Gálatas 4:9 - Qullan Arunaca

⁹ Ucampis jichhajj Diosarojj uñt'jjapjjtawa, Diosajj jumanacarojj uñt'jjapjjaractamwa. ¿Cunjämsa wasitampi cutt'apjjasma uca pisi ch'amani amuyunacarusti, wasitampiti uca sarnakäwinacan esclavonacapa tucuñ munapjjta?

Aymar Bibliia 1986

⁹ Ucampis jichhajj Diosarojj uñt'jjapjjtawa, Diosajj jumanacarojj uñt'jjapjjaractamwa. ¿Cunjämsa wasitampi cutt'apjjasma uca pisi ch'amani amuyunacarusti, wasitampiti uca sarnakäwinacan esclavonacapa tucuñ munapjjta?

Qullan Arunaka DC

⁹ Ukampis jichhax Diosar uñt'xapxtawa, chiq sasinsa, Diosax jumanakar uñt'xapxtamwa. Ukhamasti, ¿kunatarak wasitampi uka pisi ch'amani, t'ukhasirinakan luqtirinakapar tukuñ munapxtasti?

Gálatas 4:9 Jak'a apnaqawi uñst'ayäwi

1 Reyes 8:43

jumajj alajjpachatpachjja ist'anim, cawqhantejj jactajj ucqhatpacha, ucatsti churaraquim cuntï mayctam ucjja, uqhamata aca orakenquir take marcanacajj jumar uñt'apjjañapataqui uqhamarac jach'añchapjjañapataqui cunjämatï Israel marcamajj lurqui uqhama, ucatsti sutimajja aca templo jumataqui lurcta ucana aytatätap yatipjjañapataqui.

1 Crónicas 28:9

Juma Salomón munat wawajjasti, uñt'ätawa awquimana Diosaparu, ucatsti take chuymaraquiwa jupar sirvïta, uqhamarac suma amtampiraqui, Tatitusti take chuymanacjja sumwa uñji, uqhamarac yatiraqui cuna amtäwinacsa, lup'ïwinacsa. Uqhamasti jumatejj jupar thaktätajja, jupasti jumarojj jicjjatayasïtamwa, ucampis jumatejj jupat sarakäta ucajja, jupasti jumarojj wiñayataquiw jakonucütam.

Salmos 1:6

Tatituw asqui jakenacan sarnakäwip yati, ñankha lurir jakenacan thaquipasti aynacht'añaruw puriyi.

Salmos 9:10

Tatay, sutim yatirinacajj jumaruw iyawsapjjtam, jumar thakerinacarojj janipuniw apanucctati.

Éxodo 33:17

Ucatsti Tatitojj sascaquïnwa: —Cuntejj jumajj siscta uqhamarojj luräwa, nayansti jumaruw confiansajjajja utjitu, ucatwa nayana yanapajja jicjjattajja —sasa.

Proverbios 2:5

yatïtawa Tatitur ajjsaraña; ¡jicjjataraquïtawa cunäquitejj Diosar uñt'añajja uca!

Jeremías 31:34

Nayar uñt'añataquejja janiraquiw waquiscjjaniti, yatichasipjjañanacapajj maynit maynicama amigonacaparusa, uqhamarac familianacaparusa, takeniraquiwa jisc'at jach'acama nayarojj uñt'apjjetani. Nayasti jupanacarojj ñankha luratanacapatjja perdonaraquïwa, jucha luratanacapatsti janiw mayampsa amtascjjaraquïti. Naya Tatituw ucjja arsta” sasa.

Habacuc 2:14

Dios Tatitun jach'a luräwinacapat yatiñaraquiw take acapacharu phokt'araquini, cunjämatï umanacajj kotar phokt'ejja uqhama.

Mateo 11:27

“Awquejjasti take cunwa churjjetu ucampis janiw qhitis Yokarojj uñt'quiti, jan ucasti Awquiquiwa. Awquirusti janiraquiw qhitis uñt'quiti, jan ucasti Yokaquiw Awquirojj uñt'i, uqhamarac qhitirutejj Yokajj uñt'ayañ munqui ucanacampi.

Lucas 5:38

Ucatwa chhuyu vinojj machak lip'ichit lurat wayakar imañajj waquisi, paypach suma imatäñapataqui.

Juan 10:14

“Nayätwa suma awatirejja; ovejanacajjsti uñt'asiractwa, ovejanacajjasti nayarojj uñt'asiraquituwa.

