Éxodo 14:4 - Qullan Arunaca Ucampis nayajja, faraonarojj chuymapwa kalarayäjja khoruchasiñapataqui, ucatsti arctanipjjätamwa; ucat ch'amajjwa uñacht'ayäjja juparu, uqhamarac take ejercitoparusa. Uqhamatwa egipcionacajj yatipjjani nayajj Tatitütajja.” Ucatsti israelitanacajj uqhamawa lurapjjäna. Aymar Bibliia 1986 Ucampis nayajja, faraonarojj chuymapwa kalarayäjja khoruchasiñapataqui, ucatsti arctanipjjätamwa; ucat ch'amajjwa uñacht'ayäjja juparu, uqhamarac take ejercitoparusa. Uqhamatwa egipcionacajj yatipjjani nayajj Tatitütajja.” Ucatsti israelitanacajj uqhamawa lurapjjäna. Qullan Arunaka DC Ukampis nayaw faraonarux chuymap qalarayä, ukat jumanakar arktanipxätam; nayasti jupampiru, taqpach ejercitopampiruw ch'amax uñacht'ayä. Ukhamat egipcionakax yatipxani nayan Tatitütaxa” sasa. Israelitanakasti kunjämtix Tatitux siskatayna ukham lurapxäna. |
Jumasti wali muspharcaya jach'a luräwinacwa Faraonataquejj lurtajja, uqhamarac sirvirinacapataquisa, marcapanquiri take jakenacapataquisa, jumajj amuyastawa cunja jach'a jach'a tucuñampisa israelita jakenacarojj apnakapjjäna uca laycu. Uqhamatwa jach'ar aytatätajja cunjämatejj jichhürunjama.
Uqhamaraqui jumajja wawanacamaru, allchhinacamaru cuntejj nayajj Egipton lurcta, uqhamarac cuna jach'a muspharcañ unanchanactejj egipcionac taypin lurcta ucanaca yatiyañamataqui. Uqhamata jumanacajj yatipjjañamataqui nayajj Tatitütajja.
Ucampis Tatitojj faraonarojj chuymapwa kalarayäna jan israelitanacar antutaña munañapataqui.
Ucatsti sarasinjja cuntejj Tatitojj Moisesampiru, Aaronampiru siscäna uqhamarjamaw lurapjjäna.
Ucampis faraonajj carronacapampi, caballjjata soldadonacapampejja israelitanacarojj arctapjjänwa chica kotcama mantasa.
Uqhamarac carronacapan ruedanacapsa k'ewiraraquïnwa, ucatsti wali c'achaquiw sarapjjäna. Uqham uñjasinsti egipcionacajj sapjjänwa: —Jaltjjañäni, israelitanacatjja, Tatituw jupanac lantejja jiwas contra nuwasini —sasa.
Ucampis faraonajj aqham saniwa: ‘Israelitanacajj janiw cawcsarus sarapcaspati, wasaranjj chhakhataw sarnakasipqui’ sasa.
Faraonarusti yatiyapjjänwa israelitanacan sarjjapjjatapjja. Ucatsti faraonampi, yanapirinacapampejj israelitanacat parlaquipasinjja sapjjaraquïnwa: “¿Cunsa lurtan israelitanacar sarjjer antutasinjja, uqhamat jan jiwasar sirviñapataquejja?” sasa.
Tatitusti Egiptonquir rey faraonarojj chuymapwa kalarayäna, uqhamata israelitanacar arctañapataqui. Ucampis israelitanacajj mistuwayapjjänwa wali ch'amani.
Uqhamarac jupanacan jach'a jach'a tucuñampi apnakatäñatsa, jichhasti nayajj yatjjtwa Tatitun wali ch'amanïtapa take diosanacat sipansa.
Jumanacarusti nayan marcajjwa tucuyapjjäma, ucatsti nayawa jumanacan Diosamäyäjja. Uqhamatwa jumanacajj yatipjjäta nayajj jumanacan Tatitu Diosamätajja, uqhamat nayajj egipcionacan wali ch'ama lurañanacampi t'akhesiyapctam ucanacata khespiyätajja.
Uca laycusti Tatitojj siwa: ‘Jichhawa yatïtajja nayan cheka Tatitu Diosätajja. Cunapachatejj nayajj aca thujrojjampi jawirancqui uca umaru jisctä ucqhajja umanacajj wilaruw tucuni.
