Uca pachpa ururaquiw Tatitojj Abramampejj mä amtäwiru mantäna, saraquïnwa: —Aca orakjja wawanacamaruw churä, Egipto jawirata, Eufrates sata jach'a jawircama.
Efesios 2:12 - Qullan Arunaca Uca tiempojj jumanacajj jan Cristonïsipcäyätawa, Israel marcatsti jayanraqui, Diosan arust'äwinacap jan uñt'asina, aca orakenjja jan cuna suyt'añani, jan Diosaniraquiw jacasipcäyätajja. Aymar Bibliia 1986 Uca tiempojj jumanacajj jan Cristonïsipcäyätawa, Israel marcatsti jayanraqui, Diosan arust'äwinacap jan uñt'asina, aca orakenjja jan cuna suyt'añani, jan Diosaniraquiw jacasipcäyätajja. Qullan Arunaka DC Khä urunakasti jumanakax jan Cristoniw jakapxäyätaxa, janirakiw Israel markankirïpkäyätati, Diosan arust'äwip jan uñt'asa, aka uraqin jan kuna suyt'äwini, jan Diosaniw jakasipkäyätaxa. |
Uca pachpa ururaquiw Tatitojj Abramampejj mä amtäwiru mantäna, saraquïnwa: —Aca orakjja wawanacamaruw churä, Egipto jawirata, Eufrates sata jach'a jawircama.
Israel marcasti walja maranacawa jan cheka Diosanïcjjänti, yatichañapataquisa jan sacerdoteniraqui, uqhamarac Dios toketsa jan yatichataraqui.
Ucampisa Zorobabel chachampi, Josué chachampi, uqhamarac familianacata maynïri israelita jilïri chachanacampejja ucjjarojj aqham sapjjänwa: —Janiw jumanacamp chicajj Diosajjan templopjja lurapcsnati. Jan ucasti nanac sapaquiwa lurapjjäjja Israelan Tatit Diosajjataquejja, uqhamwa Persianquiri Ciro sat reyejj sapjjaraquitu —sasa.
Jïsa, Tatitojj Jacobotjja qhuyapt'ayasiniwa, Israelarusti wasitatwa jupan ajllisitapat uñt'asjjani, israelita jakenacasti wasitatwa orakenacaparojj utjnokasjjapjjaraquini. Jaya marcan utjir jakenacasti jupanacarojj jac'achasipjjaraquiniwa, Jacobon marcapampisti mayachasjjapjjaraquiniwa.
Tatitojja, jach'a reyi, Israelan khespiyiripa, take ch'amani Tatitojj siwa: “Nayätwa kalltas, tucuyasa; nayat yakhajj janiw juc'ampi diosajj utjquiti.
“Tantacht'asipjjam jutapjjaraquim, marcanacat jilt'iri take jaquirinaca, takeni jac'achasinipjjam. Yakha diosanacar jach'ar aptirinacajja jan yatiñan jakenacawa, uca diosanacasti maderat luratawa, uca jan khespiyiri diosaruw quillt'asipjjaraqui.
Jaya marcanquir jakenacaw, uywanacamsa, yapunacamsa, uva yapunacamsa uñjapjjaraquini.
Israelan suyt'äwipa, jan walt'aña horasanacan nanacar khespiyiri, ¿cunatsa nanacataquejj mä jaya jakëcasmas uqham tucta, thaqui sarir jakejj mä jayp'u ict'awayi uqhama?
Tata, jumaw Israelan suyt'añapätajja. Take jumar apanucuristi p'enkachjataraquïniwa. Take jumat jayarst'iristi lak'aru kellkat sutjamaquiw chhaktjjani, juma, suma jalir umar apanucutap laycu.
Cawquïri profetanacatejj c'ari unañchäwinac uñjapjje, uqhamaraqui c'ari profecía arunacsa parlapjjaraqui ucanac tokew nayajj sayt'ä, jupanacar mutuyañataquisti amparajj aytä. Israel marcajjan tantachasïwinacapansti janiw cuna parlañanacapas utjcaraquiniti. Sutinacapasti janiw israelitanacan listapan kellkatäcaniti, janiw israelitanacan orakenacaparus mantapcaniti. Ucapachaw jumanacajj yatipjjäta nayan Tatitütajja.’
