Éxodo 7:3 - Qullan Arunaka DC

³ Ukampis nayaw faraonarux chuymap qalarayä jan munañapataki, walja muspharkañ uñacht'äwinak Egipton lurarakï.

Aymar Bibliia 1986

³ Ucampis nayawa faraonarojj chuymap kalarayäjja jan munañapataqui, uqhamarac Egiptonjja nayaraquiwa walja muspharcañ uñacht'äwi milagronacjja luraraquëjja.

Qullan Arunaca

³ Ucampis nayawa faraonarojj chuymap kalarayäjja jan munañapataqui, uqhamarac Egiptonjja nayaraquiwa walja muspharcañ uñacht'äwi milagronacjja luraraquëjja.

Éxodo 7:3 Jak'a apnaqawi uñst'ayäwi

Nehemías 9:10

Jumax wali muspharkaya jach'a luräwinak faraonar saykatañatakix lurtaxa, ukhamarak uywatanakaparu, markapankiri taqi jaqinakapar saykatañatakisa; kunja jach'a jach'a tukuñampitix jupanakax israelita jaqinakaru apnaqapkäna ukanaksa jumax amuytawa. Ukhamat sutimax jichhürkam wali aytataxa.

Salmos 135:9

Muspharkañ uñacht'äwinak Egipto markar apayanïna, faraón chachar uñacht'ayañataki, jilïr jaqinakapar uñacht'ayañataki.

Salmos 78:12

Diosax Egiptonkir Soan uraqinxa, awkinakapan uñjkañaw muspharkañanak luräna:

Éxodo 11:10

Ukhamaw Moisesampi, Aaronampix taqi uka muspharkañanak faraonan nayraqatapan lurapxäna, ukampis Tatitux faraonan chuymap qalarayänwa, faraonasti janiw israelitanakarux Egiptot sarxapxañapatak antutañ munkänti.

Éxodo 11:9

Uka qhipatsti, Tatitux Moisesar saskakïnwa: —Faraonax janiw jumanakar ist'apkätamti, ukhamat nayan jach'a muspharkañ luräwinak Egipto markan juk'amp uñacht'ayañaxataki —sasa.

Éxodo 14:4

Ukampis nayaw faraonarux chuymap qalarayä, ukat jumanakar arktanipxätam; nayasti jupampiru, taqpach ejercitopampiruw ch'amax uñacht'ayä. Ukhamat egipcionakax yatipxani nayan Tatitütaxa” sasa. Israelitanakasti kunjämtix Tatitux siskatayna ukham lurapxäna.

Éxodo 3:20

Ch'amanïtax uñacht'ayä ukatsti kunayman jach'a muspharkañanak lurä, ukanakampiw egipcionakarux t'unjä. Ukkhakiw jumanakarux sarapxañamatak antutapxätam.

Éxodo 4:21

Tatitusti, Moisesarux sataynawa: —Egiptor purkät ukkhaxa, faraonan nayraqatapan wali amuyumpipuniw muspharkañ chimpunak lurañamatak ch'am churksma ukanak luräta. Nayasti faraonan chuymap qalarayä, ukhamat israelitanakarux jan antutkaniti.

Éxodo 4:29

Ukatsti Moisesampi, Aaronampix israelitanakan jilïrinakaparuw tantachthapipxäna.

Éxodo 4:7

Ukat Diosax sarakïna: —Wasitat amparam purakamar luqantam —sasa. Moisesasti iyaw sasaw wasitatamp amparap purakapar luqantäna, ukatsti amparap aysusinxa k'umarak uñxatasxäna.

Éxodo 7:13

Ukhamäkipansa, faraonax chuymap qalarayasïna, janiw Moisesampiru, Aaronampir ist'añ munkänti, Tatitux siskatayna ukhamarjama.

Éxodo 9:16

Ukampis nayaw juman jan jiwañam munkti, ch'amax uñjañamatakiw jakaysma, ukhamat nayan sutixan taqi uraqin uñt'atäñapataki.

Proverbios 21:1

Reyin amtatanakapax Tatitun amparapan jawirar uñtatawa; kawkharutix jupax munki ukaruw irpi.

Isaías 51:9

Israelitanakasti akham sasaw arnaqasipxäna: ¡Tatitu, sartasimaya! ¡Sartasimaya, ch'amañcht'asimaya! Kunjämtix nayrapachanakan sartasirïkta ukhama, egipcio jaqinakar tukjkta ukhama.

Miqueas 7:15

Egiptot irpsunkta uka urux kuna muspharkañanaktix Israel markar uñacht'aykta uka pachpay uñacht'ayapxita.

Juan 4:48

Jesusasti juparux sänwa: —Janitix jumanakax muspharkañanaksa, unañchanaksa uñjapkasmaxa, janiw iyawsapkasmati —sasa.

Hechos 2:22

“Israelitanaka, aka arunak sum ist'apxita: Diosax jumanak taypin Nazaretankir Jesusan munañanïtap uñacht'äwayi, jupa tuqi jach'a muspharkañ luräwinaka, unañchäwinak lurasa, uka luratanaksti jumanakax sum yatipxtaxa.

Hechos 7:36

Moisesaw nayra awkinakasarux Egipto uraqit irpsunïna, muspharkay luräwinaka, unañchäwinak uka uraqin lurasina, ukhamarak Mar Rojo qutana, wasarana, pusi tunk mara sarnaqäwina.

Romanos 15:19

jach'a ch'aman unañchäwinak tuqi, muspharkañ luräwinakap tuqi, Diosan Qullan Ajayun ch'amap tuqiraki. Ukhamat Criston suma yatiyäwi arunakap arsuñ phuqta, Jerusalenat qalltasa Iliria chiqanakkama.

Romanos 9:18

Ukhamasti Diosax khitirutix munki ukarux khuyapt'ayasiwa, khitirutix chuyma qalarayañ munki ukarusti qalarayarakiwa.

Deuteronomio 4:34

¿Utjarakpachati mä diosasa markaparu yaqha markanak taypit ajlliri, wali yant'anakampi, uñacht'äwinakampi, muspharkay luräwinakampi, nuwasiñanakampi, ukatsti wali ch'aman amparampi katuntasa, wali axsarkañ luräwinak luriri, kunjämatix Tatit Diosamax jumanakatak Egipto markan lurkäna ukhamsti?

Deuteronomio 7:19

Amuyt'asipxarakim, nayranakamamp uñjapkta uka jach'a uñacht'äwinakata, uka jach'a muspharkañ luräwinakatsa, kunja jach'a ch'amampis Tatit Diosamax Egipto markat irpsunipxtam ukanakata. Uka pachparak Tatit Diosamax lurani, axsarapkta taqi uka markanakaruxa.