Esdras 3:2 - Qullan Arunaka DC

² Ukatsti Josadac chachan Josué yuqapasa, sacerdote masinakapasa Israelan Tatitupan altarap lurañ qalltapxäna, Salatiel chachan Zorobabel yuqapampi, wila masinakapamp chika, kunjämtix Diosan jaqipa Moisés tuqi kamachix arskäna ukarjam uka patxan nakt'at luqtäwinak luqtañataki.

Aymar Bibliia 1986

² Ucatsti Josadac chachan Josué yokapasa, uqhamarac sacerdote masinacapasa, Salatiel chachan Zorobabel yokapasa, uqhamarac familianacapasa Israelan Diosapan altarapa lurañaruwa uchasipjjäna, uca patjjana nact'ata loktäwinaca loktañataqui, cunjämtï Moisés Diosan jakep toke leyejj siscäna uqhamarjama.

Qullan Arunaca

² Ucatsti Josadac chachan Josué yokapasa, uqhamarac sacerdote masinacapasa, Salatiel chachan Zorobabel yokapasa, uqhamarac familianacapasa Israelan Diosapan altarapa lurañaruwa uchasipjjäna, uca patjjana nact'ata loktäwinaca loktañataqui, cunjämtï Moisés Diosan jakep toke leyejj siscäna uqhamarjama.

Esdras 3:2 Jak'a apnaqawi uñst'ayäwi

Génesis 12:7

Ukawjan Tatit Diosax Abramar uñstäna, ukatsti sarakïnwa: “Jumat saraqir wawanakamaruw aka uraq churä” sasa. Ukatsti Abram chachax mä altar uka chiqan wakichäna, Tatitur jach'añchasa, jupar uñstatap layku.

1 Crónicas 23:14

Tatitunkir Moisés chachampi, jupat saraqir wawanakapampix Leví ayllur jakhutänwa.

1 Crónicas 3:17

Markat apanukut Jeconías chachat saraqir wawanakapa: Salatiel, jupan jilïr yuqapa,

1 Crónicas 3:19

Pedaías chachan wawanakapa: Zorobabel, Simí. Zorobabel chachan wawanakapa: Mesulam, Hananías, Selomit jupanakan kullakapa,

2 Crónicas 6:6

ukampis nayax Jerusalén markaruw ajllista ukan jakasiñaxataki, Israel markaxar apnaqañapatakisti Davidaruw ajllisirakta’ sasa.

Esdras 10:18

Sacerdotenakat yaqha markanakankir warminakamp jaqichasirinakax akanakänwa: Josadac chachan Josué yuqapan wawanakapa, ukhamarak wila masinakapata Maaseías, Eliézer, Jarib, Guedalías,

Esdras 10:20

Imer chachan wawanakapatsti: Hananí, Zebadías ukanaka.

Esdras 10:21

Harim chachan wawanakapatsti: Maaseías, Elías, Semaías, Jehiel, Ozías ukanaka.

Esdras 10:22

Pashur chachan wawanakapatsti: Elioenai, Maaseías, Ismael, Natanael, Jozabad, Elasá ukanaka.

Esdras 3:8

Zorobabel chachampi, Josué sacerdotempisti Jerusalén markar purinipxatapatxa payïr marana, payïr phaxsi saraqataruw Tatitun utap wasitat lurañ qalltapxäna. Jupanakarux sacerdotenaka, levitanaka, Jerusalenar kutt'anipkatayna taqi uka judío jaqinakaw yanapapxarakïna, irnaqäwinak sarayapxañapatakisti, pä tunk maranit uksar levita chachanak ajllipxäna.

Esdras 5:2

Uka yatiyäwinak ist'asasti, Zorobabel chachampi, Josué chachampix Tatitun utap wasitat lurañ qalltapxäna, profetanakasti jupanakarux yanapapxarakïnwa.

