Esdras 3:2 - Qullan Arunaca

² Ucatsti Josadac chachan Josué yokapasa, uqhamarac sacerdote masinacapasa, Salatiel chachan Zorobabel yokapasa, uqhamarac familianacapasa Israelan Diosapan altarapa lurañaruwa uchasipjjäna, uca patjjana nact'ata loktäwinaca loktañataqui, cunjämtï Moisés Diosan jakep toke leyejj siscäna uqhamarjama.

Aymar Bibliia 1986

² Ucatsti Josadac chachan Josué yokapasa, uqhamarac sacerdote masinacapasa, Salatiel chachan Zorobabel yokapasa, uqhamarac familianacapasa Israelan Diosapan altarapa lurañaruwa uchasipjjäna, uca patjjana nact'ata loktäwinaca loktañataqui, cunjämtï Moisés Diosan jakep toke leyejj siscäna uqhamarjama.

Qullan Arunaka DC

² Ukatsti Josadac chachan Josué yuqapasa, sacerdote masinakapasa Israelan Tatitupan altarap lurañ qalltapxäna, Salatiel chachan Zorobabel yuqapampi, wila masinakapamp chika, kunjämtix Diosan jaqipa Moisés tuqi kamachix arskäna ukarjam uka patxan nakt'at luqtäwinak luqtañataki.

Esdras 3:2 Jak'a apnaqawi uñst'ayäwi

Génesis 12:7

Ucanwa Tatitojj uñstäna, ucatsti saraquïnwa: “Aca orakjja wawanacamaruw churä” sasa. Ucatsti Abramajj uca chekanjja mä altar Tatitutaqui waquichäna, uca chekan Tatitojj uñstatap laycu.

1 Crónicas 23:14

Diosanquir Moisesarusti, uqhamarac jupat jutir wawanacaparusa Leví triburu jaqhutäpjjänwa.

1 Crónicas 3:17

Marcapata jayar apanucutäcäna uca Jeconías chachan wawanacapasti acanacänwa: Salatiel, ucasti jilïr yokall wawapänwa,

1 Crónicas 3:19

Pedaías chachan wawanacapasti acanacänwa: Zorobabel, Simei ucanaca. Zorobabel chachan wawanacapasti acanacänwa: Mesulam, uqhamarac Hananías, uqhamarac Selumit ucajja jupanacan cullacaparaqui,

2 Crónicas 6:6

ucampis nayajj Jerusalén marcaruw ajllista nayan sutejjajj ucancañapataqui, uqhamaraquiw Davidaru ajllisiracta Israel marcajjaru apnakañapataqui’ sasa.

Esdras 10:18

Sacerdotenacat qhitinacatejj yakha marcanacanquir warminacampi casarasipcäna ucanacasti, acanacäpjjänwa: Josadac chachan Josué yokapan wawanacapa, uqhamarac familianacapatsa: Maasías, Eliezer, Jarib, uqhamarac Gidalías ucaraqui,

Esdras 10:20

Imer chachan wawanacapatsti: Hanani, uqhamarac Zebadías ucaraqui.

Esdras 10:21

Harim chachan wawanacapatsti: Maasías, Elías, Semaías, Jehiel, uqhamarac Uzías ucaraqui.

Esdras 10:22

Pasur chachan wawanacapatsti: Elioenai, Maasías, Ismael, Natanael, Jozabad, uqhamarac Elasa ucaraqui.

Esdras 3:8

Jerusalén marcaru Diosan utaparu purinitapata payïri marana, payïri phajjsipanwa kalltapjjäna Diosan templopa wasitat utachaña Salatiel sat chachan Zorobabel yokapa, uqhamarac Josadac chachan Josué yokaparaqui, jupanacamp chicäpcän ucanaca, sacerdotenaca, levitanaca, uqhamarac preso apatanacajj Jerusalenaru cutt'anipcäna take ucanacaraqui. Uca luraña sarayapjjañapataquisti catuyapjjänwa pä tunca maranita ucsar jila marani levita chachanacaru.

Esdras 5:2

Ucatsti Salatiel chachan Zorobabel yokapampi, uqhamarac Josadac chachan Josué yokapampejj wasitataw lurañ kalltapjjäna Jerusalenan Diosan templopa, ucatsti Diosan profetanacapajj jupanacampïscänwa yanapañataqui.