Jupanacan jan cun ajjsarasa jacasipjjañanacapataquisti mä amtäwiruw mantäjja. Uca amtäwisti wiñaya amtäwïniwa. Jupanacarusti waljaniruw tucuyaraquëjja, jupanac taypirusti wiñayataquiw nayan kollan templojja ucharaquëjja.
Uca orakesti jumanacarojj herenciatwa wact'apjjätam, cawquïri jakenacatejj yakha marcanacat jutasina jumanac taypina jacapcani, uqhamaraqui wawanacanïpcani ucanacarusa. Ucanacarusti Israel oraken yurirïpcaspasa uqhamwa uñjapjjäta. Cunapachatejj uca orake Israel tribunacar laquintapcäta ucapachasti jupanacarojj wact'araquiniwa.
Walja maranacaraquiw israelitanacajj jan reyini, jan jilïri irpirini sarnakapjjanejja, jan sacrificionac loktasa, jan kollana kalanacani, jan sacerdotenacani, ni jupanacan uñt'at yakha diosanacas utjcaraquiniti.
Cuna churäwinactejj israelitanacajj nayatac yakhachapcani, ucanacjja jumaruw churjjäma, uqhamarac yokall wawamataqui, imill wawamataqui jumampi chica jacasqui ucanacataquiraquïniwa. Acasti wiñayatac leyiraquïniwa. Mä jan p'aquintcaya arust'äwiraquïniwa, wiñayataqui, cuntejj nayajj lurcta jumampi, wawanacamampi.”
Utjaraquituwa yakha ovejanacajja, ucanacasti janiw aca uyuncquiti; ucanacarojj apaniñajjaraquiwa, jupanacasti ist'apjjetaniwa, ucatsti mä sapa tamaquiraquïniwa, mä sapa awatiriniquiraqui.
“Nayätwa uva alejja, jumanacasti layminacäpjjtawa. Qhititejj nayampi mayaquïchi, nayasti jupampi mayaquiraquïta, uquïrejj walwa achuraqui, uqhamasti jumanacajj jan nayampejj janiw cuns lurapcasmati.
Jumanac samaritanonacajj yupaychapjjtaw jan yatisina, ucampis nanacajj yatipjjtwa yupaychatanacajj-jja; khespiyasiñasti judionacatwa juti.
Diosan aca arsüwipasti jumanacataquiwa, uqhamarac wawanacamampitaqui, jayanquirinacampitaqui, kawkhanirutejj Dios Tatitusajj jawscaraquini ucanacampitaqui —sasa.
Ucatpï jumanacarojj jawsayapjjsmajja, jumanacamp jiquisisin parlt'asiñataqui. Cuntï Israel marcan suyt'apctansa, uca quicpa suyt'äwi laycuwa aqham aca cadenanacampi ñach'antat uñjastjja.
Take cuntï Diosajj profetanac toke arsuwayqui ucajj jumanacataquiwa. Uqhamaraqui jumanacan asquimataquiraqui Diosajj mä arust'äwi lurawayi nayra awquinacasampejja, cunapachatejj Abrahamarojj siscäna: “Juman wawanacam tokewa take acapachanquir jakenacajj bendecitäni” sasa.
Acasti jiwasanacarojj amuyt'ayistuwa, janiw qhitis uca castat jutatap laycojja Diosan wawapäcaspati, jan ucasti qhitinacatejj Diosan arsutaparjam utjapqui ucanacaw cheka wawanacata uñt'ata.
Nayrajj jumanacajj janïra Diosaru uñt'apcäyäta ucqhajja, jan chekpacha diosäpquis uca diosanacan esclavonacapäpjjäyätawa.
