Oseas 3:5 - Qullan Arunaka DC

⁵ Uka qhipatsti israelitanakax kuttanxapxaniwa, Tatit Diosaparuw thaqhapxani, David reyiparuw thaqhapxarakini. Uka qhipa urunakansti, askinak katuqapxatapatxa, alt'at chuymampiw Tatitur jak'achasipxani.

Aymar Bibliia 1986

⁵ Uca khepatsti israelitanacajj cuttanjjapjjaniwa, ucatsti Tatit Diosaparuraquiw thakapjjani, uqhamarac David reyiparusa. Khepa urunacansti alt'at chuymampiw Tatiturojj jac'achasipjjani, uqhamarac cuna asquinactejj jupajj churqui ucanacarusa.

Qullan Arunaca

⁵ Uca khepatsti israelitanacajj cuttanjjapjjaniwa, ucatsti Tatit Diosaparuraquiw thakapjjani, uqhamarac David reyiparusa. Khepa urunacansti alt'at chuymampiw Tatiturojj jac'achasipjjani, uqhamarac cuna asquinactejj jupajj churqui ucanacarusa.

Oseas 3:5 Jak'a apnaqawi uñst'ayäwi

1 Reyes 12:16

Ukatsti taqpach Israel markaw reyin jupanakaru jan ist'atap uñjasin, akham jupar sapxäna: “¡Janiw kuna lurañanakasas Davidamp utjkistuti! ¡Janiw Jesé chachan yuqapampi kuna katuqäwi jaljasiñasa utjapkistuti! ¡Israelit jaqinaka, utasarkam sarxañäni! ¡Davidan wila masinakapak ayllupankirinakar apnaqaskpan!” sasa. Ukat ukspachaw israelita jaqinakax utanakapar sarxapxäna.

Isaías 17:7

Uka urunxa, israelit jaqinakax jupar uskt'ir Tatituruw kuttanxapxani, Israelan Qullan Diosapäki ukaru.

Isaías 2:2

Qhipa urunakan kawkhankkitix Tatitun utapax uka qullux suma sayt'ayatäniwa. Uka qullusti alayarux wali jach'äniwa, taqi qullunakat sipansa wali jach'arakïniwa. Ukarux taqi markanakaw jutapxani;

Isaías 2:3

walja markanakaw purintanipxani, akham sasa: “Jutapxam, Tatitun qullupar makhatapxañäni, Jacobun Diosapan utaparu, jupaw jiwasarux thakhip uñacht'ayistani, ukhamat thakhipanjam sarnaqañasataki” sasa. Sión qullutpach Tatitun yatichäwinakapax mistuni, Jerusalenat arunakapas misturakini.

Isaías 60:5

Quta tuqinkir markanakan qamir yänakap apanirapipxätam, markanakan qamir yänakap katuyapxarakïtam, jumasti, ukanak uñjasax walpun kusisïta, chuymamas kusisiñan phuqt'atäniwa.

Isaías 9:13

13 (12) Ukampis jupanakar mutuyir Tatiturux janiw makhatapkiti; janirakiw taqi ch'amani Tatiturus thaqapkiti.

Jeremías 23:5

Tatitux siwa: “Mä uruw purinini Davidan wawapax reyïkani uka uru, jupax wali amuyt'ampiw sarayani, chiqpach luräwimpiw aka marka apnaqani.

Jeremías 30:24

Tatitun phiñasiñapax janiw tukuskaniti, jupan taqi amtäwinakap phuqhañapkama. Mä uruw jumanakax taqi akanak amuyt'apxäta.

Jeremías 30:9

Jupanakasti naya Tatitu Diosaparuw yupaychapxitani, Davidaruw luqtapxarakini, khitirutix nayax reyit utt'aykä ukaru.

Jeremías 33:17

Naya, Tatitusti, saraktwa: Davidan wawanakapatxa utjapuniniwa Israel markan mayni reyipaxa,

Jeremías 33:9

Jerusalén markasti nayatakix kusiskañäniwa, yaqha markanakatakis suman uñjata, jach'achat markäniwa. Kunapachatix Jerusalén markar askinak nayan churatax ist'apkani ukkhasti, uka markanakax axsarañat khathatipxani.”

