Éxodo 40:10 - Qullan Arunaca

¹⁰ Uqhamarac loktaña aceitempejja ch'allsuraquïtawa sacrificio nact'ayas loktaña altararu take yänacapamppacharu, uqhamata suma loktata kollanansa kollana altaräñapataqui.

Aymar Bibliia 1986

¹⁰ Uqhamarac loktaña aceitempejja ch'allsuraquïtawa sacrificio nact'ayas loktaña altararu take yänacapamppacharu, uqhamata suma loktata kollanansa kollana altaräñapataqui.

Qullan Arunaka DC

¹⁰ Nakt'at wilañchanak luqtañ altarxarux luqtañ aceitempiw ch'allsurakïta, taqi yänakapamppacharu. Ukhamat suma luqtata, qullanansa qullana altaräñapataki.

Éxodo 40:10 Jak'a apnaqawi uñst'ayäwi

Éxodo 30:29

Take ucanacwa uca aceitempi warjjatt'asina Tatitur loktäta, take ucanacawa kollanäni, uqhamarac cunanacatejj ucanacaru jac'cani ucanacajja loktatäjjaraquiquiniwa.

Éxodo 40:11

Uca quipcaraqui uma uchaña tinajarusa, apjjatatäqui uca cayurusa aceitempejj ch'allsuraquïtawa, uqhamat loktatäñapataqui.

Isaías 11:2

Tatitun ajayupasti jupjjancapuniniwa, ucatsti yatiñampi, ch'iqhi cancañampi, suma amuyt'a chuymampi, ch'amampi, Tatitur uñt'añampi jupar ajjsarañampwa churani.

Isaías 61:1

“Tatitun ajayupajj nayjjanquiwa, Tatituraquiw nayarojj yakhachasitu; pobrenacaru suma yatiyäwinac yatiyiriw qhitanitu, llact'atanacaru chuymachañataqui, preso catuntatanacaru khespiyat sarnakasiñ yatiyiri, carcelanquirinacarusti khespiyat sarnakasiñ chuririraqui,

Levítico 6:17

Janiw levadurani phayapjjañapäquiti. Jupanacaruw churjjaracta cuna ofrendanacatejj nact'ayasina nayar loktatäqui ucanacata, cunatejj jupanacaru wact'qui ucanaca, ucanacasti wali kollanaraquiwa, cunjämäpquitejj juchata uqhamaraqui jan yatcasina pantjasïwi juchanacat loktat ofrendajj uqhamaraqui.

Levítico 8:11

Uca pachpa aceitempiraquiw altarjja pakallko cuti ch'allt'araquïna, ucatsti altarjjaru uqhamaraqui cunanacatejj altaran utjcän ucanacjjaruw warjjatjjaraquïna, uqhamaraqui ucan mä tinajajj utjcän ucjjarusa, uqhamaraqui uca tinaja utt'añaparusa, uqhamat take ucanaca Tatitur catuyjjañataqui.

Lucas 1:35

Angelasti sänwa: —Kollan Ajayuw jumjjaru jutani, ucatsti alajjpach Diosan ch'amapaw mä kenayjam jumarojj imjjattätam. Ucatwa nascan uca wawajj Diosatac yakhachatäni, ucatsti Diosan Wawapa sataraquïniwa.

Juan 17:19

Jupanac laycuwa nayapachpas catuyasiracta, jupanacajj asquitaqui catuyasipjjañapataquiraqui.

Juan 3:34

Diosan qhitanitapajja Diosan arunacapwa parli, Diosajj Ajayupjja jilarquirwa churaraqui.

1 Corintios 1:30

Jumanacarusti Dios quipcaw Jesucristompi mayaruqui tucuyapjjtam uqhamaraquiw Diosajj jiwasan yatiñ cancañasjja Jesucristompi utjayi. Uca Jesucristo tokeracwa khespiyistu, jupar catuyata tucuyaraquistu.

2 Corintios 5:21

Cristojj janiw cuna juchsa lurcänti, ucampis Diosajj juparojj mä juchan jakerjamaw uñjäna jiwasanac laycu, jiwasajj Cristomp chicäjjatas laycojj mä chekap jacañanëjjañasataqui, cunjämtï Diosajj jacañas munqui uqhama.

Hebreos 7:26

Uqhamapï Jesusajj cuna jilïri sacerdottejj suycäyätan ucajja. Jupajj kollanawa, jan juchaniraquiwa, juchaninacats jithektata, alajjpachats juc'amp alayar aptataraqui.