna.

Génesis 3:22

Saraquïnwa: “Jichhajj jakejj jiwasat maynïcaspas uqhamaw tucjje, cunatejj asquïqui, uqhamarac cunatejj ñankhäqui ucsa yatjjaraquiwa. Jichhasti capasaquiw jacañ kokan achupatsa mank'antaspa, uqhamat wiñay jacañataqui” sasa.

Salmos 112:1

¡Tatitojj jach'añchatäpan! Tatitur ajjsartir jakejj cusisiñaniwa, arsutanacapar munasir jakejj cusisiñaniwa.

Salmos 118:20

Acapï Tatitun puncupajja: uca chekaw asqui jakenacajj mantapjjani.

Éxodo 19:10

Tatitojj Moisesarojj sascaquïnwa: —Saram, ucatsti marcaru waquichanim jichhüru, kharüru jupanacajj k'omachasipjjpan, uqhamarac isinacapsa t'ajjsusipjjaracpan.

Daniel (hebreo) 12:12

Cusisiñaniwa qhititejj take iyawsañampi suyt'qui, waranka quimsa patacani quimsa tunca phescani urunacajj pascani ucacama, ucanacajja.

Juan 10:7

Ucatsti Jesusajj wasitampiw saraquïna: —Khanacwa sapjjsma, nayätwa puncojja cawqui chektejj ovejanacajj mantqui ucajja.

Juan 10:9

Nayätwa puncojja; qhititejj naya chek mantcani ucajja, khespiyatäniwa. Cunjämatejj mä ovejajj uyuru manti, misturaqui, ucatsti pastonac jicjjataraqui, uqhamäniwa.

Juan 14:15

“Jumanacatejj munapjjchistajja, camachinacajj phokhapjjam.

Juan 14:6

Jesusajj saraquïnwa: —Nayätwa thaquejja, chekasa, jacañasa. Naya tokequiw Awquin ucar puriñajj utji.

Juan 4:12

Nanacan nayra Jacob awquejjaw aca phojjja jaytawayapjjetu; aca pachpa phujutwa jupajj umäna, uca pachparaqui wawanacapasa, uywanacapasa. ¿Jumasti jupat sipansa juc'ampïsmati? —sasa.

1 Corintios 7:19

Janiw waquisquiti circuncidatäñas jan circuncidatäñasa. Ucampis Diosan munañapa phokhañaw asquejja.

1 Corintios 8:9

Ucampis jumanacajj amuyasipjjam, ucatrac uca libre luratanacamampejj qhitinacatejj Tatitur iyawsañanjja pisi ch'amäsipqui ucanacarojj juchar puriyasipcasma.

1 Corintios 9:5

uqhamaraqui mä Tatitur iyawsiri warmi nayamp chica irpañataquis mayni apostolonacjama, cunjämtï Tatitun pachpa jilanacapasa, Pedros lurqui uqhama.

Gálatas 5:6

Jiwasanacatejj Cristo Jesusampi mayaquïstanjja, janiw cunataquis asquïquiti circuncisión lurayasiñasa jan lurayasiñasa. Ucampis iyawsañanïñäni ucaw juc'amp asquejja, aca iyawsañasti munasiñanwa jacayaraquistani.

1 Juan 3:3

Take qhititejj acanac Jesucristotjja suyt'qui ucajja, jupa pachpawa k'omachasi cunjämatejj Tatit Jesucristojj k'omäqui uqhama.

1 Juan 5:3

Diosar munañajja camachinacar phokhañawa; camachinacapasti janiraquiw jan phokhañjamäquiti,

Apocalipsis 2:7

Qhititejj ist'añ munqui ucajj ist'pan cuntejj Kollan Ajayojj iglesianacar sisqui ucjja: Qhitinacatejj atipjcani ucanacajj Diosan marcapan utjquis uca jacañ churir kokatwa mank'apjjani.’

Apocalipsis 21:12

Uca marcasti mä jach'a alto perkamp muyuntatänwa, ucansti tunca payani puncuraquiw utjäna, mä angelaraquiw sapa puncuncäna. Uca puncunacansti Israel marcan tunca payani tribunacapan sutiparaquiw kellkatäna.

Apocalipsis 21:27

Janipuniw uca marcarojj cuna k'añus mantcaniti, ni qhiti jan walinacasa, uqhamarac sallkjañanaca luririsa. Qhitinacatejj Corderon jacañ libropan kellkatäquis ucanacaquiw uca marcarojj mantapjjani.

Apocalipsis 22:2

Uca marcan jach'a callepansti purap jawira uñcatasinjja mä kokaw jilaraquïna. Uca kokasti jacañ churiri kokänwa, tunca payani cutiraquiw maranjja achüna. Sapa phajjsiwa achüna, laphinacapasti marcanacan kollasiñapataquiw willirtaraquïna.

Apocalipsis 22:7

“¡Janc'aquiw jutä! ¡Cusisiñaniw qhititejj Diosan arunacap aca libron kellkatäqui uc ist'qui ucajja!”

Apocalipsis 7:14

Nayasti sistwa: “Tata, jumaw yattajja” sasa. Jupasti saraquituwa: “Acanacajj wali jach'a llaquinacwa pasanipjje, isinacapsti Corderon wilapampi t'ajjsusaraquiw jank'optayanipjje.