Éxodo 14:4 - Qullan Arunaka DC

⁴ Ukampis nayaw faraonarux chuymap qalarayä, ukat jumanakar arktanipxätam; nayasti jupampiru, taqpach ejercitopampiruw ch'amax uñacht'ayä. Ukhamat egipcionakax yatipxani nayan Tatitütaxa” sasa. Israelitanakasti kunjämtix Tatitux siskatayna ukham lurapxäna.

Aymar Bibliia 1986

⁴ Ucampis nayajja, faraonarojj chuymapwa kalarayäjja khoruchasiñapataqui, ucatsti arctanipjjätamwa; ucat ch'amajjwa uñacht'ayäjja juparu, uqhamarac take ejercitoparusa. Uqhamatwa egipcionacajj yatipjjani nayajj Tatitütajja.” Ucatsti israelitanacajj uqhamawa lurapjjäna.

Qullan Arunaca

⁴ Ucampis nayajja, faraonarojj chuymapwa kalarayäjja khoruchasiñapataqui, ucatsti arctanipjjätamwa; ucat ch'amajjwa uñacht'ayäjja juparu, uqhamarac take ejercitoparusa. Uqhamatwa egipcionacajj yatipjjani nayajj Tatitütajja.” Ucatsti israelitanacajj uqhamawa lurapjjäna.

Éxodo 14:4 Jak'a apnaqawi uñst'ayäwi

Nehemías 9:10

Jumax wali muspharkaya jach'a luräwinak faraonar saykatañatakix lurtaxa, ukhamarak uywatanakaparu, markapankiri taqi jaqinakapar saykatañatakisa; kunja jach'a jach'a tukuñampitix jupanakax israelita jaqinakaru apnaqapkäna ukanaksa jumax amuytawa. Ukhamat sutimax jichhürkam wali aytataxa.

Éxodo 10:2

ukhamarak jumax wawanakamaru, allchhinakamar kuna muspharkañanaktix nayax egipcionak taypin lurkta, kunjämtix jupanakat laruskta ukanaksa jupanakar yatiyañamataki. Ukhamat jumanakax yatipxäta nayan Tatitütaxa.

Éxodo 10:27

Ukampis Tatitux faraonan chuymap qalarayäna israelitanakar jan khithanukuñapataki.

Éxodo 12:28

ukatsti kuntix Tatitux Moisesampiru, Aaronampir siskatayna ukhamarjamaw lurapxäna.

Éxodo 14:23

Faraonan taqpach caballeriapampi, carronakapampix israelitanakan qhipap mantapxarakïna, chika qutkamaw jupanakar arktapxäna;

Éxodo 14:25

ukhamarus carronakapan ruedanakap q'iwiräna, ukhamat k'achak sarapxañapataki. Ukham uñjasin egipcionakax sapxäna: —¡Israelitanakat jaltxañäni, Tatitupaw jupanak lanti jiwasamp nuwasiski! —sasa.

Éxodo 14:3

Ukhamat faraonax akham sani: ‘Israelitanakax janiw kawksar sarirjamäpkisa, chhaqtataw wasaran sarnaqasipki’ sasa.

Éxodo 14:5

Egiptonkir reyix israelitanakan jaltxapxatap yatisinxa, jupasa, yanapirinakapas israelitanakar khithanukupxatapat amthapisipxäna, ukat sapxarakïna: “¡Kuns lurtan, janik israelitanakar mistuykasänti! Jichhasti, ¿khitirak jiwasanakatak irnaqarapistanisti?” sasa.

Éxodo 14:8

Tatitusti faraonarux chuymap qalarayäna, ukhamat israelitanakar arktañapataki, israelitanakax wali ch'amaniw mistuwayatayna.

Éxodo 18:11

Tatitux jumanakar ukataq t'aqhisiñat qhispiyapxtam egipcionakan jach'a jach'a tukuñampi apnaqatäñata. ¡Jichhax yattwa, Israelan Diosapax taqi diosanakat sipansa wali ch'amaniwa! —sasa.

Éxodo 6:7

Jumanakarusti nayan markaxaruw tukuyapxäma, nayaw jumanakan Diosamäyä. Ukhamat jumanakax yatipxäta nayan jumanakar wali ch'ama lurañanakamp egipcionakax t'aqhisiyapktam ukanakat qhispiyir Tatit Diosamätaxa.

