Juan 10:16 - Qullan Arunaka DC

¹⁶ Yaqha ovejanakax utjarakituwa; ukanakasti janiw aka tamankirïkiti; ukanakarux anakiniñaxarakiwa. Jupanakax ist'apxitaniwa, ukatsti mä sapa tamakïniwa, mä sapa awatirinikiraki.

Aymar Bibliia 1986

¹⁶ Utjaraquituwa yakha ovejanacajja, ucanacasti janiw aca uyuncquiti; ucanacarojj apaniñajjaraquiwa, jupanacasti ist'apjjetaniwa, ucatsti mä sapa tamaquiraquïniwa, mä sapa awatiriniquiraqui.

Qullan Arunaca

¹⁶ Utjaraquituwa yakha ovejanacajja, ucanacasti janiw aca uyuncquiti; ucanacarojj apaniñajjaraquiwa, jupanacasti ist'apjjetaniwa, ucatsti mä sapa tamaquiraquïniwa, mä sapa awatiriniquiraqui.

Juan 10:16 Jak'a apnaqawi uñst'ayäwi

Génesis 49:10

Janiw khitis Judá markarux ch'amanïñ kankañap apaqkaniti, janirakiw khitis jilïr kankañ thujrupsa amparapat apaqkaniti, aka uraqpachar apnaqkani uka chiqpach reyin jutañapkama.

Salmos 86:9

Tatay, jumaw taqpach markanak utjaytaxa, jupanakasti jumar yupaychiri, sutim jach'añchiriw jutapxani.

Eclesiastés 12:11

Yatiñ kankañan jaqin säwi arunakapax mich'inakar uñtatawa, mayar apthapitasti ch'akt'ata ch'akurunakäkaspas ukhamawa, mä awatirin uskt'ata.

Isaías 11:10

Uka uru purinkan ukkhasti, Davidat mayni saraqiripaw uka marka apnaqañatak qunt'asini, taqi markanakaruw mayawjar tantacht'ani. Markapasti jach'ar aptatäña, ch'amanirakiw tukuni.

Isaías 43:6

Amstankir markanakaru, aynachankir markanakarus sarakïwa: ‘Markax kutt'ayxapxita, jupanakampix jan qhiparapxamti. Wawanakaxarux kuttayanirapxita jayatpacha, aka uraqi tukuyatpacha.

Isaías 49:6

“Nayax Israel markan ayllunakapar tantacht'iriw khitsma, markapar kuttayanxiriw khitsma. Ukampis uka luräwix juk'akïspawa. Ukatpï jumarux markanakan qhanapar tukuyämaxa, qhispiyasiñaxsa aka uraqi tukusin utjkis uka markanakar apañamataki.”

Isaías 52:10

Tatitux taqi markanakan uñjkataw jach'a ch'amap uñacht'ayi. Jiwasan Diosasax qhispiykistu ukxa, taqi aka uraqpacharakiw yatini.

Isaías 56:8

Kawkïri israelitanakatix jayan apanukutäsipki ukanakaruxa, nayaw kuttayanisin markapar tantachthapxä.” Uk Tatitux arsu.

Ezequiel 34:12

Kunjämtix mä suma awatirix chhaqhat ovejanakap thaqhir sarkixa, ukhamarakiw nayax chhaqhat markaxar thaqhir sarä, mä ch'amak urun jupanakax maysar saranukupkatayna uka chiqanakat kuttayanxarakï.

Ezequiel 34:23

David luqtirixaruw kuttayanxä, jupa saparukiw ovejanakaxa awatiñapatakix uskt'ä, jupaw uñjani. Jupaw awatiripäni.

Ezequiel 34:6

Jach'a qullunak tuqiruw aywitatawayxapxi, taqi akapach tuqinakaruw chhaqhanukuwayxapxi, ukatsti janiw khiti jupanakat llakiris utjkiti, janirakiw khitis jupanakar thaqhirix sarkiti.

Ezequiel 37:22

Jupanakarusti aka uraqinsa, Israelan qullunakapansa mä sapa markarukiw tukuyxä, mä sapa reyinikïpxaniwa. Janipuniw wasitat payar t'aqjtat markäkxapxaniti.

Ezequiel 37:24

David luqtirixaw jupanakatakix reyïni, jupa sapakiw jupanakan awatiriparakïni, nayar ist'asaw sarnaqapxani, kamachinakaxsa phuqhapxarakiniwa.

Oseas 1:10

10 (1) Mä urux israelita jaqinakax jach'a quta iramankir ch'alljamäpxaniwa, jan jakt'kayäpxarakiniwa: “Jumanakax janiw nayan markaxäxapxtati” sapxäyätamwa, jichhasti Tatitux jupanakarux saniwa: “Jumanakax jakkir Diosan wawanakapäpxtawa” sasa.

Zacarías 2:11

11 (15) Kunapachatix ukhamäni ukkhaxa, walja markanakaw Tatituru jaqkattapxani. Jupasti sarakiniwa: “Aka markanakasti nayan markaxarakïniwa. Nayasti ukkhax jumanak taypin jakarakï” sasa. Ukhamat jumanakax amuyapxäta taqi ch'amani Tatitun nayar khithanitapa.

