Juan 10:16 - Qullan Arunaca

¹⁶ Utjaraquituwa yakha ovejanacajja, ucanacasti janiw aca uyuncquiti; ucanacarojj apaniñajjaraquiwa, jupanacasti ist'apjjetaniwa, ucatsti mä sapa tamaquiraquïniwa, mä sapa awatiriniquiraqui.

Aymar Bibliia 1986

¹⁶ Utjaraquituwa yakha ovejanacajja, ucanacasti janiw aca uyuncquiti; ucanacarojj apaniñajjaraquiwa, jupanacasti ist'apjjetaniwa, ucatsti mä sapa tamaquiraquïniwa, mä sapa awatiriniquiraqui.

Qullan Arunaka DC

¹⁶ Yaqha ovejanakax utjarakituwa; ukanakasti janiw aka tamankirïkiti; ukanakarux anakiniñaxarakiwa. Jupanakax ist'apxitaniwa, ukatsti mä sapa tamakïniwa, mä sapa awatirinikiraki.

Juan 10:16 Jak'a apnaqawi uñst'ayäwi

Génesis 49:10

Janiw qhitis Judärojj ch'amapjja apakañ puedcaniti, cuna varatejj amparapancqui ucsa janiw apakcaraquispati, uca varan dueñopa jutañapcama, qhitirutejj marcanacajj jaysapcani ucqhacama.

Salmos 86:9

Tatay, jumaw takpach marcanac utjaytajja, jupanacasti nayrakatamaruw jutapjjani, jumar yupaychiri, sutimar jach'añchiri.

Eclesiastés 12:11

Yatiñanin säwi arunacapajj wali ari puntanïcaspas uqhamawa, mayaru suma apthapitasti suma ch'act'ata ch'acurunacäcaspas uqhamawa, mä sapa awatirin uchata.

Isaías 11:10

Uca urunjja Isaí chachan saphipat ch'ichtanir alejja mä unañchäcaspas marcanacataquejj uqhamaw sartani, marcanacasti jupar thakheriw sarapjjani, cawqhanccanitejj jupajj ucqhasti c'ajquirïniwa.

Isaías 43:6

Amstarojj saraquïwa: ‘Cuttayanjjam’ sasa, aynacharusti saraquïwa: ‘Jan jupanacampi kheparamti. Wawanacajjarojj cuttayanirapjjeta jayatpacha, orake tucusitpacha,

Isaías 49:6

“Janiw Jacobon marcanacap sayt'ayañataquic sirvirejjäctati. Ni Israelat jilt'irinacaruquisa cuttayancätati; jan ucasti nayaw jumarojj marcanacan khanapa tucuyäma, uqhamat khespiyasiñajj aca oraket wali jaya tokenaccama apañamataqui, ucataquiw jumajj sirvirejjätajja.”

Isaías 52:10

Tatitojj take marcanacan uñjcataw jach'a ch'amap uñacht'ayi. Take aca orakpacharaquiw yatini, jiwasan Diosasajj khespiyquistu ucjja.

Isaías 56:8

“Nayaw cuttayanjjä tantachthapjjaraquï, qhitinacatejj jayan apanucutäpcän ucanacarojja.” Ucwa Tatitojj arsu, qhititejj willitatatäpcän uca israelitanacaru mayjaru tantachthapqui ucajja.

Ezequiel 34:12

Cunjämtejj mä awatirejj ovejanacapjj anthapisjjejja ovejanacapajj aywitatatäpjje ucapachajja, uqhamaraquiw nayajj anthapisjjäjja, ucatsti cunjämtejj jupanacajj mä urojj mä ch'amaca taypin maysaru saranucupcänjja ucanacatsti khespiyjjaraquïwa.

Ezequiel 34:23

David sirvirejjaruw cuttayanjjaraquëjja, jupa saparuquiraquiw awatirit uscöjja, jupaw ovejanacarojj awatiraquini. Jupaw awatiriparaquïni.

Ezequiel 34:6

Take kollu tokenacaru jach'a kollunac tokeruw aywitatawayjjapjje, take acapacha tokenacaruw aywitatawayjjapjje, ucatsti janiraquiw qhiti jupanacat llaquiris utjcänti, ni qhitis jupanacaru thakerejj sarcaraquïnti.

Ezequiel 37:22

Jupanacarusti aca orakenjja mä sapa marcacwa tucuyjjaraquëjja, Israelan kollunacapana, mä sapa reyiquiraquiw jupanacataquejj utjaraquini. Janipuniw wasitata payaru t'akjtata marcäcjjapjjaniti, janiraquiw payaru jaljtata reinöcjjapjjanisa.

Ezequiel 37:24

David sirvirejjaw jupanacataquejj reyïni, jupa sapaquiw jupanacan awatiriparaquïni. Nayar ist'asaw sarnakapjjaraquini, leyinacajjsa, arsutanacajjsa phokhapjjaraquiniwa.

Oseas 1:10

Mä urojj israelita jakenacajj jach'a kota iramanquir ch'alljamäpjjaniwa, janiraquiw qhitis jact'añataqui ch'amanïcaniti: “Jumanacajj janiw nayan marcajjäjjapjjtati” siscamayasti, Diosajj jupanacarojj saniwa: “Jumanacajj jacquir Diosan wawanacapäpjjtawa” sasa.

