Éxodo 7:17 - Qullan Arunaca

¹⁷ Uca laycusti Tatitojj siwa: ‘Jichhawa yatïtajja nayan cheka Tatitu Diosätajja. Cunapachatejj nayajj aca thujrojjampi jawirancqui uca umaru jisctä ucqhajja umanacajj wilaruw tucuni.

Aymar Bibliia 1986

¹⁷ Uca laycusti Tatitojj siwa: ‘Jichhawa yatïtajja nayan cheka Tatitu Diosätajja.’ Cunapachatejj nayajj aca thujrojjampi jawirancqui uca umaru jisctä ucqhajja umanacajj wilaruw tucuni.

Qullan Arunaka DC

¹⁷ Ukat Tatitux saraki: ‘Jichhaw yatïta nayan chiqa Tatit Diosätaxa.’ Aka thujruxamp jawir umar jisktkä ukkhaxa, umax wilaruw tukuni.

Éxodo 7:17 Jak'a apnaqawi uñst'ayäwi

1 Reyes 20:28

Ucqhansti mä profetawa Israelan reyip nayrakataparu jutasina aqham säna: Aqham siwa Tatitojja: ‘Sirio jakenacajj niyajjaya nayarojj sapjjchitojja kollunacana diosätajjaqui, jan vallenacana diosätajj-jja, jichhasti amparamaruwa take aca walja jakenacjja catuyäma. Uqhamatwa jumajj yatïta nayan Tatitötajja’ ” sasa.

2 Reyes 19:19

Jichhasti, Tatitu, nanacan Diosajja, jumasti khespiyapjjetaya Senaquerib reyin ch'amapatjja, uqhamata aca orakenquir marcanacajj yatipjjañapataqui juma Tatitu Diosaqui utjatapa” sasa.

Salmos 105:29

jawir umanacap wilaruw tucuyäna, chawllanacaparusti jiwarayänwa;

Salmos 78:44

jawiranacar wilar tucuycän ucata, Egiptonquirinacajj jawiranacat jan umt'irjamäpcän ucata.

Salmos 83:18

juma sapac Diosätam yatipjjpan, aca orakjjar juma sapac Alajjpachanquirïtam yatipjjaracpan.

Salmos 9:16

Tatitojj chekapar uñjañataquiw uñachayasi: ñankha lurir jakesti pachpa luräwinacapampiw pejjtuntayasi.

Éxodo 1:22

Faraón reyejja take marcaparuw säna: “Take israelitanacan yokall wawanacapajj nasqui ucanacarojja jawirar jakontanipjjam, ucampis imilla wawanacasti jacascpan” sasa.

Éxodo 10:2

Uqhamaraqui jumajja wawanacamaru, allchhinacamaru cuntejj nayajj Egipton lurcta, uqhamarac cuna jach'a muspharcañ unanchanactejj egipcionac taypin lurcta ucanaca yatiyañamataqui. Uqhamata jumanacajj yatipjjañamataqui nayajj Tatitütajja.

Éxodo 4:9

Ucampis aca pä unanchanac uñjcasasa janitejj iyawsapcätam, ni arunacamsa ist'apcaraquïtam ucajja, jawirat uma aptanisawa oraker wartäta uca umajja oraker purisajja wilaruw tucuni.

Éxodo 5:2

Ucat faraonasti sänwa: —¿Qhitisa Tatitojja, arup ist'añajjataquejja, uqhamarac israelitanacarus sarjjapjjañapataqui antutañajjataquejja? Janiw nayajj Tatiturojj uñt'cti, uca laycusti janiw antutquiristti israelitanacaru sarjjañapataquejja.

Éxodo 6:7

Jumanacarusti nayan marcajjwa tucuyapjjäma, ucatsti nayawa jumanacan Diosamäyäjja. Uqhamatwa jumanacajj yatipjjäta nayajj jumanacan Tatitu Diosamätajja, uqhamat nayajj egipcionacan wali ch'ama lurañanacampi t'akhesiyapctam ucanacata khespiyätajja.

Éxodo 7:20

Ucatsti Moisesampi, Aaronampejj lurapjjänwa cunjämtejj Tatitojj jupanacar siscäna uqhama. Aaronasti, faraonana, uqhamarac faraonan sirvirinacapan uñjcatawa jach'a thujrupampi jawiranquir umaru jisctäna, ucatsti jawiranquir umajja wilaruw tucüna.

Éxodo 7:5

Cunapachatejj Egiptjjaru ch'amajj uñacht'ayasa Israel marcajjaru uca marcat apsuncäjja, ucqhawa egipcionacajj yatipjjani nayana cheka Tatitu Diosätajja —sasa.

Ezequiel 25:17

Jupanacarusti jan qhuyapt'ayasisaw phoksusiraquëjja; jach'a colerasiñajjampiw mutuyaraquëjja. Cunapachatejj nayajj take ucanaca lurcä, ucapachaw jupanacajj nayan Tatitütajj yatipjjani.”