Ucatpï jumanacajj jan jaya jakenacäcjjapjjtatejja yakha orakensa, take Diosanquirinacampejj marca masëjjapjjtawa, Diosan familiapäjjapjjaractawa.
Uca amuyunacapasti ch'amact'atawa, chuymanacap kalarayasipjjatap laycusti janiw cuns yatipquiti, ucatwa Diosat jutqui uca jacañsa jan catokapquiti.
Nayrajj jumanacajj Diosat jayancasipcäyätawa chuymanacamansti Diosan uñisirinacaparaqui, jan walinac lurapjjatam laycu. Ucampis jichhajj Diosajj jupampejj sumancthapiyjjapjjtamwa,
Jupanacaruw Diosajj aca imantatjja uñacht'ayaraqui, cuna kamir cancañatejj Diosan utjqui jan judiöpquis uca jakenacaru. Imantäwisti Jesucristojj jumanacancqui ucawa, juparaquiwa cuntejj catokapcäta uca suyt'äwisa.
cuna suyt'äwtï jumanacajj suyasipcta uca laycu, ucasti jumanacataquejj alajjpachan imatäsquiwa. Uca suyt'äwsti jumanacajj catokapjjaractawa Diosan khespiyasiñ arunacap ist'apjjatam laycu.
Jilatanaca, janiw munapcti cunatejj jiwatanacampi pasqui ucjja jan yatipjjañamjja, jan jumanacajj mayninacjama llaquisipjjañamataqui jan cuna suyt'añanjama.
Jan sarnakapjjamti jan wali amtañ chuymampejja, cunjämtejj jan Diosanquirinacajj lurapqui uqhamjja.
Tatit Jesucristos pachpa, uqhamarac Dios Awquisasa qhuyapayasiñapampiw munasistu wiñay chuymachäwi churasa, uqhamarac mä suma suyt'añampi.
Naya Pablojj Jesucriston apostolopätwa, Khespiyir Diosasan, uqhamarac Tatit Jesucristosan camachipat qhitanita, ucasti jiwasan suyt'äwisawa.
uqhamarac jan jiwarcay ninsa jiwarayapjjänwa, espadamp jiwayatäñatsa jaltapjjaraquïnwa. Pisi ch'amaninacajj guerranacan wali ch'amaninacaw tucjjapjje, ucatjja atipapjjaraquiw uñisirinacapan ejercitonacaparusa.
Uqhamasti pä luräwiw jan trocasir utji, ucanacatjja Diosajj janiw c'ariscaspati; ucampejj Diosajj mä jan tucusquir chuymachäwi churistu, qhitinacatejj jupan imantasiñ thakapctan, uqhamarac catuyasiractan uca suyt'äwi churquistu ucana.
Ucampis jilïri jiwasan sacerdotesajj juc'amp suma luräwi lurasqui, Diosampi, jakenacampi mayar tucuyasa uca machak arust'äwip toke, ucasti suma arsutanacapjjar utt'ataraquiwa.
Jumanacasti Cristo tokeraquiw Diosarojj iyawsapjjtajja. Uca Diosaraquiw Cristorojj jiwatanacat jactayi, jach'aru tucuyaraqui; uqhamasti jumanacajj Diosaruw iyawsapjjtajja, suyt'apjjaractasa.
Yupaychañäni Diosaru, Jesucristo Tatitun Awquiparu, jupasti jach'a qhuyapayasiñap laycuwa jiwasarojj machakat naciyistu, Jesucriston jiwatanac taypit jactatap toke. Ucasti jiwasanacarojj suyt'añanwa jacayaraquistu,
Jan ucasti Tatitur jach'achapjjam chuymanacamanjja. Ucatsti waquicht'atäpjjaraquim qhitinacatejj jumanacaru suyt'añanacamjjat jisct'apcätam ucanacar sañataquejja ucampis sapjjam suma chuymampi.
Take qhititejj acanac Jesucristotjja suyt'qui ucajja, jupa pachpawa k'omachasi cunjämatejj Tatit Jesucristojj k'omäqui uqhama.