Esdras 3:1 - Qullan Arunaca

¹ Cunapachatï pakallkör phajjsejj purinjjäna ucqhajja, israelitanacajj marcanacapanwa wact'ayasipjjäna, ucatjja take marcawa Jerusalén marcana tantachasipjjäna.

Aymar Bibliia 1986

¹ Cunapachatï pakallkör phajjsejj purinjjäna ucqhajja, israelitanacajj marcanacapanwa wact'ayasipjjäna, ucatjja take marcawa Jerusalén marcana tantachasipjjäna.

Qullan Arunaka DC

¹ Paqallqür phaxsi purinxäna ukkhaxa, israelitanakax markanakapan utjnuqatäxapxänwa, ukatsti taqiniw Jerusalenan tantachasipxäna.

Esdras 3:1 Jak'a apnaqawi uñst'ayäwi

Nehemías 7:72

ucjjar jilt'ir jakenacasti churapjjaraquïnwa patac sojjta tuncani kilo kori, waranka patacani kilo kollke, uqhamarac sojjta tunca pakallkoni sacerdote isinaca.

Nehemías 7:73

“Ucatsti suma utt'ayatäjjänwa utjäwiparcama sacerdotenacasa, levitanacasa, puncu uñjirinacasa, k'ochurinacasa, marcanquir jakenacasa, templona sirvirinacasa, uqhamarac take Israel jakenacamppacha.”

Nehemías 8:1

Pakallko phajjsïri purinjjäna ucqhajja, israelita jakenacajja lugaranacaparojja suma utjantatäjjapjjänwa. Ucatsti take jakenacawa plazana mayaqui tantacht'asipjjäna, Uma puncu satäqui uca nayräjjana, ucatjja yatichiri Esdrasarojja sapjjänwa: —Tatitojj Israel marcaru Moisesan leyipa churcäna uca libro aptanim —sasa.

Nehemías 8:14

Jupanacajj jicjjatapjjänwa uca leyi libronjja, Diosajj Moisés toke arscatayna lurañataqui, pakallköri phajjsi fiesta urunacanjja israelita jakenacajj chhujlla mankhena jacapjjañapäqui ucjjata.

Levítico 16:29

“Aca leyinacasti jumanacataquejj wiñayataquïniwa: tunca uru sarakataru pakallköri phajjsina jumanacajj ayunapjjäta, take luräwinacamwa suyt'apjjäta, take israelita jakenaca uqhamarac jaya marcat jutasina jumanaca taypina jaquiri jakenacasa.

Levítico 23:24

“Israelitanacarojj aqham saraquim: Pakallko phajjsi sarakatarusti, jumanacajj samarañ uru uca phajjsi kalltanja lurapjjäta, ucatsti suma kollana tantachasïwi lurapjjaraquïta, amtasiñataqui, trompetanaca uca urojj phust'apjjaraquïta.

Sofonías 3:9

“Cunapachatejj ucanacajj purinini ucqhajj, take marcanacan parläwinacapwa k'omachä, uqhamata takenin Diosaru yupaychapjjañapataqui, ucatsti mayaquiraqui Diosaru sirvipjjañapataqui.

Hechos 2:46

Sapüruw templon tantachasipjjäna. Utanacapansti mayaquiw t'ant'a pachjasajj mank'asipjjäna take cusisiñampi, llamp'u chuymampiraqui.

Hechos 4:32

Diosar iyawsirinacasti waljanïnwa. Jupanacasti mä chuymaquïpjjänwa, mä amtañaniquiraqui. Cunanacapatejj utjcäna ucanacatjja janiraquiw qhitis siscänti: “Nayanquituwa” sasajja, jan ucasti take cunanacapas takenincänwa.

1 Corintios 1:10

Jilatanaca, Jesucristo Tatitusan sutipjjaruw achict'apjjsma, maya amtañaniquïpjjam, jan jumanac taypin yakhachasiñajj utjcpanti. Jan ucasti, mä wawac sarnakasipjjam; mä sapa amtañani, mä chuymaniquiraqui.

Deuteronomio 16:16

“Take chachaw Tatitu Diosamarojj maran quimsa cuti uñstani, cawqha chektejj jupajj ajllisqui uca chekana, aca fiestanacanwa uñstapjjani: Jan Levaduran T'ant'a Mank'añ fiestana, Semananaca sat fiestana, uqhamaraqui Enramada fiestansa. Janiraquiw cawquïri jakes Diosarojj jan cunani uñstcaniti,

Jueces 20:1

Ucatsti take israelitanacajj Dan, Beerseba, Galaad sat chekanquirinacajj mayaquiw tantacht'asipjjäna Mizpa sat chekana Diosan nayrakatapana.