Juan 10:27

Nayan ovejanacajjajj arojj uñt'iwa, nayasti uñt'aractwa, jupanacasti arcapjjaraquituwa.

Juan 17:3

Aca wiñay jacañajj juma sapa chekpach Diosar uñt'añanwa utji, uqhamarac Jesucristoru cawquïrirutejj jumajj qhitancta ucaru.

Romanos 8:29

Qhitinacarutejj Diosajj nayratpach uñt'cäna ucanacarojja, kalltatpachwa jupataqui yakhachasiwayjje jupan wawapjamäñapataqui, uqhamat jupan Wawapajj jilïrïñapataqui walja jilatanac taypina.

Romanos 8:3

Diosajj phokhawayjjewa cuntejj Moisesan leyipajj jan lurcäna jan ch'amanïtapata, jiwasanacan wali juchararätas laycu. Diosasti jupan mä sapa Wawaparuw qhitani jiwasjam janchi cuerponi, uca quipca jucharus purirjamaraqui. Jupasti jucha laycu jiwañataquiw juti, ucatsti jupajj jucharojj juchañchawayiwa, janchincasinracwa atipjawayi.

1 Corintios 13:12

Jichhajj take cunas jayphucjamaqui mä espejotjam uñjasctanjja, ucampis mä urojj take cuns khanwa uñj-jjañäni. Jichhajj yatiñajjajj janiw phokhatpachäquiti, ucampis uca uruw takpach uñt'jjäjja cunjämtï Diosajj nayar uñt'quitu uqhama.

1 Corintios 15:34

Jumanacajj sum amuyasipjjam, janirac juc'ampi juch lurcjjapjjamti. Jumanacat yakhepanacasti janïraw Diosar uñt'apquiti, acsti sistwa jumanacan p'enkasipjjañamataqui.

1 Corintios 8:3

Ucampis maynitejj Diosar munchejja, Diosajj juparojj uñt'araquiwa.

2 Corintios 11:20

Ucampis jumanacajj janiw arsusipctati uca ch'amampi sirviyasirinacarojja, jumanacan tucjirinacarusa, jumanacar jisc'achirinacarusa, uqhamarac jumanacar nuwirinacarusa.

2 Corintios 4:6

Diosajj khanapjja ch'amacan khantaycäna, uca pachpa Diosaraquiw khanapjja chuymanacasan khanayi. Uca khanampisti Diosan c'ajquir cancañapajj Jesucriston ajanupan khanquis uc uñt'apjjañasataquiwa.

Gálatas 3:3

¿Cunjämats jumanacajj aqham pisi chuymanïpjjta? ¿Ajayun ch'amapampi kalltcasina ucjja jumanacan ch'amanacamampiti phokhachañ amuyapjjta?

Gálatas 4:3

Ucapachparaquiw jiwasanacampejj lurasi, Ajayu token wawäcäyätan ucapachajj jakenacan amuyt'äwiparjamaquiw sarnakäyätanjja.

Efesios 1:17

Tatit Jesucristosan jach'a Dios Awquiparuw mayta ajayun yatiñ cancañ jumanacaru churañapataqui Diosan uñacht'äwip sum amuyapjjañamataqui, uqhamarac sum uñt'apjjañamataqui.

2 Timoteo 2:19

Ucampis Diosajj mä suma jan onjjtcaya kalltäwi uscuwayi, ucasti ucanjja aqham sas kellkantatawa: “Tatitojj uñt'iwa jupanquirinacarojja”; uqhamaraqui: “Take qhitinacatejj iyawsirïpqui ucanacajja take jan wali luräwinacatjja jithektañapawa” sasa.

Hebreos 7:18

Uqhamasti, nayrïri camachejj phokhatäjjänwa, janiw ch'amanïcjjänti, ni cunataquis sirvcjjaraquïnti.

2 Pedro 2:20

Qhitinacatejj Tatit Jesucristo Khespiyiriru uñt'asin uca jan wali luräwinacat jaltanjjapjje, ucatsti khepatjja juchar cutt'asina jucha lurañanacampi atipjayasipjjaraqui ucanacajja, nayra jacañanacapat sipansa juc'ampi jan walëjjapjjewa.

1 Juan 5:20

Yatiractanwa Diosan Yokapan jutatapa, uqhamarac amuyt'ayistu chekpach Diosar uñt'añataqui. Uca chekpach Jesucristo Yokapampejj mayanacwa jacaractanjja. Aca Diosajj chekawa, wiñay jacañaraquiwa.