Éxodo 27:1 - Qullan Arunaka DC

¹ “Ukatsti acacia lawat mä altar luräta, uka altarasti cajonäñapawa, pusi thiyanakapax pä metro pä tunka phisqan centimetroni; sayarusti mä metro pä tunka phisqan centimetroni.

Aymar Bibliia 1986

¹ “Mä altara acacia sat maderat luraraquim, aca altarasti cajonäñapawa, ladorusa, anchorusa pä metro pä tunca pheskan centimetronïñapawa; altorusti mä metro pä tunca pheskan centimetroniraqui.

Qullan Arunaca

¹ “Mä altara acacia sat maderat luraraquim, aca altarasti cajonäñapawa, ladorusa, anchorusa pä metro pä tunca pheskan centimetronïñapawa; altorusti mä metro pä tunca pheskan centimetroniraqui.

Éxodo 27:1 Jak'a apnaqawi uñst'ayäwi

2 Samuel 24:18

Uka pachpa uruw Gad profetax Davidan ukar saräna, ukat jupar sarakïna: “Makhatam, ukatsti Tatitutak mä altar sayt'ayam, kawkhantix Arauna jebuseo jaqix trigo jawq'askän ukawjaru” sasa.

2 Reyes 16:14

Uka qhipatsti, Ahaz reyix Tatitun utap nayraqatan uchatäkän uka broncet lurat altar aptxäna, ukat alay tuqiruw uskxäna, uka altar lantsti, luraykatayna uka machaq altar uchxäna.

1 Crónicas 6:49

49 (34) Aarón chachampi, jupat saraqir wawanakampiw wilañcha luqtañ altarxarux waxt'äwinak nakt'ayapxirïna, ukhamaraki incienso luqtañ altärxaru. Jupanakarakiw Qullanan Qullanap chiqawjan uka luräwinak phuqhapxirïna, Israel markatak juchanakat pampachäwi mayisa, kunjämtix Diosan Moisés luqtiripax siskän ukhamarjama.

2 Crónicas 4:1

Salomonax broncet mä altar lurayarakïna, ukasti sayt'umpiru, iramampirux llätunka metronïnwa, amstarux pusi metro chikatanirakïnwa.

Esdras 3:2

Ukatsti Josadac chachan Josué yuqapasa, sacerdote masinakapasa Israelan Tatitupan altarap lurañ qalltapxäna, Salatiel chachan Zorobabel yuqapampi, wila masinakapamp chika, kunjämtix Diosan jaqipa Moisés tuqi kamachix arskäna ukarjam uka patxan nakt'at luqtäwinak luqtañataki.

Éxodo 17:15

Moisesasti mä altar ukawja chiqar luräna, ukarusti “Tatituw nayan wiphalaxaxa” sasaw sutichäna,

Éxodo 24:4

Ukat Moisesax kunanaktix Tatitux siskatayna ukanak qillqäna, qhipärmanthisti, wali willjtat sartasin jupax qullu kayur mä altar luräna, ukatsti tunka payan qalanak uchäna; Israelan sapa ayllunakapat mä qala uchäna.

Éxodo 31:9

wilañcha nakt'ayas luqtañ altara, yänakapampi, ampar jariqasiñ lamana, qunt'añapampi,

Éxodo 35:16

wilañchanak nakt'ayañ altara, bronce rejillapampi, kallañapamppacha, taqi yänakapampi, uma uchañ lamana, qunt'añapamppacha,

Éxodo 39:39

broncet lurat altara, broncet lurat rejillapampi, kallañ muruq'u lawanakapampi, taqi yänakapamppacha, ampar jariqasiñ lamana, qunt'añanakapamppacha,

Éxodo 40:10

Nakt'at wilañchanak luqtañ altarxarux luqtañ aceitempiw ch'allsurakïta, taqi yänakapamppacharu. Ukhamat suma luqtata, qullanansa qullana altaräñapataki.

Éxodo 40:29

ukatsti nakt'ayat wilañchanak luqtañ altar ucharakïna Tatitumpi Jikisiñ Carpa mantañ punku nayraqataru, uka altarxarusti uywanaka, grano achu waxt'anaka nakt'ayäna, kunjämtix Tatitux siskatayna ukhamarjama.

Éxodo 40:6

Ukxarusti wilañchanak nakt'ayas luqtañ altarxa, Carpar mantañäkis uka uñkatasiruw uchäta.

Números 3:31

Uka tamanakaw Tatitun arust'äwi arcap uñjapxäna, ukhamarak Tatitutak yaqhachat t'ant'a uchañ mesa, candelero, altaranaka, velo, Tatitur yupaychañatak wakiski uka qullan yänakampi, taqi yaqha yänakampi.

Números 4:13

Ukatsti altarat qhillanak picharapxani, ukxarusti ch'iyar wila telampiw imxatapxani.

Números 4:14

Uka patxarusti taqi kunanakatix altaran yupaychañatak wakiski ukanak uchapxani: nina sank'a nakhayañanaka, nina jawriñanaka, lampanaka, jach'a qirunaka; taqi kunanakatix altaran apnaqaski ukanaka. Taqi ukanakaruw suma lip'ichinakamp imxatapxani, kallañatakisti lawanak uskupxarakini.

Hebreos 13:10

Jiwasanakan mä altaraw utjistu, uka altaratsti nayra qullan chiqankir sacerdotenakan manq'añapax janiw wakiskiti.