Oseas 3:4 - Qullan Arunaca

⁴ Walja maranacaraquiw israelitanacajj jan reyini, jan jilïri irpirini sarnakapjjanejja, jan sacrificionac loktasa, jan kollana kalanacani, jan sacerdotenacani, ni jupanacan uñt'at yakha diosanacas utjcaraquiniti.

Aymar Bibliia 1986

⁴ Walja maranacaraquiw israelitanacajj jan reyini, jan jilïri irpirini sarnakapjjanejja, jan sacrificionac loktasa, jan kollana kalanacani, jan sacerdotenacani, ni jupanacan uñt'at yakha diosanacas utjcaraquiniti.

Qullan Arunaka DC

⁴ Walja maranakaw israelitanakax jan reyini, jan jilïr irpirini sarnaqapxani, wilañchanak jan luqtasa, jan altaranakani, jan sacerdotenakani, jan yaqha diosanakani.

Oseas 3:4 Jak'a apnaqawi uñst'ayäwi

Génesis 31:19

Labanan yakha tokeru ovejanacapat t'arwanac yawiri sarañcamasti, Raquelajj tatapan diosanacapwa lunthatsuwayäna.

Génesis 31:34

Raquelasti diosanac catusinjja, camello montura mankharuw imantäna, ucat ucjjar kont'asiraquïna. Labanasti takpach carpa thakascäna, ucampis janiw jicjjatcänti.

Génesis 49:10

Janiw qhitis Judärojj ch'amapjja apakañ puedcaniti, cuna varatejj amparapancqui ucsa janiw apakcaraquispati, uca varan dueñopa jutañapcama, qhitirutejj marcanacajj jaysapcani ucqhacama.

2 Samuel 6:14

Davidasti efod lino sat isimpi ist'ataraquiw saräna, take ch'amapampiraquiw thokt'asïna,

2 Reyes 23:24

Josías reyejj tucjaraquïnwa take laykanacaru, yatirinacaru, utan wali munat c'ari diosanacaru, yakha diosanacarusa, uqhamarac cunanacatejj utjcäna yupaychañataqui ajjtcaya yänaca, Judá orakena uqhamaraqui Jerusalenansa. Ucsti jupajj luränwa Hilcías sacerdotejj Tatitun templopana jicjjatcäna uca ley libron kellkatanacar phokhasina.

2 Crónicas 15:2

jupasti Asa reyiru jicjjatiriw saräna, aqham sasa: “¡Jumajj Asa ist'ita, uqhamarac Judá, Benjamín ucanacanquiri jakenaca! Tatitusti jumanacampïsquiwa, jumanacatejj jupampïpjjäta ucajja. Jumanacatejj jupar thakapjjät ucajja, jicjjatapjjätawa, ucampis jumanacatejj jupar apanucupjjätajja, jupajj jumanacarojj apanucupjjaraquïtamwa.

Éxodo 28:4

Aqham isinacwa lurapjjañapajja: Pectoral sata nayräjja pechotaqui lurata, Efod sata jan mangasan jach'a camisa, mä jach'a capa isi, ucasti callachita khepäjj cayucamäñapawa, túnica sat jach'a jan mangasan isi cayucama, ucasti suma bordatäñapawa, mitra sata p'eketaqui mä coronar uñtata, uqhamarac mä cinturona. Uqhama suma isinacwa lurapjjäta Aarón jilamataqui, uqhamarac wawanacapataquisa, uqhamata jupanacajj nayan sacerdotenacajj-jamajj cunsa lurapjjañapataqui.

Éxodo 28:6

“Efod sat jan mangasan jach'a camisasti luratäñapawa korita, azul telata, wila morado telata, wila telata, uca telanacasti lino sat hilo c'anthitat luratäñapawa, uqhamarac suma bordatäñaparaquiwa.

Lamentaciones 2:9

Marcasti jan puncuni, jan jist'catañaniw uñjasi, puncunacasti t'unjata, pampanwa liwisisipqui. Reyinacapasa, jilïrinacapasa jan Diosar uñt'ir jakenacampi chicaquëjjewa; janiraquiw Diosan leyipas utjcjjeti. ¡Janiraquiw profetanacapasa Tatitutjja uñjäwinac catokcjjapjjeti!

