Éxodo 27:2 - Qullan Arunaca

² Uca altaran esquinanacapataquisti pusi wajjranaca luraraquïta, ucanacasti sapa may altar esquinampisti mayaquïñapawa. Ucatsti uca altararojja broncempiw patatjja lip'suyaraquïta.

Aymar Bibliia 1986

² Uca altaran esquinanacapataquisti pusi wajjranaca luraraquïta, ucanacasti sapa may altar esquinampisti mayaquïñapawa. Ucatsti uca altararojja broncempiw patatjja lip'suyaraquïta.

Qullan Arunaka DC

² Uka altaran pusi thiyapatakisti pusi waxranak luräta, ukanakasti altarampix mayakïñapawa, uka altarsti broncempiw lip'ikipayäta.

Éxodo 27:2 Jak'a apnaqawi uñst'ayäwi

1 Reyes 1:50

Adoniasasti Salomonaruw ajjsaräna, sayt'asinsti Tatitumpi Jiquisiñ Carparuw saräna, ucansti altarana wajjranacapatwa catthapisïna.

1 Reyes 2:28

Joab chachasti Adoniasampiw chicachasïna, ucampis janiraquiw Absalonampejj chicachascänti. Cunapachatï Joab chachajj aca arunaca ist'äna ucapachasti, Tatitump Jiquisiña Carparuwa jan jiwayatäñataqui jaltäna, ucatsti altarana wajjranacapata catuntasïna.

1 Reyes 8:64

Uca uru pachparaquiw reyejj k'omacharaquïna Tatitun templopa nayräjjancqui uca chicachica patiopa, ucanaracwa nact'ayat sacrificionaca loktaraquïna, ucatsti granonacata ofrendanaca, uqhamarac sumancthapïwi sacrificionacata liq'inaca, Tatitun nayrakatapancqui uca broncet lurat altarajj jisc'aquïtap laycu, ucatsti janiw uchañjamäcänti nact'ayat sacrificionacasa, granonacat ofrendanacasa, uqhamarac sumancäwi sacrificionacan liq'inacapasa.

2 Reyes 16:14

Cawquïr altaratejj bronceta lurata Tatitun templopa nayrakatanccäna ucjja, Acaz reyiw ucqhat aptasin altarana amstäjja tokeparu uchäna, ucasti jicjjatasjjänwa machak altarampita, Tatitun templopampi chica chicana.

2 Crónicas 4:1

Salomonajj broncetwa mä altar lurayäna largorusti llätunca metronïnwa, anchorusti llätunca metroniraqui, altorusti pusi metro chicataniraqui.

Salmos 118:27

Tatituw Diosajja: jupaw khant'anistu. Cusisiñ kalltapjjam, altar thiyacam layminacamp c'achachapjjam.

Éxodo 27:3

Uca altarataquisti yänacjja broncetcamacwa luraraquïta, khella apakañsa, palanacsa, tazonanacsa, tenedoranacsa, uqhamarac nina sanc'a naqhañsa.

Éxodo 29:12

Wilapampisti ampar luc'anamampiw altaran wajjranacapat jawsüta, ucat jilt'äqui ucampisti altar cayururaquiw warnokaraquïta.

Éxodo 38:30

Uca apthapit broncetwa lurapjjäna utt'ayañanaca Tatitumpi Jiquisiñ Carpan puncupataqui, broncet lurat altarasa rejillanacapasa, uqhamarac altaran take yänacapasa,

Ezequiel 43:15

Amstäjjanquirïqui ucasti cawqhantejj sacrificio loktäwinacajj naqhantayascän uca chekasti altorojj pä metroniraquïnwa. Pusi wajjranacaniraqui, ucasti amsta toker uñtatänwa.

Levítico 16:18

ucatjja mistunjjaraquiniwa cawquïri altaratejj Tatitun nayrakatapancqui ucqharu. Ucatsti uca vacan wilapatjja mä juc'a aptaraquini, uqhamaraqui cabriton wilapatsa, uca wilampejj altaran wajjranacaparuw jawiquiparaquini,

Levítico 4:18

Ucanwa mä juc'a wilampi Tatitun nayrakatapancqui uca altaran esquina wajjranacaparu jawt'araquini Tatitumpi Jiquisiñ Carpana. Ucat takpach wila jilt'sti Tatitumpi Jiquisiñ Carpar mantañäquis ucqhancqui uca ofrenda loktaña altaran cayuparuw wartanjjaraquini.

Levítico 4:25

Ucjjarusti sacerdotejj juchat sacrificio loktat cabriton mä juc'a wilamp luc'anaparu juricht'asajj, naqhantatäñatac loktaña altaran esquina wajjranacapwa jawirt'araquini; ucatsti wila jilt'jja pachpa altaran cayuparuw wartjjaraquini.

Levítico 4:7

Sacerdotesti mä juc'a wila aptasin k'apquiri incienso uchañäquis uca altaran esquina wajjranacaparuw jawirt'araquini, ucasti jicjjatasiwa Tatitumpi Jiquisiñ Carpana; ucat jilt'iri takpach wilasti naqhantata ofrenda churañäquis uca altar cayuru wartatäjjañapawa, cawquïritejj Tatitumpi Jiquisiña Carpa mantañäquis ucancqui ucqharu.

Levítico 8:15

Ucat Moisesajj qharinucjjaraquïna, ucatsti luc'ananacapampi wila aptasajja altaran utjcänsa uca wajjranacwa uca wilampi jawiräna, uqhamat k'omachañataqui, ucat jilt'iri wilsti altar cayuruw warnokjjaraquïna. Uqhamaw altarajj k'omachata, uqhamaraqui Tatitur loktata uñjasjjaraquïna.

Zacarías 9:15

Take ch'amani Tatitojja jupanquirinacarojj imaraquiniwa. Jupanacasti k'orawt'anita kalanacsa taquichasipjjaraquiniwa, uñisirinacaparusti jiwarayapjjaraquiniwa; wilapsti vinjamaraqui umapjjani, mä jach'a tasar uñtataraquiw phokharapjjanejja, altaranquir wajjranacjamaraqui.

Números 3:31

Aca jach'a familianacaraquiw imapjjäna Tatitun Arust'äwi Arcapa, mesapa, candeleropa, altaranacapa, uqhamarac take cunanacatejj yupaychañatac sirvqui ucanacsa, velonacapsa, take yänacapsa.

Hebreos 6:18

Uqhamasti pä luräwiw jan trocasir utji, ucanacatjja Diosajj janiw c'ariscaspati; ucampejj Diosajj mä jan tucusquir chuymachäwi churistu, qhitinacatejj jupan imantasiñ thakapctan, uqhamarac catuyasiractan uca suyt'äwi churquistu ucana.