Oseas 3:5 - Qullan Arunaca

⁵ Uca khepatsti israelitanacajj cuttanjjapjjaniwa, ucatsti Tatit Diosaparuraquiw thakapjjani, uqhamarac David reyiparusa. Khepa urunacansti alt'at chuymampiw Tatiturojj jac'achasipjjani, uqhamarac cuna asquinactejj jupajj churqui ucanacarusa.

Aymar Bibliia 1986

⁵ Uca khepatsti israelitanacajj cuttanjjapjjaniwa, ucatsti Tatit Diosaparuraquiw thakapjjani, uqhamarac David reyiparusa. Khepa urunacansti alt'at chuymampiw Tatiturojj jac'achasipjjani, uqhamarac cuna asquinactejj jupajj churqui ucanacarusa.

Qullan Arunaka DC

⁵ Uka qhipatsti israelitanakax kuttanxapxaniwa, Tatit Diosaparuw thaqhapxani, David reyiparuw thaqhapxarakini. Uka qhipa urunakansti, askinak katuqapxatapatxa, alt'at chuymampiw Tatitur jak'achasipxani.

Oseas 3:5 Jak'a apnaqawi uñst'ayäwi

1 Reyes 12:16

Cunapachatï take Israel marcpachajj uñjapjjäna reyin jan jupanacar ist'atapjja, sapjjänwa: “¡Janiw cuna lurañanacasas utjquistuti! ¡Janiw cuna herenciasa jiwasajj jaljasctanti Isaí chachan yokapampejja! ¡Israelita jakenaca utasarcama sarjjañäni! ¡Davidaqui familiaparu uñjascpan!” sasa. Ucat ucspachawa israelita jakenacajj utanacapar sarjjapjjäna.

Isaías 17:7

Uca urunjja jakejj jupar uscuri Tatituruquiw uñtjjani, Israelan Kollan Diosaparu.

Isaías 2:2

Khepa urunacansti suma sayt'atäjjaraquiniwa, cawqhancquitejj Tatitun templopajj uca kollojja. Wali alto kollüniwa, take kollunacat sipansa wali altoraquïniwa. Take marcanacasti uca kolluruw jutapjjaraquini,

Isaías 2:3

walja jakenacaraquiw purinipjjani sapjjaraquiniwa: “Jutapjjam, Tatitun kollupar maqhatapjjañäni, Jacobon Diosapan temploparu, jupajj jiwasar sarnakäwinacap yatichañapataqui, ucat uca thaquipanjam sarañasataqui” sasa. Sión marcatwa Tatitun yatichäwipajj mistuni, Jerusalenatwa arunacapajj jutaraquini.

Isaías 60:5

Jumasti, ucanac uñjasajj walpun cusisïta, chuymamasti cusisiñansa phokt'ataraquïniwa; kota tokenquir marcanacan kamir cancañanacapwa apanirapipjjätam, marcanacan kamir cancañapwa catuyapjjaraquïtam.

Isaías 9:13

Ucampisa marcajj janiw jupanacar mutuyir Diosarojj maqhatapquiti; janiraquiw take ch'amani Dios Tatiturus thakapquiti.

Jeremías 23:5

Tatitojj siwa: “Mä uruw purinini cunürutejj Davidajj wawanïcani uca urojja, mä reyi, wali amuyt'ampi apnakañapataqui. Aca marcansti chekaparu, asquiruraqui uñjañapataqui.

Jeremías 30:24

Tatitun colerasiñapajj janiw tucuscaniti, jupajj take amtäwinacapa phokhañapcama. Mä uruw puriniraquini cunapachatejj jumanacajj take acanaca amuyt'apcäta ucapachajja.

Jeremías 30:9

Jupanacasti naya Tatitu Diosaparuw sirvipjjetani, uqhamaraqui Davidaru, qhitirutejj nayajj reyit utt'aycäjja ucaru.

Jeremías 33:17

Naya, Tatitusti, saractwa: Davidan wawanacapatjja utjapuniniwa mayni Israelan tronoparu kont'asirejja,

Jeremías 33:9

Jerusalenasti nayataquejj cusiscañäniwa, sumana uñjata, jach'achataraqui take marcanac nayrakatana aca orakenjja. Cunapachatejj jupanacajj ist'apjjani, cuna asquinactejj Jerusalenanquir jakenacjjaru apancä uqhamaraqui jach'aptañanacsa, churcäjja ucapachan uca yakha marcanacajj ajjsarañat qhathatipjjani.”