Ucampis nayawa faraonarojj chuymap kalarayäjja jan munañapataqui, uqhamarac Egiptonjja nayaraquiwa walja muspharcañ uñacht'äwi milagronacjja luraraquëjja.
Cunapachatejj Egiptjjaru ch'amajj uñacht'ayasa Israel marcajjaru uca marcat apsuncäjja, ucqhawa egipcionacajj yatipjjani nayana cheka Tatitu Diosätajja —sasa.
Ucampis nayajj ch'amajja uñjañamataquiw jacaysma, uqhamata nayan sutejjajja take orakena uñt'atäñapataqui.
Ucampisa sutejjan jach'añchäwip laycuw luraracta, uqhamat yakha marcanac nayrakatan jan mayjt'ascañataqui, cawquïri marcanac taypintejj jupanacajj jacapcän uca marcanac nayrakatana, uca marcanac nayräjjanracwa jupanacaru uñstäyätjja, uqhamaraqui Egiptot apsjjañataquis arsuraquïyätjja.
Aqham saraquim: “Aqham siw Tatitojja: Nayajj juman uñisirimaw tucuracta, Sidón; juma taypinwa jach'aru aptatäyäjja. Cunapachatejj nayajj juma toke arscä, k'oma cancañajjsa uñacht'aycaraquï, ucapachaw yatisini nayan Tatitütajja.
Cunapachatejj nayajj Egiptoru mä wasararu tucuycä, uqhamaraqui uca marcapsa ch'usa antutcaraquï, ucapachaw jupanacajj nayan Tatitütajja yatipjjani.’
Ucatsti Israel marcajjaruw nuwantaraquïta. Gog, jumasti uca marcarojj mä ch'iyara kenayäcasmasa uqhamaw chhaktayaraquïta. Uca khepa urunacansti nayajj marcajj contraw jumarojj irpanïma, uqhamata juma toke, yakha marcanacajj yatipjjañapataqui, nayarusa uñt'apjjañapataquiraqui, cunapachatejj nayajj jupanacaru k'oma cancañajj uñacht'aycä ucapacha’ sasa.
Uqhamwa yakha marcanacarojj uñacht'ayaraquëjja nayan jach'a kollan cancañajjsa. Nayaw jupanacampi uñt'ayasiraquëjja, jupanacasti nayan Tatitütajja yatipjjaraquini.
Take jakenacaraquiw jupanacaru imasajj wali luräwinacani, uñjasipjjani, jupanacataquisti ucajj mä jach'a jach'añchäwiraquïniwa. Uca ururaquiw nayajj jach'a c'ajquir cancañajj uñacht'ayaraquï. Naya Tatituw ucjja arsta.
Ucatsti Moisesajj Aaronarojj saraquïnwa: —Tatitojj acpï sañ munänjja cunapachatejj siscäna: ‘Qhitinacatejj nayaru jac'achasipjjetani ucanacarusti k'oma cancañajjwa uñacht'ayäjja, take israelitanacarusti c'ajquir khanajjwa uñacht'ayaraquëjja’ —sasa. Aaronasti uca arunaca ist'asajj janiw cunsa siscjjänti.
Cunjämatejj Kellkatanjj sisqui uqhama: “Diosajj ajayu tokenjja jan amuyquirwa luri, nayranacapsa jan uñjquiri, jinchunacapas jan ist'quiri, jichhacamas uqhamaquïsquiwa.”
Kellkatarjamajj Diosajj Egipton reyiparojj sänwa: “Reyit utt'aysma nayan munañanïtajja juman uñacht'ayasiñapataqui, ucatsti take acapachanquirirojj sutejjajj yatiyatäñapataqui” sasa.
Uqhamasti Diosajj qhuyapt'ayasiwa qhitirutejj munquis ucaruqui, uca quipcaraquiw chuyma kalarayi qhitinacarutejj chuymaps kalarayañ munqui ucanacarojja.
Dios quipcaraquiw uca jakenacarojj chuymanacap kalarayäna jupanacan wali ch'amampi israelitanacampi nuwasiñapataqui, ucata israelitanacan mayaqui t'unjatäñapataqui jan qhuyapayasisa cunjämtï Diosajj Moisesaru sawaycänjja uqhama.
Nayasti jutayäwa Sísara sat Jabín reyin ejercitopan jilïriparu Cisón sat jawir thiyaru, ucanwa jumarojj carronacapampi, soldadonacapampi nuwantätam nuwasiñataqui. Ucampis nayawa juparojj juman amparamaru catuyäma’ —sasa.