Ezequiel 29:9

Mä wasarar tucutaw uñjasiraquïta, ucapachaw jakenacajj yatipjjani nayan Tatitu Diosätajja. Jumasti saractawa: ‘Nilo jawirajj nayanquiwa, nayaw uscusta,’ sasa.

Ezequiel 30:19

Nayaw Egipto marcataqui arsüwi arunacarojj phokhäjja, ucapachaw yatipjjani nayan Tatitütajja.”

Ezequiel 30:8

Cunapachatejj nayajj uca marca naqhantaycäjja, take yanapirinacaparus tucjayaraquëjja, ucapachaw yatipjjani nayan Tatitütajja.

Ezequiel 32:15

Cunapachatejj nayajj Egiptoru mä wasararu tucuycä, uqhamaraqui uca marcapsa ch'usa antutcaraquï, ucapachaw jupanacajj nayan Tatitütajja yatipjjani.’

Ezequiel 32:6

Oraksa wilamampiw ch'allsuraquëjja, ucasti kollunaccamaw puriraquini, jawiranacasa uca wilampiraquiw phokt'asipjjaraquini.

Ezequiel 38:23

Uqhamwa yakha marcanacarojj uñacht'ayaraquëjja nayan jach'a kollan cancañajjsa. Nayaw jupanacampi uñt'ayasiraquëjja, jupanacasti nayan Tatitütajja yatipjjaraquini.

Ezequiel 39:28

Nayaw jupanacaru yakha marcanac tokeru preso apayaractjja, nayaraquiw jichhajj wasitat jupanacarojj tantacht'jjaraquï pachpa orakeparojja. Janiw maynis jichhajj yakha marcaru apanucuta uñjascjjaraquiniti. Ucapachaw jupanacajj yatipjjani, nayajj jupanacan Tatitu Diosapätajja.

Daniel (hebreo) 4:17

Uca juchañchäwi arunacwa arsuwayapjje kollana uñjiri angelanacajja, uqhamat take jakenacajj yatipjjañapataqui, alajjpachanquiri Diosajj ch'amanïtapa, take jakenacana apnakañanacapjjarojja, jupaw marca apnakañanacsa churaraqui qhitirutejj churañ munqui ucaru, ucatsti mä marcan jilïripatwa utt'ayaraqui, qhititejj take jakenacat sipansa llamp'u chuymanïqui ucarojja.’

Daniel (hebreo) 4:32

jakenacatjja yakhachatäjjätawa, animalanacampiw jacjjäta, vacjamaraquiw koranac mank'äta pakallko mara phukhasiñapcama, alajjpacha Diosajj jach'a ch'amanïtapa, munañanïtapa take aca orakenquiri marcanacjjaru, uqhamaraqui jupajj apnakerinac utt'ayatapa qhitirutï munqui uc yatiñamcama” sasa.

Daniel (hebreo) 4:37

“Jichhajj naya Nabucodonosor reyejj alajjpachanquiri reyirojj yupaycharactwa, jach'acharactwa, wakaycharactwa, cuntejj jupajj lurqui ucanacasti chekapapuniwa, uqhamaraqui qhititejj jach'a jach'a tucqui ucarusti jisc'achjaraquispawa.”

Daniel (hebreo) 5:21

Jakenacatsa yakhachatäjjaraquïnwa, mä animalaruw tucuraquïna; monte asnonacampi chicaw jacaraquïnjja, vacanacjamaw kora mank'araquïnjja, sullaraquiw janchiparus ch'aranjänjja, alajjpach Diosajj take jakenacjjarusa munañanïtapa, juparaqui apnakerinacsa qhitirutejj munqui ucarus utt'ayaraqui uc yatiñapcama.

Daniel (hebreo) 5:23

Jan ucasti alajjpachanquiri Tatitutjja larustawa, uca copanaca, jarronaca, cunatejj templot apanitäcäna, ucanac apayanisajja, jawsayata jakenacamampi chicaraquiw uca copanacata, jarronacatsa vino umtajja; uqhamarusa korita, kollketa, bronceta, hierrota, lawata, kalata lurat diosanacamaruw yupaychapjjaractajja; uca diosanacasti janiw uñjapquiti, janiw ist'apcaraquisa, janiw cunsa yatipcaraquiti. Ucampisa janiw Diosarojj yupaychctati, uca Diosan amparapancaraquiw jacañamajja, take cuntejj lurcta ucasa jupatwa jutaraqui.

Apocalipsis 11:6

Aca testigonacajj munañanïpjjewa alajjpacha jist'antañataquisa, uqhamata jupanacajj Diosjjat parlapcanis uca urunacajj jan jallojj puriñapataqui. Munañanïpjjaraquiw umsa wilar tucuyañataqui, uqhamarac acapachar cunayman mutuyañanacampi t'akhesiyañataquisa, kawkha cutitï jupanacajj munapcani ucqha cuti.

Apocalipsis 8:8

Ucjjarusti payïri angelaraquiw trompetapjja phust'äna, ucatsti jach'a kotarojj mä nina nacquir kolluw liwintataraquïna, jach'a kotatsti quimsïri partewa wilar tucjjäna.