Nehemías 12:1

Babilonia markata Salatiel chachan Zorobabel yuqapampi, Josué chachampi kutt'anipkäna uka sacerdotenakana, levitanakana sutinakapax akanakawa: Seraías, Jeremías, Esdras,

Nehemías 12:8

Levitanakatsti yupaychañ q'uchunak q'uchurinakax pä tamaw utjäna, kutt'anirinakata nayrïr tamankirinakax akanakänwa: Josué, Binuy, Cadmiel, Serebías, Judá, Matanías ukanaka.

Salmos 78:68

Judá aylluruw ajllïna, munat Jerusalén markaparuw chhijlläna.

Éxodo 27:1

“Ukatsti acacia lawat mä altar luräta, uka altarasti cajonäñapawa, pusi thiyanakapax pä metro pä tunka phisqan centimetroni; sayarusti mä metro pä tunka phisqan centimetroni.

Hageo 1:1

Darío reyin payïr mara markar apnaqatapana, suxtïr phaxsina, nayrïr uru saraqataruw Tatitux Hageo profeta tuqi parläna, Salatiel chachan Zorobabel yuqapampiru, khititix Judá uraqi apnaqirïkäna ukaru, Josadac chachan Josué yuqapampiru, khititix jilïr sacerdotëkän ukampiru.

Hageo 1:12

Kunapachatix Zorobabelampi, Josué chachampi, ukhamaraki markankir jaqinakampix kuntix Tatitux Hageo profeta tuqi parlkän ukanak ist'asaxa, wal axsarayasipxäna.

Hageo 1:14

Tatitux ukham Judá marka apnaqir Zorobabelampiru, sacerdotenakan Josué jilïripampiru, markachirinakampirux ch'amañcht'äna; ukatsti, suxtïr phaxsina, pä tunka pusin uru saraqataru, Darío reyix Persia marka payïr mara apnaqkän ukkhaw taqi ch'aman Tatitu Diosapan utap wasitat utachañ qalltapxäna.

Hageo 2:21

ukatsti Judá marka apnaqir Zorobabel chachar sañapatakiw arsurakïna: “Nayaw alaxpacha, akapach khathatiyä;

Hageo 2:23

Ukampisa, nayaw Zorobabelarux chhijllasta, ukürusti nayaw munañan kankañax jupar churä. Nayätwa Israel markan Tatitupaxa, arstwa, ukhampun lurä.”

Zacarías 3:1

Ukxarusti Tatitux mä unañchäwin Josué jilïr sacerdoteruw uñacht'ayitu, jupasti Tatitun angelap nayraqatan sayt'atäskänwa. Josué sacerdoten kupïxapansti supayaw sayt'atäskäna jupar juchañchañataki.

Zacarías 3:8

Josué, sum ist'ita, jumax jilïr sacerdotëtawa, sacerdote masinakamasti ist'apxarakpan, jumanakax Tatitun arunakap mayninakar yatiyir chimpüpxtawa: Nayax luqtirixaruw khithanï, jupax ‘Machaq Külli’ satawa.

Zacarías 6:11

Apthapkäta uka qullqimpita, qurimpitsti pillunak luram, ukatsti Josué jilïr sacerdoten p'iqipxarux mä pillu ucham, Josadacan yuqaparu.

Números 28:2

“Israelitanakar parlam, jupanakar sarakim: wakisit uruyañanakan, jan armt'asis nayar luqtapxitpan, t'ant'ampi, nakt'ayat waxt'anakampi, nayatak suma q'apkir waxt'a luqtanaka.

Lucas 3:27

Joiadasti Johanán yuqapänwa, Johanasti Resan yuqapänwa, Resasti Zorobabelan yuqapänwa, Zorobabelasti Salatielan yuqapänwa, Salatielasti Nerin yuqapänwa,

Jueces 6:24

Gedeonasti ukawjan Tatitur jach'añchasaw mä altar sayt'ayäna, ukarusti “Tatituw samarañaxa” sasaw sutichäna. Uka altarasti Ofrá markankaskiwa, Abiézer wila masi taman markapana.