Ezequiel 16:63

Jumasti amtasisajj wal p'enkasïta, jisc'achatäcasmas uqhamaw amuyasiraquïta, janiw arsuscaraquïtasa cunapachatejj nayajj jumar perdoncäma ucapachajja. Naya Tatituw ucjja arsta.’ ”

Ezequiel 38:16

Ucatsti Israel marcajjaruw nuwantaraquïta. Gog, jumasti uca marcarojj mä ch'iyara kenayäcasmasa uqhamaw chhaktayaraquïta. Uca khepa urunacansti nayajj marcajj contraw jumarojj irpanïma, uqhamata juma toke, yakha marcanacajj yatipjjañapataqui, nayarusa uñt'apjjañapataquiraqui, cunapachatejj nayajj jupanacaru k'oma cancañajj uñacht'aycä ucapacha’ sasa.

Ezequiel 38:8

Acat mä walja maranacarusti, cawquïri marcatejj guerrancasqui uca marcaru nuwjañamataqui mä arsüwi catokäta, uca marcajj niya wasitata suma sartasitäjjaraquiniwa; walja marcanac taypina willitatata sarnakcäna uca marcaru, ucampisa uca marcajj Israel kollunacan niya tantacht'atäjjapjjaraquiniwa, uca marcasti wiñayataqui chhaktayatänwa. Ucapachasti jupanacajj yakha marcanacatjja cuttanjjapjjataynawa, takenisa c'uchiquiraquiw jacasisipcani.

Daniel (hebreo) 10:14

Cunatejj acat kheparu marcampejj pascani ucanac khanañchiriw jutsma, uca unañchawinac uñjcta ucanacasti uca urunac toketaraquiwa’ sasa.

Daniel (hebreo) 2:28

Ucampisa mayni Diosaw utji alajjpachana, qhititejj take imantata yänac khanañchqui uca, juparaquiw jichhajj juma jach'a reyirojj yatiyätam cunatejj acat kheparu pascani take ucanaca. Jichhasti, reyirojj khanañchäwa cunanactejj iccasina samcascatayna unañchäwinacsa uñjcatayna take ucanac toketa:

Oseas 1:11

Ucapachawa Israel marcanquir jakenacampi, Judá marcanquir jakenacampejj mayacht'asjjapjjani, ucatsti mä sapa jilïriruwa utt'ayasjjapjjani, take toketsti Jerusalén marcarcamaraquiw cuttanjjapjjani. ¡Jezreelan urupasti wali jach'apunïniwa!

Oseas 11:10

Jupanacasti Tatituruw arcapjjani, jupasti mä leonjamaw warariraquini. Warariniwa, ucatsti jupanquirinacajj qhathatt'asisaw inti jalanta toket jutjjapjjani.

Oseas 5:15

“Ucatsti utjäwejjaruw cuttawayjjä, jupanacan juchanacap uñt'asiñapcama, nayar thakeri jutapjjañapcamaraqui. ¡Llaquisiñanacapanwa nayarojj thakapjjetani!”

Oseas 5:6

Ovejanacapampi, vacanacapampi cunaw Tatitur thakerejj sarapjjani, ucampis janiw jicjjatapcaniti, jupanacat jayarst'awayjjatap laycu.

Oseas 6:1

Takeni jutapjjam, Tatitun ucar cuttjjañäni. Jupaw usuchjistu, juparaquiw c'umarachjjestani; chhojjriñchjistuwa, juparaquiw kolljjatjjestani.

Amós 9:11

“Davidan tincuta utapa wasitat sayt'ayañ urojj jutasquiwa. Perka p'iysutanacsa phokantaraquïwa, perka t'unjatanacs wasitatwa sayt'ayaraquï, nayrapachajj cunjämacäntï uqhamwa lurt'araquëjja.

Miqueas 4:1

“Khepa urunacanjja cawqhancquitï Tatitun templopajj uca kollojja suma sayt'ayatäniwa. Uca kollusti wali altöniwa, take kollunacat sipansa wali altoraquïniwa. Take marcanacaw ucarojj jutapjjaraquini,

Números 24:14

Jichhasti marcajjaruw cuttjjä, ucampis arsuwayäwa cuntejj aca marcajj khepa urunacan marcamampi lurcani ucanaca.

Romanos 11:25

Jilatanaca, nayajj muntwa jumanacajj Diosan jamasan imantatäqui uca yatipjjañama, jan jumanacajj wali yatiñaninacjam tucupjjañamataqui. Ucasti acawa: Yakhep israelitanacajj chekpachansa chuymanacapjja kalarayasipjjewa, ucasti qhitinacatejj jan israelitanacäquis ucanacan mantañapcamaquiw lurasi.

Romanos 2:4

¿Jan ucajj Diosan munasiñapjja, jan tucusquir llamp'usiñapsa janich yäkcta? Chekpachansa uca Diosan llamp'u tucutapajja juman take ucanac arrepientisisa apanucuñamataquiwa.

Deuteronomio 4:30

Cunapachatï jumanacajj take uca t'akhesiñanaca, llaquisiñanaca pasapjjäta, uqhamaraqui Tatitu Diosarus cuttapjjäta, iyawsapjjaraquïta ucqhajj,