Éxodo 10:2 - Qullan Arunaca

² Uqhamaraqui jumajja wawanacamaru, allchhinacamaru cuntejj nayajj Egipton lurcta, uqhamarac cuna jach'a muspharcañ unanchanactejj egipcionac taypin lurcta ucanaca yatiyañamataqui. Uqhamata jumanacajj yatipjjañamataqui nayajj Tatitütajja.

Aymar Bibliia 1986

² Uqhamaraqui jumajja wawanacamaru, allchhinacamaru cuntejj nayajj Egipton lurcta, uqhamarac cuna jach'a muspharcañ unanchanactejj egipcionac taypin lurcta ucanaca yatiyañamataqui. Uqhamata jumanacajj yatipjjañamataqui nayajj Tatitütajja.

Qullan Arunaka DC

² ukhamarak jumax wawanakamaru, allchhinakamar kuna muspharkañanaktix nayax egipcionak taypin lurkta, kunjämtix jupanakat laruskta ukanaksa jupanakar yatiyañamataki. Ukhamat jumanakax yatipxäta nayan Tatitütaxa.

Éxodo 10:2 Jak'a apnaqawi uñst'ayäwi

2 Samuel 7:22

Uca laycu, nayan Tatitojja, ¡cunja jach'ätas jumajja! Janiraquiw qhitis jumjamajj utjquiti, ni yakha diosas utjcaraquiti jumat sipanjja, cunjämtejj nanacajj take cuna ist'apjjta uqhamarjamajja.

Salmos 44:1

Diosay, jinchunacajjampiw ist'apjjta, awquinacajjaw yatiyapjjetu: urunacapan luräwinacamata, nayra pachanacan luratanacamata.

Salmos 44:2

Diosar jan uñt'irinacarojj amparamampiw jakonuctajja, marcanacaruw mutuytajja, nayra awquinacajjar utt'ayañataqui.

Salmos 58:11

Ucapachaw aqham sapjjani: “Asqui jakejj waliruquis purisquejjä, Diosajj chekapar uñjirïscapunisä” sasa.

Salmos 71:18

Diosajjay, ch'ama karit pachan uñjascasasa, jank'o ñic'utan pachanccasasa, janiquiy jaytanuct'asistati, jutir mita jakenacar ch'amamat yatiyañajjaw wact'asquitu.

Salmos 78:3

Cuntejj nanacajj ist'apcta, yatekapcta, cuntejj awquinacajj yatiyapquitu ucanacjja,

Éxodo 13:14

Ucampisa khepärmanthitejj wawanacamajj jisct'apjjätam: ‘¿Cunatsa aqham lurapjjta?’ sasa, ucqhajja sapjjätawa: ‘Tatituw ch'amapampi Egipto marcana t'akhesis jacañatjja apsunipjjetu.

Éxodo 14:18

Cunapachatejj ch'amajja uñacht'aycäjja faraonaru carronacapjjaru, caballonacapjjaru ucqhawa egipcionacajja yatipjjani nayajj Tatitötajja —sasa.

Éxodo 14:4

Ucampis nayajja, faraonarojj chuymapwa kalarayäjja khoruchasiñapataqui, ucatsti arctanipjjätamwa; ucat ch'amajjwa uñacht'ayäjja juparu, uqhamarac take ejercitoparusa. Uqhamatwa egipcionacajj yatipjjani nayajj Tatitütajja.” Ucatsti israelitanacajj uqhamawa lurapjjäna.

Éxodo 7:17

Uca laycusti Tatitojj siwa: ‘Jichhawa yatïtajja nayan cheka Tatitu Diosätajja. Cunapachatejj nayajj aca thujrojjampi jawirancqui uca umaru jisctä ucqhajja umanacajj wilaruw tucuni.

Éxodo 7:5

Cunapachatejj Egiptjjaru ch'amajj uñacht'ayasa Israel marcajjaru uca marcat apsuncäjja, ucqhawa egipcionacajj yatipjjani nayana cheka Tatitu Diosätajja —sasa.

Éxodo 8:6

Aaronajj amparapwa loktäna Egiptonquir umanacjjaru, ucatsti c'ayranacajja umanacat mistsunisajja Egipto marcpacharuw phokhantäna.

Isaías 38:19

Jaquirinacaquiw yupaychapjjeristamjja, cunjämtejj nayajj jichhüru jumaru yupaychsma uqhama. Awquinacajj wawanacaparojj juman chekapätam parlapjje.

Ezequiel 20:26

Jupanacarusti yakha diosanacapampi k'añuchasipjjañanacapataquiw apanucuracta, jilïri yokall wawanacapsa uca yakha diosanacar sacrificiot loktapjjañanacapataquiw apanucuracta. Jupanacan ajjsartapjjañanacapataquiw luraracta, ucat nayan Tatitütajja yatipjjañapataqui.’

Ezequiel 20:28

Cunapachatejj nayajj jupanacarojj cuna oraktejj churapjjämaw sasa arscäyäta uca orakeru puriyanjjta ucapachasti, jupanacajj mä jisc'a kollu patansa jan ucajj mä walja laphinacani kokanac c'uchunacansa, sacrificionaca, ofrendanaca churapjjaraquïna, uca luratanacapasti nayarojj walwa colerayaraquitu, suma k'apquiri kollanacapwa uscupjjaraquïna, vino ofrendanacapwa wartapjjaraquïna.

Joel 1:3

Wawanacamar jichhajj acanacjja yatiyapjjam, wawanacamas uqhamarac wawanacaparojj yatiyapjjpan, jupanacasti wawanacaparuraqui.

Efesios 6:4

Uqhamarac awquinaca, jumanacajj wawanacamarojj jan colerayapjjamti, jan ucasti chekapar yatichasina sum uywapjjam, Tatitur iyawsapjjañapataqui.

Deuteronomio 4:9

Jichhasti sum imapjjam, janirac armasipjjamti take cuntï uñjapcta ucanacjja ni chuymanacamatsa mistpanti, ucat sipansa yatichapjjam wawanacamansa wawanacaparu.