Éxodo 7:3 - Qullan Arunaca

³ Ucampis nayawa faraonarojj chuymap kalarayäjja jan munañapataqui, uqhamarac Egiptonjja nayaraquiwa walja muspharcañ uñacht'äwi milagronacjja luraraquëjja.

Aymar Bibliia 1986

³ Ucampis nayawa faraonarojj chuymap kalarayäjja jan munañapataqui, uqhamarac Egiptonjja nayaraquiwa walja muspharcañ uñacht'äwi milagronacjja luraraquëjja.

Qullan Arunaka DC

³ Ukampis nayaw faraonarux chuymap qalarayä jan munañapataki, walja muspharkañ uñacht'äwinak Egipton lurarakï.

Éxodo 7:3 Jak'a apnaqawi uñst'ayäwi

Nehemías 9:10

Jumasti wali muspharcaya jach'a luräwinacwa Faraonataquejj lurtajja, uqhamarac sirvirinacapataquisa, marcapanquiri take jakenacapataquisa, jumajj amuyastawa cunja jach'a jach'a tucuñampisa israelita jakenacarojj apnakapjjäna uca laycu. Uqhamatwa jach'ar aytatätajja cunjämatejj jichhürunjama.

Salmos 135:9

Muspharcañ uñacht'äwinac Egipto marcar apayanïna, faraón chachar uñacht'ayañataqui, jilïr jakenacapar uñacht'ayañataqui.

Salmos 78:12

Diosajj Egiptonquir Zoán orakenjja, awquinacapan uñjcañaw muspharcañanac luräna,

Éxodo 11:10

Ucat Moisesampi, Aaronampejj take uca muspharcañanacwa lurapjjäna faraonan nayrakatapanjja. Ucampis Tatitojj faraonarojj chuymapwa kalarayäna, ucatsti israelitanacarojj janiw antutañ muncänti Egiptota sarjjapjjañapataquejja.

Éxodo 11:9

Ucatsti Tatitojj Moisesarojj sascaquïnwa: —Faraonasti janiw jumanacarojj ist'apcätamti, uqhamata nayan jach'a muspharcañ luräwinacajjajj Egipto marcan uñacht'ayatäñapataqui —sasa.

Éxodo 14:4

Ucampis nayajja, faraonarojj chuymapwa kalarayäjja khoruchasiñapataqui, ucatsti arctanipjjätamwa; ucat ch'amajjwa uñacht'ayäjja juparu, uqhamarac take ejercitoparusa. Uqhamatwa egipcionacajj yatipjjani nayajj Tatitütajja.” Ucatsti israelitanacajj uqhamawa lurapjjäna.

Éxodo 3:20

Uca laycusti, nayajj ch'amajja uñacht'ayasawa Egipto marcarojj azot'ëjja cunayman jach'a muspharcañanacwa jupampi luräjja, ucatwa antutapjjätam sarjjapjjañanacamataqui.

Éxodo 4:21

Tatitusti, Moisesarojj sascaquïnwa: —Cunapachatejj Egiptor purïta ucqhajja faraonan nayrakatapanjja wali amuyumpipuniwa cawquïr ch'amtejj churcsma muspharcañ unanchanaca lurañamataqui ucanacjja luräta. Ucampis nayajja faraonan chuymapjja kalarayäwa, uqhamat israelitanacarojj jan antutañapataqui.

Éxodo 4:29

Moisesampi, Aaronampejj Egiptor purisinjja israelitanacan jilïrinacaparuw tantachthapipjjäna.

Éxodo 4:7

Ucat Diosajj saraquïnwa: —Wasitampi amparama pechomar lokantam —sasa. Moisesasti iyaw sasaw wasitampi amparap pechopar lokantasïna, ucatsti aysusinjja mayni janchinacapjama c'umaracwa uñjjatasjjäna.

Éxodo 7:13

Ucampis faraonajj chuymapjja wali kalarayasïna, janiraquiw ist'añ muncänti cuntejj Tatitojj siscäna uca arunacjja.

Éxodo 9:16

Ucampis nayajj ch'amajja uñjañamataquiw jacaysma, uqhamata nayan sutejjajja take orakena uñt'atäñapataqui.

Proverbios 21:1

Reyin amtatanacapajj Tatitun amparapanquiwa; Tatituraquiwa sarayasqui, cunjämatï jawiranacajj sarasqui uqhama.

Isaías 51:9

Sartasimay, sartasimay, Tatitun amparapa, ch'amañcht'asimay, sartasimay cunjämtejj nayrapachanacanjja sartasirïcta uqhama. Jumaw uca ajjsarcañ jach'a Rahab sat dragonarojj jisc'a jisc'a tucjtajja,

Miqueas 7:15

Egiptot apsuncta uca urojj cuna muspharcañanactejj uñacht'aycta uca pachpa muspharcañanacay uñacht'ayaraquim.

Juan 4:48

Jesusasti sänwa: —Janitejj milagronacsa ni unañchanacsa uñjapcasma ucajja janiw iyawsapcasmati —sasa.

Hechos 2:22

“Ist'apjjam Israelanquir chachanaca, cuntejj sapcäma uca: Diosajj jumanac taypinjja Nazaretanquir Jesusampejj cunayman muspharcaña uñacht'äwinacwa luri. Uca tokeraquiw Jesusajj Diosan asquit uñt'atäna. Uca luratanacsti jumanacajj sumwa yatipjjta.

Hechos 7:36

Uca Moisesapï jiwasanacan awquinacasarojj Egipto marcatjja apsunïnjja, milagronacampi uñacht'äwinacamp uca oraken lurasa, uqhamarac Mar Rojo sat kotansa. Wasaransti pusi tunc mararaquiw milagronacampi uñacht'äwinacamps luraraquïna.

Romanos 15:19

Cunaymani milagronacampi jach'a luräwinacampiw Kollan Ajayun ch'amap toke nayajj Diosan arupa parlañjja phokta, Cristonaqui khespiyasiñajj utjatap yatiyasina, Jerusalenat kalltasina Iliria ucqhacama.

Romanos 9:18

Uqhamasti Diosajj qhuyapt'ayasiwa qhitirutejj munquis ucaruqui, uca quipcaraquiw chuyma kalarayi qhitinacarutejj chuymaps kalarayañ munqui ucanacarojja.

Deuteronomio 4:34

¿Utjaracpachati mä diosasa marcaparu ajlliri yakha marcanac taypita, wali yant'anacampi, unanchanacampi, milagronacampi, guerranacampi, ucatsti wali ch'aman amparampi catuntasaraqui, uqhamaraqui wali ajjsarcaña luräwinac lurasaraqui, cunjämatï Tatitu Diosajj jumanacataqui lurqui Egipto marcan uqhama?

Deuteronomio 7:19

Amuyt'asjjapjjaraquim cawquïri jach'a yant'anactï jumanacpacha uñjapcta ucanacata, uqhamaraqui uca unanchanacata, jach'a milagronacata, ucatsti cunja jach'a ch'amampisa Tatitu Diosajj Egipto marcat irpsunipjjtam ucanacata. Uca quipcaraquiwa Tatitu Diosajj lurani cawquïri marcanacarutï jumanacajj ajjsarapcta ucanacarojja.