Éxodo 27:1 - Qullan Arunaca

“Mä altara acacia sat maderat luraraquim, aca altarasti cajonäñapawa, ladorusa, anchorusa pä metro pä tunca pheskan centimetronïñapawa; altorusti mä metro pä tunca pheskan centimetroniraqui.

Aymar Bibliia 1986

“Mä altara acacia sat maderat luraraquim, aca altarasti cajonäñapawa, ladorusa, anchorusa pä metro pä tunca pheskan centimetronïñapawa; altorusti mä metro pä tunca pheskan centimetroniraqui.

Qullan Arunaka DC

“Ukatsti acacia lawat mä altar luräta, uka altarasti cajonäñapawa, pusi thiyanakapax pä metro pä tunka phisqan centimetroni; sayarusti mä metro pä tunka phisqan centimetroni.

Éxodo 27:1 Jak'a apnaqawi uñst'ayäwi

2 Samuel 24:18

Uca pachpa uruw Gad sat chachajj Davidan ucar saräna, ucatsti saraquïna mä altar sayt'ayañapataqui cawqhantejj Arauna jebuseo jakejj trigo jawk'cäna uca chekaru.

2 Reyes 16:14

Cawquïr altaratejj bronceta lurata Tatitun templopa nayrakatanccäna ucjja, Acaz reyiw ucqhat aptasin altarana amstäjja tokeparu uchäna, ucasti jicjjatasjjänwa machak altarampita, Tatitun templopampi chica chicana.

1 Crónicas 6:49

Aarón chachampi, uqhamarac jupan wawanacapampiwa nact'at loktäwi altarana ofrendanaca naqhantayapjjerïna, uqhamarac incienso altaransa. Uqhamaraquiw jupanacajj Sinti Kollan Templona take serviñanacaru uchasipjjäna, ucatsti Israel marcan juchanacapat perdón jicjjatañarusa, cunjämtï Moisesajj siscäna take ucanacarjama.

2 Crónicas 4:1

Salomonajj broncetwa mä altar lurayäna largorusti llätunca metronïnwa, anchorusti llätunca metroniraqui, altorusti pusi metro chicataniraqui.

Esdras 3:2

Ucatsti Josadac chachan Josué yokapasa, uqhamarac sacerdote masinacapasa, Salatiel chachan Zorobabel yokapasa, uqhamarac familianacapasa Israelan Diosapan altarapa lurañaruwa uchasipjjäna, uca patjjana nact'ata loktäwinaca loktañataqui, cunjämtï Moisés Diosan jakep toke leyejj siscäna uqhamarjama.

Éxodo 17:15

Ucat Moisesajj mä altara waquicht'asinsti “Tatituw nayan wiphalajjajja” sasaw sutichäna.

Éxodo 24:4

Ucampis Moisesajj kellkänwa cunanactejj Tatitojj siscäna ucanaca, ucat khepärmanthi alwata sartasinsti jupajj kollu cayurojj mä altarwa luräna, uqhamarac altar thiyarojj tunca payan kala uchäna; Israelanquir sapa tributjja mä kala uchasa.

Éxodo 31:9

sacrificio nact'ayas loktañ altara yänacapampi, ampara jarisiñjja apjjatañapamppacha,

Éxodo 35:16

sacrificionac naqhantayañatac altara broncet lurata rejillapampi, uqhamarac callañanacapamppacha, take yänacapamppacha, uca quipcarac uma uchañ tinajsa uchañapamppacha,

Éxodo 39:39

Uqhamarac lurapjjaraquïnwa mä altara bronceta rejillanacapsa broncetaraqui, jach'a morok'o lawanacsa callañataqui, take yänacapampi, uqhamarac ampar jarisiña tinajsa cayupamppacha uca patjjar tinaja uchañataqui.

Éxodo 40:10

Uqhamarac loktaña aceitempejja ch'allsuraquïtawa sacrificio nact'ayas loktaña altararu take yänacapamppacharu, uqhamata suma loktata kollanansa kollana altaräñapataqui.

Éxodo 40:29

Ucjjarusti sacrificio nact'ayas loktaña altarwa ucharaquïna Tatitumpi Jiquisiñ Carpa mantaña puncu nayrakataru, ucatsti uca altarjjarusti uywanaca, grano achunaca apanipcäna ucanacwa nact'ayäna cunjämtejj Tatitojj siscäna uqhamarjama.

Éxodo 40:6

Ucjjarusti ucharaquim sacrificionac nact'ayas loktaña altarjja, carparu mantañäquis ucqharu Diosampi Jiquisiña Lugar nayrakataru.

Números 3:31

Aca jach'a familianacaraquiw imapjjäna Tatitun Arust'äwi Arcapa, mesapa, candeleropa, altaranacapa, uqhamarac take cunanacatejj yupaychañatac sirvqui ucanacsa, velonacapsa, take yänacapsa.

Números 4:13

Uqhamaraquiw altaran liq'inacapsa, khellanacapsa k'omachapjjäta, ucatsti mä suma wila telampiw imantapjjäta.

Números 4:14

Uca patjjarusti take cunanacatejj altaran sirviñatac apnakasqui ucanacwa uchapjjaraquïta: braseronaca, tenedoranaca, palanaca, jach'a jarranaca, take cunanacatejj altaran apnakasqui ucanaca. Take acanacaruw patjjat suma lip'ichinacampi imantapjjäta.

Hebreos 13:10

Jiwasanacan sacrificiosajj mayjawa, ucatjj janiw “mank'am” satäquiti uca nayra santuariot mank'eri sacerdotenacarojja.