Nehemías 12:1

Aca sacerdotenacamp uqhamarac levitanacampiw cutt'anjjapjjänjja Zorobabelamp chicajja, jupasti Salatiel ucan yokapa, uqhamarac Jusueyamp cuna; sacerdotenacasti acanacänwa: Seraías, Jeremías, Esdras,

Nehemías 12:8

Levitanacasti acanacäpjjänwa: Josué, Binuy, Cadmiel, Serebías, Judá uqhamarac Matanías, jupasti masinacapampejja catuyatäpjjänwa yupaychaña k'ochunaca k'ochuyañataqui;

Salmos 78:68

Judá aylluruw ajllïna, Sión munat kollupampiruw chhijlläna.

Éxodo 27:1

“Mä altara acacia sat maderat luraraquim, aca altarasti cajonäñapawa, ladorusa, anchorusa pä metro pä tunca pheskan centimetronïñapawa; altorusti mä metro pä tunca pheskan centimetroniraqui.

Hageo 1:1

Rey Darion pä mara apnakataparusti, sojjtïri phajjsina kallta uruwa Tatitojj Hageo profeta toke Salatielan Zorobabel yokaparojj parli, jupasti Judá marcanjja gobernadoränwa, uqhamarac Josadacana Josué yokapampiru cuna, jupasti uca pachajj jach'a jilïri sacerdotënwa.

Hageo 1:12

Zorobabelas, Josué chachasa, uqhamarac jakenacasa, Tatitojj cuntejj profeta toke parlcän ucanac ist'asajj wal ajjsarthapipjjäna. Ucracwa Dios Tatitojj jaytawayatayna yatiyañataqui.

Hageo 1:14

Uqhamwa Tatitojj ch'amacht'äna Zorobabelarojja, jupasti Judá marcanjja gobernadoränwa, uqhamarac Josué chacharusa, jupasti jilïri sacerdoteraquïnwa, uqhamarac take jakenacarusa. Ucasti rey Darion pä mara apnakataparusti sojjtïri phajjsina pä tunca pusini uru sarakatarojja wasitatwa take ch'amani Tatitu Diosan templop utachañjja kalltapjjäna.

Hageo 2:21

ucatsti Zorobabelar sañapataquiw arsuraquïna, jupasti Judá marcanjja gobernadoränwa. “Nayaw alajjpacha, acapacha qhathatiyä.

Hageo 2:23

Ucürusti, nayan uywatajja Zorobabel, naya quipcanjama munañanïña churäma, nayarjama naya quipcaw ajllissma uca laycu. Naya take ch'amani Tatituw ucjja arsta.”

Zacarías 3:1

Ucjjarusti Tatitojj uñacht'ayituwa mä uñjäwinjja Josué sumo sacerdoteru, jupasti sayt'atäscänwa Tatitun angelap nayrakatana. Josué chachan cupëjjapansti supayaraquiw sayt'atäscäna juchañchañataqui.

Zacarías 3:8

Sum ist'ita, Josué, jumajj jilïri sacerdotëtawa, ist'apjjaracpan jumampïqui uca tantachäwisa, uqhamasti jumanacajj Diosan marcapäpjjtawa mayninacan yatekapjjañapataqui: Nayajj qhitanïwa servirejja, jupajj ‘Machak Cülli’ satawa.

Zacarías 6:11

Kollkempi korimpi apthapisajja luram coronanaca, mayïrsti uchätawa Josué, Josadacan yokapa jilïr sacerdoten p'ekepjjaru.

Números 28:2

“Israelitanacarojj wayt'am jan armt'asisa nayar loktapjjañapataqui, t'ant'a, uqhamarac nact'ayat ofrendanaca suma amtasqui uca fiestanacana, mä suma k'apquir ofrenda nayataqui.

Lucas 3:27

Judasti Joanán yokapänwa, Joanasti Resan yokapänwa, Resasti Zorobabelan yokapänwa, Zorobabelasti Salatielan yokapänwa, Salatielasti Nerin yokapänwa,

Jueces 6:24

Ucatsti Gedeonajja mä altarwa Diosataqui waquicht'i ucarusti suticharaquïnwa “Diosawa samarañajja” sasa. Aca altarasti Ofra marcancasquiwa, Abiezer sat familian marcapana.