Zacarías 2:11

Cunapachatejj ucajj pasani ucqhajj walja marcanacaw Tatituru jakcattapjjanejja. Jupasti saraquiniwa: “Aca marcanacasti marcajjaraquïnwa. Nayasti ucqhajj jumanac taypinwa jacaraquëjja.” Uqhamatwa amuyapjjanejja take ch'amani Tatitu nayar qhitanitapjja.

Mateo 17:5

Pedron parlcañapcamasti, mä lliphipquiri kenayaw jupanacarojj muyuntäna. Uca kenaya taypitsti mä aruw ist'asi: “Acaw munat Wawajjajja, juparaquiw nayarojj wal cusisiyitu. Juparu ist'apjjam” sasa.

Lucas 15:8

“¿Jan ucajj, qhiti warmich tunca sencill kollkenïsajj may chhakayasinjj jan lampar khantayasisajj wali amuyumpi utap pichsusquejj jicjjatañcamajja?

Juan 10:11

Nayätwa suma awatirejja. Suma awatirejj jacañapwa apt'asi ovejanacap laycojja.

Juan 10:2

Ucampis qhititejj puncu cheka mantqui ucajja, awatiriwa, ovej uñjiriraquiwa.

Juan 10:27

Nayan ovejanacajjajj arojj uñt'iwa, nayasti uñt'aractwa, jupanacasti arcapjjaraquituwa.

Juan 10:3

Punc uñjiristi awatirin, mantañapataquisti punc jist'ari, ovejanacasti arupjja uñt'araquiwa. Ovejanacarojj sutipatcamwa jawsi, ovejanacarusti uyutjja ansuraquiwa.

Juan 10:4

Uyut takpacha ovejanac ansusinsti, ovejanacan nayrakatapwa sararaqui, ovejanacasti arcapjjaraquiwa arup uñt'apjjatap laycu.

Juan 10:5

Janiw mä jan uñt'atarojj arcapquiti, jan ucasti, juc'ampiw jupatjj chhuctapjje, jan yakhan arup uñt'apjjatap laycu.”

Juan 11:52

Janiw aca marcatacti, jan ucasti Diosan wawanacapajj yakha marcanacancquis ucanac mayar jawsthapiñapataqui.

Juan 17:20

“Janiw jupanac sapataquiquit acjj mayctjja, jan ucasti qhitinacatejj khepanacat nayaru iyawsapquitani jupanacan arunacap ist'asina ucanacampitaquiw maysma.

Juan 6:37

Take qhitinactejj Awquejj churquitu ucanacajja nayaruw juti; qhititejj nayaru jutqui ucarojja janiw ankaru alisnuccti.

Hechos 15:14

Simón Pedrojj yatiyistuw cunjämtï Diosajj jichhaquipuni asqui lurcatayna jan judiöpquis ucanacaru, uqhamarac jupanac taypita mä marca jupatac ajllisïna.

Hechos 18:10

Nayaw jumampïscta, janiw qhitis cuns camachcätamti. Walja jakenacaw aca marcanjj utjasquitu” sasa.

Hechos 22:14

Ucatsti jupajj saraquituwa: ‘Awquinacasan Diosapaw jumarojj nayratpach ajlltam jupan munañap uñt'añamataqui, uqhamarac qhititejj asquïqui ucar uñjañamataqui, ucatsti jupa quicpat ist'añamataquiraqui.

Romanos 11:25

Jilatanaca, nayajj muntwa jumanacajj Diosan jamasan imantatäqui uca yatipjjañama, jan jumanacajj wali yatiñaninacjam tucupjjañamataqui. Ucasti acawa: Yakhep israelitanacajj chekpachansa chuymanacapjja kalarayasipjjewa, ucasti qhitinacatejj jan israelitanacäquis ucanacan mantañapcamaquiw lurasi.

2 Tesalonicenses 2:13

Ucampis nanacajj jumanacatjja Diosar yuspagarañajj waquisipjjapunituwa, Tatitun munat jilatanaca, jupaw jumanacarojj chhijllapjjtam, nayrïri khespiyatanacäpjjañamataqui, kalltatpachwa ajllipjjtam khespitäpjjañamataqui, Ajayojj k'omachapctamsa uca toke, uqhamarac Diosan arunacapar iyawsapjjatamata.

Hebreos 13:20

Sumancañan Diosajj Jesucristorojj jiwatanac taypit jactayi. Uca Jesucristosti ovejanacan jach'a awatiripawa, wilapampiwa wiñay arust'äwipjja arsuwayi.

1 Pedro 2:10

Jumanacajj nayrajj janiw mä marcäpcäyätati, jichhasti Diosan marcapäjjapjjtawa. Nayrajj janiw qhitis jumanacatjj qhuyapayascänti, ucampis jichhajj Diosaw qhuyapayasjjapjjtam.

1 Pedro 2:25

Jumanacajj jan awatirin ovejanacar uñtatäsipcäyätawa, ucampis jichhajj Tatituruw cuttanjjapjjtajja. Jupasti mä awatirir uñtataraquiw jumanacarojj imapjjtamjja, almanacamatsa llaquiraquiwa.

1 Pedro 5:4

Uqhamata cunapachatejj awatirinacan jach'a jilïripajj uñstanjjan ucqhajja, jumanacajj mä suma churäwi catokapjjäta, janiw uca pankaranacat lursutäquis uca coronjamti, jan ucasti wiñay corona.

Apocalipsis 3:20

Acajjay nayajj puncuncasctwa, lek'escaractwa. Maynitejj arojj ist'asin jist'aritanejja, nayajj jupan ucaruw mantä, jupampiraquiw mank'ä, jupasti nayampiraqui.