Efesios 4:18 - Qullan Arunaca

¹⁸ Uca amuyunacapasti ch'amact'atawa, chuymanacap kalarayasipjjatap laycusti janiw cuns yatipquiti, ucatwa Diosat jutqui uca jacañsa jan catokapquiti.

Aymar Bibliia 1986

¹⁸ Uca amuyunacapasti ch'amact'atawa, chuymanacap kalarayasipjjatap laycusti janiw cuns yatipquiti, ucatwa Diosat jutqui uca jacañsa jan catokapquiti.

Qullan Arunaka DC

¹⁸ amuyupas ch'amakt'atawa. Jupanakasti janiw Diosat jutki uka jakäwit kusisipkiti, chuymanakap qalarayasipxatap laykusti, janiw kunsa yatipkiti.

Efesios 4:18 Jak'a apnaqawi uñst'ayäwi

Salmos 74:20

Nanacamp arust'äwi luratamat amtasim, acapachajj jan wali lurañanacamp phokhantatawa.

Isaías 25:7

Aca kollunwa Tatitojj k'al t'unjani cuna velotejj marcanacaru imjjatcänjja uca, uqhamaraqui cuna mantotejj marcanacar imjjatcän ucsa.

Ezequiel 14:5

“Cawquïri israelitanacatejj nayat jithektjjapjje yakha diosanacaru yupaychañataqui, ucanacarusti nayaw chuymapa llamct'araquëjja.

Daniel (hebreo) 5:20

Ucampisa cunapachatejj sinti munañani tucjjäna, uqhamaraqui jach'a jach'a tucuñampi phokhantayasïna, ucapachaw Diosajj apakjjäna, take ch'amapsa uqhamaraqui jach'a cancañapsa reyïtap laycu.

Mateo 13:15

Aca jakenacan chuymanacapasti chhaktayatawa, jinchunacapasa llupantatawa, nayranacapasti jist'antataraquiwa; uqhamat jan uñjapjjañapataqui, jinchunacapas jan ist'apjjañapataqui, janiraqui chuymanacapansa amuyt'apjjañapataqui, jan nayan ucarus cuttaniñapataqui, nayasti jupanacarojj janiw c'umaraptaycäti.’

Marcos 3:5

Jesusasti colerataw jupanacarojj uñcatäna, jan amuyt'añ munapjjatapa yatisinsti, llact'asïnwa. Usut jakerusti sänwa: —Amparam ayatatam —sasa. Jupasti iyawsasaw amparapjja ayatatäna, ucatsti c'umaraquëjjänwa.

Juan 12:40

“Diosajj jupanacarojj juyqhwa tucuyi chuymanacapsa kalarayaraquiwa, jan nayranacapampi uñjapjjañapataqui, ni chuymanacapampis amuyt'apjjañapataqui; jan cuttanisinsa nayampi kollatäñapataqui.”

Hechos 17:30

Diosajj nayra jaquir jakenacan pisi amuyump jacatanacapjja janis cunäcaspa uqhamwa imantäna. Jichhasti takeniruw take token yatiyi, uca jan wali sarnakäwinac apanucupjjañapataqui.

Hechos 3:17

“Jichhasti jilatanaca, nayajj yattwa jan sum amuyt'casaw jumanacasa, uqhamarac jilïrinacamasa Jesusarojj jiwayapjjtajja.

Romanos 1:28

Niyaquitejj Diosarojj jan uñt'añ munapcchejja, Diosajj jupanacarojj uca jan wali luräwinacapar chhakañapataquiw jaytanucu, ucat jan walïqui uc lurapjjañapataqui.

Romanos 11:25

Jilatanaca, nayajj muntwa jumanacajj Diosan jamasan imantatäqui uca yatipjjañama, jan jumanacajj wali yatiñaninacjam tucupjjañamataqui. Ucasti acawa: Yakhep israelitanacajj chekpachansa chuymanacapjja kalarayasipjjewa, ucasti qhitinacatejj jan israelitanacäquis ucanacan mantañapcamaquiw lurasi.