Mateo 17:5

Pedron parlañapkamasti, mä lliphipkir qinayaw jupanakxarux muyuntäna, uka qinay taypitsti, mä aruw ist'asïna: “Akaw munat Wawaxaxa, nayax juparuw ajllista: jupar ist'apxam” sasa.

Lucas 15:8

“Jan ukax, ¿khiti warmisa tunka qullqinïsax may chhaqhayasispa ukaxa, janit micha qhantayasisax utap sum pichskaspa uka qullqi jikxatañkam thaqkarakispaxa?

Juan 10:11

Nayätwa suma awatirixa. Suma awatirix jakañap ovejanakap laykux apt'asi;

Juan 10:2

Ukampis khititix punku chiqa mantki ukax, ovej awatiriwa.

Juan 10:27

Ovejanakaxasti nayan arux sum uñt'i, nayas uñt'araktwa, ukat jupanakax nayar arkapxitu.

Juan 10:3

Punku uñjiristi, awatirin mantañapatakiw uta punku jist'ari, awatiristi ovejanakarux sutipatkam jawsi, ovejanakasti awatirin arup ist'apxi, ukatsti awatirix uyut ansuraki,

Juan 10:4

ovejanakan uyut taqpach mistxipansti, ovejanakan nayraqatap sari, ovejanakasti juparuw arkapxi arup uñt'apxatap layku.

Juan 10:5

Ukampis mä jan uñt'atarux janiw arkapkiti, jan ukasti, jaltxapxiwa, uka yaqha jaqin arup jan uñt'apxatap layku.”

Juan 11:52

janiw judionak laykukit jiwañapäkänxa, jan ukasti Diosan wawanakapax yaqha markanakan ananukutäpkän ukanakar mayar jawsthapiñatakiw jiwañaparakïna.

Juan 17:20

“Ukampis janiw nayax jupanakatakik mayksmati, jan ukasti, akat qhiparusa jupanakan arup ist'asin nayar iyawsapkitani ukanakatakiw mayiraksma.

Juan 6:37

Taqi khitinaktix Awkix katuykitu ukanakax nayaruw juti; khititix nayar jutki ukarusti janiw anqar jaqunukuñaxax wakiskiti.

Hechos 15:14

Simón Pedrox kunjämsa Diosax qalltatpach jan judiöpkis jupanakar sum uñjkäna, jupan markapatak jupanakar ajlliskarakïna ukanak yatiyistu.

Hechos 18:10

Nayaw jumampïskta, janiw khitis kuna ñanqhsa lurkätamti, nayankirinakax aka markan waljaniwa” sasa.

Hechos 22:14

Ukatsti jupax sarakituwa: ‘Nayra awkinakasan Diosapaw jumarux ajllistam jupan amtäwinakap uñt'añamataki, khititix askïki ukar uñjañamataki, jupan pachpa lakapat arup ist'añamatakiraki.

Romanos 11:25

Jilatanaka, nayax Diosan jamasan imantatäki uk yatipxañam munta, ukhamat jan jumanakax yatiñaninakjam tukusipkañamataki: yaqhip israelitanakax chuymanakap qalarayasipxi, ukasti jan israelitanakäpki ukanakan mantañapkamakiwa.

2 Tesalonicenses 2:13

Ukampis nanakan jumanakat Diosar yuspagarañax wakisipuniwa, Tatitun munat jilatanaka, Diosaw jumanakarux qalltatpach qhispiyatäpxañamatak ajllisipxtam, jupaw jumanakarux Qullan Ajay tuqi qullananakar tukuyapxtam, chiqa kankañar iyawsapxatamata.

Hebreos 13:20

Sumankañ churir Diosax, Tatit Jesucristosaruw jiwatanak taypit jaktayawayi, ovejanakan jach'a Awatiriparu, jupax wilapampiw wiñay arust'äwi arsuwayi,

1 Pedro 2:10

Jumanakax nayrax janiw mä markäpkayätati, jichhasti Diosan markapäxapxtawa. Nayrax jupax janiw jumanakat khuyapayaskänti, ukampis jichhax khuyapayasxapxtamwa.

1 Pedro 2:25

Nayrax jumanakax chhaqhat ovejanakar uñtataw sarnaqapxayätaxa, ukampis jichhax Cristoruw kuttanxapxtaxa, jupasti mä awatirir uñtataw jumanakar imapxtamxa.

1 Pedro 5:4

Ukhamat kunapachatix jach'a Awatirix uñstankan ukkhaxa, jumanakax mä suma churäwi katuqapxäta, ukasti wiñayatakïniwa.

Apocalipsis 3:20

Uñtam, nayax punkunkasktwa, jawsaskaraktwa; khititix nayan aruxa ist'asin jist'aritanixa, nayax jupan ukaruw mantä, jupampiw manq'asirakï.