Ezequiel 19:14

Layminacapatsti ninaw mistu, uca ninaraquiw cüllinacapsa, achunacapsa naqhantjjaraqui. Janiw jichhajj uca thuru layminacapajja, cawquïrinacatejj reyinacan thujrunacapa tuccän ucajj utjcjjeti.’ ” (Acajj alma imäwi k'ochuwa, uqhamataqui arsutapunïniwa.)

Ezequiel 20:32

Jumanacan p'ekenacamarojj, cawquïri yakha marcanacatejj lawanacaru, kalanacaru yupaychasipqui uqham tucuñamp phokhantatäpjjtawa, ucampis janiw ucajj uqhamäcaniti.

Ezequiel 21:21

Babilonianquiri reyisti cawqhantejj pä thaquejj kalltqui uca chekaruw sayt'asi, ucatsti suertenaca apsusiraqui; flechanacapsa walpun ucsat acsat uñaquipi, diosanacaparusa jisct'asiraquiwa, animalanacan q'iwchanacapsa uñjjataraqui.

Ezequiel 21:31

Jumjjarusti colerasiñajj-jja mä naqhantiri ninjamwa warjjatanëjja; cawquïri jakenacatejj t'unjaña uqhamaraqui wali khorüña yatipjje uca jakenacaruw catuyäma.

Daniel (hebreo) 11:31

“Soldadonacapasti templorusa, suma perkanacaparusa, ñankhachapjjaraquiniwa, sapa uru sacrificio loktasiñäqui ucsti suyt'ayjjaraquiniwa, uca chekarusti mä ajjtascaña luräwinaca lurapjjani, uqhamat Diosan yänacapa taquisisa.

Daniel (hebreo) 12:11

Sacrificio loktasiñajj suyt'ayatäqui ucatsti waranka pä patacani llätunc tuncani urunacaw pasañaparaqui, cunapachatejj ajjtascaña jan wali luräwinaca Tatitun templopan lurascani ucatjja ucqha urunacaw pasaraquini.

Daniel (hebreo) 9:27

Mä semanataquiquiw jupajj walja jakenacampi suma arust'äwinacar mantani, ucampis chica semanarusti sacrificionaca, ofrendanaca loktasiñanacjja chhaktayjjaniwa jan mayampitaqui. Sacrificio loktasiñ altara nayrakatansti mä jach'a jan waliraquiw lurasini, uca t'unjäwejj amtatäqui ucajj qhitinacatejj jan walinac lurapqui ucanacjjaru puriñapcama.’ ”

Oseas 13:10

Jichhasti, ¿cawquincarac reyimasti take marcanacamana jumar khespiyañataquisti? ¿Cawquincarac jilïrinacamasti, qhitinacarutejj reyinacsa maycayäta ucanacasti?

Oseas 13:11

Jumampi coleratäsinwa reyinacjja churayäsma, ucatsti coleratäsinracwa jumatjja apakjjsma.

Oseas 2:11

Cusisiñanacapasa uqhacamaquiraquïniwa: Fiestanacapsa, machak phajjsinacapsa, samarañ urunacapsa, fiestachasiñanacapsa, k'al tucjäjja.

Levítico 8:7

Ucat Aaronarojj túnica sat isimpiw uchantaraquïna, cinturonampi jiythapisinsti, capampiw isthapiyaraquïna; ucatsti efod isimpiw uscuraqui, ucatsti uca efodjja pachpa cintapampiw wali chint'araquïna.

Zacarías 10:2

Yakha diosanacan arupajj c'ariwa, cuntejj yatirinacajj uñjapqui ucajj c'ariwa. Arsutanacapajj inamay samcanacaquiwa, chuymachasiñ arunacapasti ina ch'usaquiwa. Ucatwa marcajj uywa tamar uñtata inac aywinakjjejja, awatirinacjamaw t'akhesisquejja.

Zacarías 13:2

Take aca marcanjja nayajj yakha diosanacan sutinacapjja t'unjaraquïwa jan mayampi amtasiñataqui. Uca pachparaquiw apakäjja profetanacsa, take ñankha ajayunacsa. Naya Tatituw ucjja arsta.

Lucas 21:24

Yakhepanacajj guerran jiwarayatäpjjaniwa, mayninacasti take marcanacaruw preso apatäpjjani; yakha marcat jutirinacaw Jerusalén marcjja tacsupjjani, cunapachcamatï uc lurañataquejj tiempojj churatäqui uca horascama.