Romanos 11:7

¿Uqhamajj cunaraquisti? Israelitanacajj janiw jicjjatcänti cuntejj thakapcän ucjja. Ucampis cuntejj Diosajj ajllcän ucjja jicjjatapjjewa, mayninacasti chuymanacapansa kalaratäpjjewa.

Romanos 2:19

Ucatsti jumajj juyqhur irpirjamaw amuyastajja, uqhamarac ch'amacancquis ucanacarus khantayirjamaraqui.

1 Corintios 1:21

Diosajj yatiw cuna luratapsa. Amtäwipansti janiraquiw acapacharojj jakenacan yatïwinacap toke khespiyañ munquiti, jan ucasti Diosajj arunacap tokew jakerojj khespiyañ muni, take qhitinacatï juparu catuyasqui ucanacaru. Uca parläwisti mayninacataquejj lokhe cancañar uñtatäcaspasa uqhamawa, uca tokwa Diosajj jakerojj khespiyañ munaraqui.

1 Corintios 2:8

Acapach marca apnakerinacajj aca Diosan amtäwipjja janiw amuyt'apcänti. Amuyt'apjjasapän ucajj janiw alajjpach Tatiturojj crusan jiwayapcasapänti.

2 Corintios 3:14

Ucampis jupanacajj janiw amuyapcänti. Jichhas cunapachatï uca nayra arust'äwi leet'asipqui ucqhajja, janiw amuyapquiti. Uca velosti janiw jupanacat apakatäquiti, Cristoquiw uca veljja apakaspa.

2 Corintios 4:4

Cunjämatï jupanacajj jan iyawsapquejja, ucatwa acapach diosajj jupanacan amuyt'anacapjja ch'amact'ayi jan Criston khanquir arunacapa uñjapjjañapataqui, Diosajj cunäquitejj uc uñacht'ayasa.

Gálatas 4:8

Nayrajj jumanacajj janïra Diosaru uñt'apcäyäta ucqhajja, jan chekpacha diosäpquis uca diosanacan esclavonacapäpjjäyätawa.

Efesios 2:1

Diosajj Cristomp chicaw jumanacar jacañ churapjjtam, jan wali luräwinacamana uqhamarac juchanacaman jiwatäsipcäyätas ucqha.

Efesios 2:12

Uca tiempojj jumanacajj jan Cristonïsipcäyätawa, Israel marcatsti jayanraqui, Diosan arust'äwinacap jan uñt'asina, aca orakenjja jan cuna suyt'añani, jan Diosaniraquiw jacasipcäyätajja.

Colosenses 1:21

Nayrajj jumanacajj Diosat jayancasipcäyätawa chuymanacamansti Diosan uñisirinacaparaqui, jan walinac lurapjjatam laycu. Ucampis jichhajj Diosajj jupampejj sumancthapiyjjapjjtamwa,

1 Tesalonicenses 4:5

Jan sarnakapjjamti jan wali amtañ chuymampejja, cunjämtejj jan Diosanquirinacajj lurapqui uqhamjja.

Hebreos 5:2

Cunjämtejj pachpa sacerdotejj janchin t'uqhasiñanacapjja t'akhesi, ucatwa qhuyapt'ayasiraquispa jan amuyt'irinacatsa, uqhamarac saranucutanacatsa.

Hebreos 9:7

Ucatsti Sinti Kollan Chekarojj jilïri jach'a sacerdotequiw mantirïna, maran mä cuti. Ucar mantañataquisti apañapänwa animalanacan wilapa, juchanacapat loktañataqui, uqhamarac jakenacataquisa.

Santiago 4:4

¡Jan Diosa chuyma jakenaca! ¿Janit jumanacajj yatipcta acapachampi sumancañajj Diosampi jan walincañätapjja? Qhititejj aca pachampi sumancañ munqui ucajj Diosan uñisiripawa.

1 Pedro 1:14

Ist'asir wawanacjamajja, jan munañanacamarjam sarnakapjjamti, cunjämtï janïra Diosar uñt'casajj sarnakapcäyätajj uqhamjja.

1 Juan 2:11

Ucampis qhititejj jilapar uñisisqui ucajja, ch'amacanwa sarnakasqui. Janiraquiw cawcsar saratapsa yatiscaraquiti ch'amacajj juyqhu tucuyatap laycu.