Gálatas 4:8 - Qullan Arunaca

⁸ Nayrajj jumanacajj janïra Diosaru uñt'apcäyäta ucqhajja, jan chekpacha diosäpquis uca diosanacan esclavonacapäpjjäyätawa.

Aymar Bibliia 1986

⁸ Nayrajj jumanacajj janïra Diosaru uñt'apcäyäta ucqhajja, jan chekpacha diosäpquis uca diosanacan esclavonacapäpjjäyätawa.

Qullan Arunaka DC

⁸ Nayrax, jumanakax Diosar janïr uñt'apkäyät ukkhaxa, k'ari diosanakaruw luqtapxäyätaxa.

Gálatas 4:8 Jak'a apnaqawi uñst'ayäwi

2 Crónicas 13:9

¿Janit jumanacajj jakonucupctajja Aarón chachan saraker Tatitun sacerdotenacaparojja, levitanacarusa, ucatsti jumanacajj utt'ayapjjaractajja jumanac pachpat sacerdotenaca, cunjämtï jan Diosar uñt'ir marcanacajj lurapqui uqhamjja? ¡Qhititejj loktasiñataqui jutqui mä vaca kallumpi, uqhamarac pakallk ovejampi, jupasti diosanacan sacerdotepäspati, jan diosäpqui ucanacanjja!

Éxodo 5:2

Ucat faraonasti sänwa: —¿Qhitisa Tatitojja, arup ist'añajjataquejja, uqhamarac israelitanacarus sarjjapjjañapataqui antutañajjataquejja? Janiw nayajj Tatiturojj uñt'cti, uca laycusti janiw antutquiristti israelitanacaru sarjjañapataquejja.

Isaías 37:19

diosanacapsa ninaruw naqhantayapjjaraqui, janiw ucanacajj chekpacha diosäpcänti, jan ucasti lawata, kalata lurat diosanacaquïnwa uca laycu. Ucatpï t'unjasipquejja.

Jeremías 10:25

Cawquïri marcanacatejj jan uñt'ctam ucanacjjaru colerasiñamjja warjjatam, cawquïri marcanacatejj jan jumaru art'asipctam ucanacjjaru, Jacobon marcaparu mank'antapjjatap laycu, k'alwa t'unjapjjaraquitayna, take marcpachsti k'ala t'unjata jaytapjjaraqui.

Jeremías 16:20

¿Lurasispati mä jakejj pachpa diosanacapa? ¡Uqhamasti uca diosanacajj janiw chekäpquiti!”

Jeremías 2:11

mä jan Diosar uñt'iri marcajj diosanacap trocatapa. ¡Uca diosanacapajj jan cheka Diosäpcchi ucasa! Ucampisa marcajjajj nayarojj apanucuwayituwa, nayasti jupanacan jach'a cancañaparaquïtwa, jan cunatac inamaya c'ari diosanac laycuquiw apanucuwayapjjetu.

Jeremías 5:7

Tatitojj siwa: “¿Cunjämsa jichhajj take ucanac perdonäma? Wawanacamajj nayarojj apanucuwayapjjetuwa, ucatsti cawquïrinacatejj jan diosäpqui ucanacjjaruw juramento lurapjje, mank'sti jilarquirwa churta, ucatsti takpachaniw yakhampi sarnakañarojj catuyasipjjaraqui.

Juan 1:10

Qhä Arusti aca orakencänwa; Diosasti aca orakerojj jupa tokew luri, orakenquirinacasti juparojj janiw uñt'cänti.

Hechos 14:12

Bernabearojj: “Júpiter diosaw” sasaw sapjjäna. Pablorusti: “Mercurio diosaw” sapjjaraquïnwa, jupan wali parlirïtap laycu.

Hechos 17:23

Jumanacajj sacrificionac loktasipjjerïctas ucawjanac sarnakcasinjja, nayajj mä altar jicjjatta aqham kellkatani: ‘Jan uñt'at Diosaru’ sasa. Uca jan uñt'casin yupaychapctas uca Diosatpï nayajj jumanacarojj parlapjjsmajja —sasa.