Juan 19:15

Judionacajj juc'ampiwa art'apjjäna: —¡Jiwpan! ¡Jiwpan! ¡Ch'accatam! —sasa. Pilatosti jupanacarojj saraquïnwa: —¿Jumanacan reyimaruti ch'accatäjja? —sasa. Sacerdotenacan jilïrinacapajj ucjjarojj sapjjaraquïnwa: —Nanacan reyejjajj romanonacan emperadorapaquiwa, janiw juc'amp yakha reyinacajjajj utjapquituti —sasa.

Hebreos 10:26

Cunatejj chekäqui uca aru yatcasina juchachasiscaquiñäni ucajja, janiw juc'amp sacrificiojj utjcjjeti juchanacasatjja.

Jueces 17:5

Micaía sat chachana utapanjja mä chekawa utjäna culto lurañataqui. Ucatsti efod sat iswa lurasïna, uqhamarac familiapataquisa diosanaca luraraquïna. Ucatsti mayni yokaparuw sacerdoteta utt'ayäna.

Jueces 18:14

Pheska uñakerinacajj Lais sat chekanaca uñjir sarapcäna ucanacajja, jilanacaparojj sapjjänwa: —May jan yatipctatejja, aca utanjja utjiwa efod sat isi, familiataqui diosanaca, uqhamarac suma lurata yakha diosa patatjja kollkempi jawiquipata uqhamanaca. Ucampisti, ¿cuna lurañsa amuyapjjtajja? —sasa.

Jueces 8:27

Uca koritsti Gedeonajj mä diosa lursuyasasti Ofra sat marcaparuw uchayäna. Ucatsti take chekat israelitanacajj ucaruquiw sarapjjäna, jupanacajj uqhama Diosata armt'asisa. Uca luratapasti Gedeonataquejja mä lanctañänwa, uqhamarac familiapataquisa.

1 Samuel 14:3

Efod sata isi apiristi, Ahitob sat jaken Ahías yokapänwa. Uca Ahitob jakesti Icabod jaken sobrinopänwa, ucasti Finees sat jaken yokaparaquïnwa, Elí chachan allchhiparaqui, qhititejj Silo sat chekan Tatitun sacerdotepäcän uca. Jakenacasti janiw Jonatanan saratapjja yatipcataynati.

1 Samuel 15:23

Jupa contra sayt'asirejja, qhititejj laykasiñanac lurqui ucampi sasiwa; yakha diosanacar yupaychirimpi sasiwa qhititejj jupar jan ist'qui ucajja. Cunjämatejj jumajj arunacapar apanuctajja, jichhajj uqham luratam laycuw jupajj reyitjja apanucjjtam.”

1 Samuel 2:18

Ucampisa, Samuel waynajja, mä suma efod sat lino isimpi ist'ataw Tatiturojj sirviscaraquïna.

1 Samuel 21:9

Sacerdotesti saraquïnwa: —Jïsa. Goliat filisteo jaken espadapaquiw acancasqui, qhitirutejj jumajj atipcta Ela sisqui uca vallena. Qhayancasquiwa, efod khepäjjana, mä capan llawt'ata. Munsta ucajj apasiscam; ucat juc'ampi yakha armanacajj janiw utjquituti —sasa. Davidasti saraquïnwa: —Ucat juc'ampi asquejj janiw utjcaspati. Jichhpacha churita —sasa.

1 Samuel 22:18

Ucatwa reyejj edomita Doeg sat jakeruw ordenaraquïna: —¡Juma jiwarayam! —sasa. Uqhamasti Doeg sat jakejj sacerdotenacar catuntasinjja, quimsakallko tunca pheskani jakenacwa jiwarayäna. Jupanacasti efod sat linot lurat isimpi ist'atcamaquïpjjänwa.

1 Samuel 23:6

Ucañcamasti Ahimelec sacerdoten Abiatar yokapajja jaltjjaraquitaynawa Davidampi Keila marcana jiquisiñataqui, jupasti efod isi apasiraquitayna.

1 Samuel 23:9

Ucampisa, Davidajj Saúl reyin uqham nuwantaña amtatap yatisinjja, Abiatar sacerdoterusti efod isip mayiraquïna aptaniñapataqui, ucat Tatituru jisct'añataqui.

1 Samuel 30:7

Ucat Abiatar sacerdoterojj saraqui, uca sacerdotesti Ahimelecan wawapänwa: “Achict'assmawa, efod isi apanirapita” sasa. Abiatar sacerdotesti janc'aquiw Davidarojj efod isi churäna.