Éxodo 7:16 - Qullan Arunaca

¹⁶ Ucansti aqham sätawa: ‘Hebreonacan Tatitu Diosapawa nayaru qhithanitu jumaru aca yatiyañataqui: ‘Antutjjam marcajjaru sarjjañapataqui jupanacasti wasaranwa nayaru yupaychapjjetani. Ucampis jumajja jichhacamajj janiw ist'añ munctati.

Aymar Bibliia 1986

¹⁶ Ucansti aqham sätawa: “Hebreonacan Tatitu Diosapawa nayaru qhithanitu jumaru aca yatiyañataqui: ‘Antutjjam marcajjaru sarjjañapataqui jupanacasti wasaranwa nayaru yupaychapjjetani.’ Ucampis jumajja jichhacamajj janiw ist'añ munctati.

Qullan Arunaka DC

¹⁶ Ukansti akham jupar säta: “Hebreonakan Tatit Diosapaw nayar khithanitu jumar akham yatiyiri: ‘Markaxan sarxañapatak antutxam, jupanakan nayar wasaran yupaychapxañapataki.’ Ukampis jumax janiw jichhakam ist'asiñ munktati.

Éxodo 7:16 Jak'a apnaqawi uñst'ayäwi

Éxodo 10:3

Ucatsti Moisesampi, Aaronampejj faraonan ucar sarasinjja sapjjänwa: —Hebreonacan Tatitu Diosapasti aqham siwa: ‘¿Cunapachcamasa nayataqui jan llamp'u chuyman tucjjäta? Antutjjam marcajjaru nayar yupaychiri sarjjapjjañapataqui.

Éxodo 13:15

Faraonajja chuymapa kalarayascäna jan jiwasar antutaña munatapatsti Tatitojj egipcionacana jilïr tayna wawanacapwa jiwarayäna, uqhamarac uywanacapan nayrïr kallunacapsa. Ucatwa jiwasanacajj animalanacasana nayrïr orko kallunacapjja Tatiturojj loktjjtan, uqhamarac jilïr tayna wawanacas spiyañataquejja mä ofrenda loktaractanjja.

Éxodo 14:5

Faraonarusti yatiyapjjänwa israelitanacan sarjjapjjatapjja. Ucatsti faraonampi, yanapirinacapampejj israelitanacat parlaquipasinjja sapjjaraquïnwa: “¿Cunsa lurtan israelitanacar sarjjer antutasinjja, uqhamat jan jiwasar sirviñapataquejja?” sasa.

Éxodo 3:12

Ucampis Diosajj saraquïnwa: —Saram, nayawa jumampiscäjja, acäniwa mä unanchajja naya pachpa jumaru qhithatajjata; marcajjaru Egiptota apsunisasti jutapjjätawa aca kolluru, ucanwa jumanacajj nayaru yupaychapjjetäta —sasa.

Éxodo 3:13

Moisesasti Diosarojj saraquïnwa: —Nayatejj sarasina israelitanacarojj säjja: ‘Nayra awquinacaman Diosapaw nayarojj qhithanitu’ sasa. Ucatsti jupanacajj nayaru jisct'apjjetaspa: ‘¿Cunas sutipajja?’ sasa; ucqhasti nayajj, ¿cun säsa jupanacarojja? —sasa.

Éxodo 3:18

Israelitanacan jilïrinacapasti arunacam ist'asinjja jaysapjjätamwa. Ucatsti jumajja jupanacampiw saräta Egiptonquir reyin ucaru, sätawa: ‘Hebreonacan Tatitu Diosapawa nanacar jicjjatapjjetu. Jichhasti antutjjapjjita wasararu sarjjañanacajjataqui quimsür sararu, ucana nanacan Tatitu Diosajjaru sacrificionac loktapjjañanacajjataqui.’

Éxodo 4:22

Ucampis faraonarojj sascaquïtawa: ‘Tatitojj aqham siwa: Israelajja nayan jilïri wawajjawa.

Éxodo 4:23

Nayajja niyaw sisma; wawajjaru qhitjjam, nayaru sirviri sarjjañapataqui, sasa. Ucampis jumajj janiw antutañ munctati uca laycusti nayajja jilïri wawamaruw jiwayäjja’ —sasa.

Éxodo 7:4

Faraonasti jumanacarojj janiw ist'añ munapcätamti, ucampis nayawa Egiptjjarojj ch'amajj uñacht'ayäjja, ucatsti jach'a muspharcañ cheka luräwinaca uñacht'ayasaraqui, nayaw Israel ejército marcajjaru Egiptot apsuniraquëjja.

Éxodo 8:1

Tatitusti Moisesarojj sänwa: —Faraonan ucar sarasinsti sätawa: ‘Tatitojj aqham siwa: Antutjjam marcajjaru nayar yupaychir sarjjapjjañapataqui.

Éxodo 8:20

Tatitusti Moisesarojj sänwa: —Faraonasti arumanthejja jawiraruw sarani, ucampis jumajja wali alwata sartasinjja saram aqham siri: ‘Tatitojj siwa: Antutjjam marcajjaru nayar yupaychiri sarjjapjjañapataqui.

Éxodo 9:1

Ucatsti Tatitojj Moisesarojj saraquïnwa: —Faraonan ucaru sarasinsti sanim: ‘Hebreonacan Tatitu Diosapajja aqham siwa: ‘Marcajjaru antutjjam nayaru yupaychiri sarjjapjjañapataqui.

Éxodo 9:13

Tatitusti Moisesarojj sascaquïnwa: —Arumanthisti alwata sartam, ucatsti faraonan ucar saram aqham sasa: ‘Hebreonacan Tatitu Diosapajja aqham siwa: ‘Antutjjam marcajjaru nayar yupaychiri sarjjapjjañapataqui.

Isaías 45:13

Nayaw Cirorojj uchta atipjañapataqui, take sarnakäwinacapsti sumracwa tucuyä; jupaw marcajj-jja wasitat sayt'ayjje, jaya marcar apayatanacajjarusti khespiyat sarnakasiñ churjjani, jupanacatsti janiraquiw cuna pagsa maycaniti.” Take ch'amani Tatituw uqhamjja arsu.

Jeremías 50:33

Take ch'amani Tatitojj siwa: “Israel marcampi, Judá marcampejja t'akhesiyataw t'akhesisipqui. Uñisirinacapasti jupanacarojj preso catjjäsipjjaraqui janiraquiw antutañ munapquiti.