Romanos 1:23

Ucatwa Diosan jach'a c'ajquir cancañapa jakoquipapjje, jiwirïqui uca Diosar yupaychañat sipanjja jiwir jakenacan diosanacaparuw yupaychapjje jamach'inacaru, asirunacaru, pusi cayun animalanacar cuna.

Romanos 1:28

Niyaquitejj Diosarojj jan uñt'añ munapcchejja, Diosajj jupanacarojj uca jan wali luräwinacapar chhakañapataquiw jaytanucu, ucat jan walïqui uc lurapjjañapataqui.

1 Corintios 1:21

Diosajj yatiw cuna luratapsa. Amtäwipansti janiraquiw acapacharojj jakenacan yatïwinacap toke khespiyañ munquiti, jan ucasti Diosajj arunacap tokew jakerojj khespiyañ muni, take qhitinacatï juparu catuyasqui ucanacaru. Uca parläwisti mayninacataquejj lokhe cancañar uñtatäcaspasa uqhamawa, uca tokwa Diosajj jakerojj khespiyañ munaraqui.

1 Corintios 12:2

Jumanacajj asquiw yatipjjtajja, cunapachatï jan iyawsirïpcäyät ucqhajja jan parlir c'ari diosanacaruw arcasipcäyätajja.

1 Corintios 8:4

Uqhamajj uca yakha diosanacar sacrificion churatäquis uca mank'anac mank'añjjata, chekpachansa yattanwa, mä c'ari diosajj janiw cunäquis acapachanjja, mä sapa Diosaquiwa chekpachansa utjejja.

Gálatas 4:3

Ucapachparaquiw jiwasanacampejj lurasi, Ajayu token wawäcäyätan ucapachajj jakenacan amuyt'äwiparjamaquiw sarnakäyätanjja.

Efesios 4:18

Uca amuyunacapasti ch'amact'atawa, chuymanacap kalarayasipjjatap laycusti janiw cuns yatipquiti, ucatwa Diosat jutqui uca jacañsa jan catokapquiti.

1 Tesalonicenses 1:9

Jan ucasti, jupanac pachpaw parlapjje nanacajj tumpapcsma ucjjatjja, sapjjaraquiwa sum jumanacajj nanacar catokapjjatama, uqhamarac yahka diosanacarus jaytanucjjapjjatama chekpach jacquiri Diosar arcañataqui, ucatsti jupar sirviñ kalltañataqui.

1 Tesalonicenses 4:5

Jan sarnakapjjamti jan wali amtañ chuymampejja, cunjämtejj jan Diosanquirinacajj lurapqui uqhamjja.

2 Tesalonicenses 1:8

Diosar jan catokerinacar mutuyiriw jutani, uqhamarac Tatit Jesucristosan khespiyasiñ arunacapar jan ist'irinacarusa.

Josué 24:15

Ucampisa janitï jumanacajj Diosar sirviñ munapcsta ucajj, jichhüruy ajllisipjjam qhitirutï sirvipjjäta uca. Awquinacamajj Eufrates sat jawira lacana sirvipcäna uca diosanacaruti, jan ucajj cawquïrinacatï aca orakenacan jacapqui uca amorreonacan diosaparucha. Ucampisa nayampi take familiajjampejja Diosaruw sirvipjjä.

Josué 24:2

Takpach Israel marcaruw parläna: —Aqham siwa Israel marcan Diosapajja: ‘Nayrapachajj jumanacan nayra awquinacamajj, Taré chacha, Abraham, Nacor sat wawanacapampejja, Eufrates sat jawira lacanacan jacapjjäna, uqhamaraquiw yakha diosanacaru yupaychapjjäna.

1 Pedro 4:3

Jumanacajj waljwa luranjjapjjtajja cunatejj Diosar jan uñt'ir jakenacarojj cusisiyqui ucjja. Uca urunacanjja jumanacajj vicionacana, jan wali amtañanacana, machañanacana, wali mank'añanacana, jila umjasiñanacana, yakha diosanacar yupaychañanacanwa sarnakasipcäyätajja.

1 Juan 3:1

Yatipjjam Dios Awquejj kawksa munasistu wawanacapat uñt'atäñasataqui, jïsa wawanacapapunïsctanwa. Ucatpï Diosar jan iyawsirinacajj jan uñt'quistutejja, Diosar jan uñt'apjjatap laycu.