Éxodo 7:17

Ukat Tatitux saraki: ‘Jichhaw yatïta nayan chiqa Tatit Diosätaxa.’ Aka thujruxamp jawir umar jisktkä ukkhaxa, umax wilaruw tukuni.

Éxodo 7:3

Ukampis nayaw faraonarux chuymap qalarayä jan munañapataki, walja muspharkañ uñacht'äwinak Egipton lurarakï.

Éxodo 7:5

Egipto markar ch'amax uñacht'ayasa, israelitanakar uka markat apsunkä, ukkhaw egipcionakax yatipxani nayan Tatitütaxa —sasa.

Éxodo 9:16

Ukampis nayaw juman jan jiwañam munkti, ch'amax uñjañamatakiw jakaysma, ukhamat nayan sutixan taqi uraqin uñt'atäñapataki.

Ezequiel 20:9

Ukampis sutixan jach'ätap laykuw Egiptot irpsunta, ukhamat yaqha markanak nayraqatan sutixan jan jisk'achatäñapataki, kawkïr markanak taypintix israelitanakax jakapkän uka markanak nayraqatana, uka markanak nayräxan jupanakarux uñstäyäta, Egiptot irpsunxañatakis arsurakïyäta.

Ezequiel 28:22

Sarakim: “ ‘Tatitux akham siwa: Sidón, nayax juman uñisirimaruw tukta; juma taypin jach'ar aptatäyäwa. Nayax jumar juchañchkäma, q'uma kankañaxsa uñacht'aykarakï, ukapachaw yatipxani, nayan Tatitütaxa.

Ezequiel 32:15

Kunapachatix nayax Egipto markar mä ch'usa wasarar tukuykä, uka uraqis jan jaqin uñjaskani, ukapachaw jupanakax yatipxani, nayan Tatitütaxa.’

Ezequiel 38:16

ukatsti Israel markaxaruw nuwantäta. Gog, jumasti uka markarux mä ch'iyar qinayäkasmas ukhamaw chhaqtayäta. Uka qhipa urunakansti nayax markaxar nuwantañamatakiw jumar irpanïma, ukhamat juma tuqi yaqha markanakax yatipxani, nayarus uñt'apxarakitani kunapachatix nayax jupanakaru q'uma kankañax uñacht'aykä ukapacha’ sasa.

Ezequiel 38:23

Ukham lurasaw yaqha markanakarux nayan jach'a qullan kankañax uñacht'ayä. Nayaw jupanakampix uñt'ayasï, jupanakasti nayan Tatitütax yatipxarakini.”

Ezequiel 39:13

Israelitanakatakix mä jach'añchäwïniwa uka jiwarat soldadonakar imañaxa. Uka uruw nayax jach'a k'ajkir kankañax uñacht'ayä. Naya, Tatituw uk arsta.

Levítico 10:3

Moisesasti Aaronarux sarakïnwa: —Tatitux akpï sañ munänxa kunapachatix siskäna: “Nayar jak'achasirinakarux q'uma kankañax uñacht'ayä, taqi israelitanakarusti k'ajkir qhanax uñacht'ayarakï” —sasa. Aaronasti uka arunak ist'asax janiw kunsa siskxänti.

Romanos 11:8

Kamisatix Qillqatax siski: “Diosax ajayu tuqin qala chuyman tukuyi, jichhakamas ukhamakïsipkiwa; nayranakapsa jan uñjkiri, jinchunakapsa jan ist'kir tukuyaraki” sasa.

Romanos 9:17

Qillqatansti Diosax Egiptonkir reyirux siwa: “Nayan munañax juma tuqi uñacht'ayañatakiw reyit utt'aysma, ukat taqi akapachan uñt'ayasiñataki” sasa.

Romanos 9:18

Ukhamasti Diosax khitirutix munki ukarux khuyapt'ayasiwa, khitirutix chuyma qalarayañ munki ukarusti qalarayarakiwa.

Josué 11:20

Tatituw uka uñisirinakarux chuymanakap qalarayäna israelitanakar saykatañapataki, ukhamat israelitanakan jan khuyapt'ayasis q'al tukjañapataki, kunjämtix Tatitux Moisesar siskatayna ukhamarjama.

Jueces 4:7

Nayaw Jabín reyin ejercitopan Sísara sat jilïriparux Quisón sat jawir thiyaru jutayä, carronakapampi, soldadonakapampi jumar katuntañataki. Ukampis nayaw jupanakarux amparamar katuyäma” —sasa.