Éxodo 9:16 - Qullan Arunaca

¹⁶ Ucampis nayajj ch'amajja uñjañamataquiw jacaysma, uqhamata nayan sutejjajja take orakena uñt'atäñapataqui.

Aymar Bibliia 1986

¹⁶ Ucampis nayajj ch'amajja uñjañamataquiw jacaysma, uqhamata nayan sutejjajja take orakena uñt'atäñapataqui.

Qullan Arunaka DC

¹⁶ Ukampis nayaw juman jan jiwañam munkti, ch'amax uñjañamatakiw jakaysma, ukhamat nayan sutixan taqi uraqin uñt'atäñapataki.

Éxodo 9:16 Jak'a apnaqawi uñst'ayäwi

2 Samuel 7:23

Israel marcama toketsti, ¡janiw yakha marcajj jupjamajj utjquiti, marcamasti maya sapaquiw aca orakenjja! Jumaraquiw, Dios, khespiytajja juman marcamäñapataqui, ucatsti jach'aruraquiw apttajja, jupataquisti jach'a muspharcañanacwa luraractajja. Egiptot khespiyanita marcam nayrakatatsti jumaw apanucuractajja, yakha marcanacarusa, uqhamaraqui diosanacaparusa.

2 Reyes 19:35

Uca arumpachaw Tatitun angelapajja Asirian campamentopar sarasina jiwarayäna pataca quimsakallk tunca pheskani waranka jakenaca, ucatsti khepärmanthi alwasti takeniwa jiwatcama khantatipjjäna.

1 Crónicas 16:24

Parlapjjam jach'a cancañapata, muspharcaña luratanacapata take marcanacana, jach'a marcanacan nayrakatapana,

Nehemías 9:10

Jumasti wali muspharcaya jach'a luräwinacwa Faraonataquejj lurtajja, uqhamarac sirvirinacapataquisa, marcapanquiri take jakenacapataquisa, jumajj amuyastawa cunja jach'a jach'a tucuñampisa israelita jakenacarojj apnakapjjäna uca laycu. Uqhamatwa jach'ar aytatätajja cunjämatejj jichhürunjama.

Salmos 106:8

Diosasti sutip laycuw jupanacarojj khespiyäna, kollan ch'amap uñacht'ayañataqui.

Salmos 64:9

Takeniw ucapachajj Diosar jach'añchapjjani, luräwinacapat yatiyapjjani; luratanacap amuyjjapjjaraquini.

Salmos 76:10

Jaken tipusiñapajj jumar jach'añchañaruw tucu, juc'a k'apisiñapas jumaruw jach'añchi.

Éxodo 14:17

Ucampis nayajja, egipcionacarojja chuymapwa kalarayäjja colerasisa jumanacaru arctanipjjañapataqui, ucatsti nayajj ch'amajjwa uñacht'ayäjja faraonaru, soldadonacaparu, carronacaparu, uqhamarac caballonacaparusa.

Éxodo 14:4

Ucampis nayajja, faraonarojj chuymapwa kalarayäjja khoruchasiñapataqui, ucatsti arctanipjjätamwa; ucat ch'amajjwa uñacht'ayäjja juparu, uqhamarac take ejercitoparusa. Uqhamatwa egipcionacajj yatipjjani nayajj Tatitütajja.” Ucatsti israelitanacajj uqhamawa lurapjjäna.

Éxodo 18:11

Uqhamarac jupanacan jach'a jach'a tucuñampi apnakatäñatsa, jichhasti nayajj yatjjtwa Tatitun wali ch'amanïtapa take diosanacat sipansa.

Éxodo 9:15

Nayatejj ch'amajj uñacht'ayasina mutuyirismäna jumaru, uqhamarac take jakenacamarusa, ucajja niya jiwatäjjasamänwa.

Éxodo 9:17

Ucampis jumajj janiw munctati marcajjaru sarjjañapatac antutañjja.

Proverbios 16:4

Take cunsa Tatituw luri mä amtäwimpi; uqhamarac ñankha jakerusa t'akhesiña urutaqui.

Jeremías 32:20

Jumaw Egipto marcan milagronacsa uñacht'äwinacsa lurtajja, jichhas Israel marcanjja uca pachpa luräwinac lurascaractawa, uqhamaraqui yakha marcanac taypinsa, uqhamat sutimajj jach'añchatäñapataqui.

Ezequiel 39:21

“Uqhamwa nayajj jach'a c'ajquir cancañajj yakha marcanacarojj uñacht'ayäjja. Take marcanacaw uñjapjjani cunjämsa uñjta mutuycaracta ucjja.

Malaquías 1:11

Take acapach orakenwa nayarojj jach'añchapjjetu, uqhamaraquiwa take chekanacan incienso naqhayapjje nayar jach'añchasa, ucatsti k'oma ofrendanacrac loktapjjetu.

Malaquías 1:14

Ñankhachatäpan cawquïr jaketï suma k'omar uywa nayar sacrificion loktañatac arscasina mä usut uywaqui loktjjetu ucajja. Nayaw jach'a reyinsa Reyipäta, uqhamaraqui take marcanacan ajjsaratasa.” Uqham siw take ch'aman Diosajja.

Números 14:21

Ucampisa chekpacha nayaw jacta, jach'a cancañajjas take acapach phokhantaraquiwa.

Romanos 9:17

Kellkatarjamajj Diosajj Egipton reyiparojj sänwa: “Reyit utt'aysma nayan munañanïtajja juman uñacht'ayasiñapataqui, ucatsti take acapachanquirirojj sutejjajj yatiyatäñapataqui” sasa.

Romanos 9:22

¿Diosataquisti cunaraqui, jupatejj mutuñsa mä yatichäwi toke churañ munchi ucasti? Chekpachansa jupajj wali llamp'u chuymampiwa jakenacarojj uñji, jakenacajj jach'a mutuña catokañapa waquiscchïna t'unjatäñataqui ucasa, uqham toke Diosajj ch'amanïtapa uñacht'ayasiña munasa.

Josué 4:24

Uqhamatwa take acapachan jaquir jakenacajj yatipjjani cunja ch'amanïquitï Dios Tatitojj uca, ucatsti jumanacajj ajjsarapjjapunim Dios Tatitumarojja” sasa.

1 Pedro 2:19

Dios nayrakatansti asquiwa maynitejj lurañanacap phokhañ laycu, t'akheschi ucqhajja.

1 Pedro 2:8

Ucatsti aca aruraquiw phokhasi: “Uca kalajj mayninacarojj lanctasiyiwa liwisiyir karkaraquiwa.” Uca jakenacasti Tatitun arunacapar jan iyawsapjjatap laycuw liwisipjje, ucataqui uchatäpjjaraquïnwa.

Judas 1:4

Yakhepanacajj sallkjañanac toke mantanipjje, ucanacarusti Kellkatanacajj nayra pachanacatpachwa uñacht'ayäna cuna juchañchäwtejj catokañanacapäqui ucjja, jan wali jakenacäpjjatap laycu. Uca ñankha lurir jakenacajj Diosan qhuyapayasiñapjja maysaruw uñtayapjje jan wali luräwinacapan jacañataqui, ucatsti apanucupjjewa jiwasan mä sapa Uywirisaru Tatit Jesucristorusti jan uñt'ir tucupjje.

1 Samuel 4:8

¡Ay cunaquïcan jiwasataquejja! ¿Qhitirac jichhasti uca take ch'aman Diosan amparapatsti khespiyistani? ¡Jupaw egipcionacarojj wasaran cunayman mutuyäwinacampi t'unjänjja!