Josué 11:20 - Qullan Arunaca

²⁰ Dios quipcaraquiw uca jakenacarojj chuymanacap kalarayäna jupanacan wali ch'amampi israelitanacampi nuwasiñapataqui, ucata israelitanacan mayaqui t'unjatäñapataqui jan qhuyapayasisa cunjämtï Diosajj Moisesaru sawaycänjja uqhama.

Aymar Bibliia 1986

²⁰ Dios quipcaraquiw uca jakenacarojj chuymanacap kalarayäna jupanacan wali ch'amampi israelitanacampi nuwasiñapataqui, ucata israelitanacan mayaqui t'unjatäñapataqui jan qhuyapayasisa cunjämtï Diosajj Moisesaru sawaycänjja uqhama.

Qullan Arunaka DC

²⁰ Tatituw uka uñisirinakarux chuymanakap qalarayäna israelitanakar saykatañapataki, ukhamat israelitanakan jan khuyapt'ayasis q'al tukjañapataki, kunjämtix Tatitux Moisesar siskatayna ukhamarjama.

Josué 11:20 Jak'a apnaqawi uñst'ayäwi

2 Samuel 17:14

Absalonampi take israelitanacampisti, Husai chachan arunacaparojj: “Waliquiw” sapjjaraquïnwa, Ahitofel jaken amtäwipatsa juc'ampi sumaraquïnwa. (Tatitusti Ahitofel jaken amtäwinacapjja t'unjaraquitaynawa uqhamat Absalonarojj jan walt'añaru uscuñataqui.)

1 Reyes 12:15

Reyisti janiw ist'cänti marcarojja, Tatituw uqham lurasiñapa wact'ayäna uca laycu, phokhasiñapataqui cuntejj Tatitojj Nabat ucan Jeroboam yokaparu arscäna, Ahías profeta toke Silo chekana ucaru.

2 Crónicas 22:7

Diosaw waquichäna Ocoziasajj Joram reyin ucar uñjt'ir sarcas jiwañapataqui. Uca horasa purisinjja Joramampi mistusinwa Nimsi chachan Jehú uca yokapampi jiquisir sarapjjäna. Ucampis Diosajj Jehú chacharuw ajllisïna Acab chachan familiaparu tucjañapataqui.

2 Crónicas 25:16

Cunapachatï profetajj parlcäna ucqhajja, reyejj aqham sasaw juparojj cutt'ayaraquïna: —¿Nanacasti jumarojj reyin amuyt'ayiripatti utt'ayasipjjsma? Janiqui ucanac parlcamti. Jan ucajj ¿jiwayayasicha muntajja? —sasa. Profetasti ucjjarojj janiw juc'amp parlcjjänti, ucampis aqham sasaw säna: —Nayajj yattwa, Diosajj jumar tucjawa amti aqham luratamata, uqhamarac ewjja arunacajjaru jan ist'atamatsa —sasa.

Éxodo 10:1

Tatitusti Moisesarojj sänwa: —Faraonan ucaru saram, nayasti faraonampiru, sirvirinacapampirusti chuymanacapjja kalarayäwa uqhamata jan munañapataqui, ucat jupanac taypina jach'a muspharcañ unanchanacajja uñacht'ayañataqui.

Éxodo 11:10

Ucat Moisesampi, Aaronampejj take uca muspharcañanacwa lurapjjäna faraonan nayrakatapanjja. Ucampis Tatitojj faraonarojj chuymapwa kalarayäna, ucatsti israelitanacarojj janiw antutañ muncänti Egiptota sarjjapjjañapataquejja.

Éxodo 14:17

Ucampis nayajja, egipcionacarojja chuymapwa kalarayäjja colerasisa jumanacaru arctanipjjañapataqui, ucatsti nayajj ch'amajjwa uñacht'ayäjja faraonaru, soldadonacaparu, carronacaparu, uqhamarac caballonacaparusa.

Éxodo 14:4

Ucampis nayajja, faraonarojj chuymapwa kalarayäjja khoruchasiñapataqui, ucatsti arctanipjjätamwa; ucat ch'amajjwa uñacht'ayäjja juparu, uqhamarac take ejercitoparusa. Uqhamatwa egipcionacajj yatipjjani nayajj Tatitütajja.” Ucatsti israelitanacajj uqhamawa lurapjjäna.

Éxodo 14:8

Tatitusti Egiptonquir rey faraonarojj chuymapwa kalarayäna, uqhamata israelitanacar arctañapataqui. Ucampis israelitanacajj mistuwayapjjänwa wali ch'amani.

Éxodo 4:21

Tatitusti, Moisesarojj sascaquïnwa: —Cunapachatejj Egiptor purïta ucqhajja faraonan nayrakatapanjja wali amuyumpipuniwa cawquïr ch'amtejj churcsma muspharcañ unanchanaca lurañamataqui ucanacjja luräta. Ucampis nayajja faraonan chuymapjja kalarayäwa, uqhamat israelitanacarojj jan antutañapataqui.

Éxodo 9:12

Ucampis Diosajja, faraonarojj chuymapwa mayjt'ayäna, kalarayaraquïnwa uqhamat jan munañapataqui, ucatsti faraonajj janiw ist'añ muncänti cuntejj Diosajj siscäna ucjja.

Éxodo 9:16

Ucampis nayajj ch'amajja uñjañamataquiw jacaysma, uqhamata nayan sutejjajja take orakena uñt'atäñapataqui.

Isaías 14:24

Take ch'amani Tatitusti juramentompiw arsu: “Janiw khepar cuttañajj utjquiti, cuntejj amtcta ucajj phokhasipuniniwa, cunjämarutejj amtcta ucajj lurasipuniniwa.

Isaías 34:2

Tatitusti marcanacataquejja, uqhamaraqui take ejercitonacapataquisa coleratawa, jiwayañataqui, t'unjañataquiw juchañchascaraqui.

Romanos 9:18

Uqhamasti Diosajj qhuyapt'ayasiwa qhitirutejj munquis ucaruqui, uca quipcaraquiw chuyma kalarayi qhitinacarutejj chuymaps kalarayañ munqui ucanacarojja.

Deuteronomio 2:30

“Ucampis Sehón reyejj janiw orakepanjam pasañas muncänti, jumanacan Tatitu Diosamaw uca reyin chuymaparu mayjt'ayäna uca laycu, uqhamat jan munañapataqui, ucatsti amparanacamar catuyañataqui jichhürcama.

Deuteronomio 7:16

Ucatsti jumanacajj take cawquïri marcanactï Tatitu Diosajj amparanacamaru catuyapcätam ucanac t'unjapjjäta. Janirac jumanacajj jupanacat qhuyapayasipjjamti ni diosanacaparus yupaychapjjamti, uqham lurapjjasma ucqhajj aynacht'añaruw puripjjasma.

Jueces 14:4

Awquinacapajj janiw yatipcänti uqhamäñapa Diosatti jutaspa jan ucajj janicha ucjja. Ucampis jupajja thakhascänwa filisteonacampi cunjämata nuwasiñataquisa. Uca urunacajj filisteonacaw israelitanacar apnakäna uca laycu.

1 Samuel 2:25

Mä jaketejj mayni jakeru cuna jan walsa luraspa ucqhajj Tatitojj uca jaketjja arjjataspawa, ucampisa mayni jaketejj Tatituru ñankha lurcchi ucasti, ¿qhitirac jupat arjjataspa?” sasa. Ucampisa jupanacajj janiw cuntejj awquipajj siscäna ucarojj ist'apcänti, Tatitojj jupanacat jacañanacap apakjjañ amtjjatap laycu.