Ezequiel 16:63

Jumasti amtasisax wal p'inqasïta, jisk'achjataw amuyasïta, janiw arsuskarakïtasa, nayax jumar uka jan wali luratanakam pampachkäma ukapachaxa. Naya, Tatituw uk arsta.’ ”

Ezequiel 38:16

ukatsti Israel markaxaruw nuwantäta. Gog, jumasti uka markarux mä ch'iyar qinayäkasmas ukhamaw chhaqtayäta. Uka qhipa urunakansti nayax markaxar nuwantañamatakiw jumar irpanïma, ukhamat juma tuqi yaqha markanakax yatipxani, nayarus uñt'apxarakitani kunapachatix nayax jupanakaru q'uma kankañax uñacht'aykä ukapacha’ sasa.

Ezequiel 38:8

Akat walja maranakarusti, Israel markar nuwantañamatakiw khithäma. Aka markax q'ala tukjatänwa, walja maranakarakiw ukham tukjat uñjasïna. Jaqinakapax katuntataw uñjasïna, ukatsti yaqha markanakar apayatäpxarakïnwa. Ukampis nayaw jupanakarux uka markanakat irpsunxta, jichhasti Israel qullunakan wasitat tantacht'atäxapxiwa. Ukanarak k'uchik jakasxapxi.

Daniel (hebreo) 10:14

Jichhasti nayax, kunanakatix markaman akat qhiparu utjkani ukanakat qhanañchiriw jutta, unañchäwi uñjatamax uka urunakat yatiyi’ sasa.

Daniel (hebreo) 2:28

Ukampis mä Diosaw alaxpachan utji, jupax jan amuyt'kayanak qhanañchiriwa, juparakiw juma jach'a reyirux yatiytam kunatix akat qhiparu utjkani taqi ukanaka. Nayaw juma jach'a reyir qhanañchäma kunanaktix ikkasina samkaskta, unañchäwinaksa uñjkarakta taqi ukanakata:

Oseas 1:11

11 (2) Ukapachaw Israel markankir jaqinakampi, Judá markankir jaqinakampix mayacht'asxapxani, mä sapa jilïr irpirik utt'ayasxapxani, taqi tuqitsa Jerusalén markarkamaw kuttanxapxani. ¡Uka urusti wali jach'a urupunïniwa!

Oseas 11:10

Jupanakasti Tatituruw arkapxani, jupasti mä leonjamaw wararini. Wararitapatsti, jupankirinakax khathatt'asisaw inti jalanta tuqit jutxapxani.

Oseas 5:15

“Juchanakapat kutikipstañapkamasti, utjäwixaruw kuttä, kunapachatix juchanakap uñt'asxapxani ukkhasti, llakisiñanakampiw phuqhantasipxani, ukhamat nayar thaqhapxitani”.

Oseas 5:6

Ovejanakapampi, vacanakapampi kunaw nayarux luqtäwi churañatak thaqhir jutapxäta, ukampis janiw jikxatapkitätati. ¡Nayax jaytanukuwayapxämawa!

Oseas 6:1

Taqin jutapxam, Tatitun ukar kutkatxañäni. Jupaw usuchjistu, juparakiw k'umarachxistani; chhuxriñchjistuwa, juparakiw qullt'xistani.

Amós 9:11

“Davidan tinkut utap wasitat sayt'ayañ urux jutaskiwa. Pirqa p'iysutanaksa phuqhantäwa, pirqa tinkutanaksa wasitat sayt'ayä, kunjamäkäntix nayrapachax ukham lurt'arakï,

Miqueas 4:1

Qhipa urunakanxa, kawkhankkitix Tatitun utapax uka qullux suma sayt'ayatäniwa. Uka qullusti taqi qullunakat sipansa wali jach'äniwa. Taqi markanakaw ukarux jutapxani,

Números 24:14

Jichhax markaxar kuttawayxä, ukampis janïr sarkasin, kuntix akat qhipar Israel markax markamar lurkan uk arsuwayä —sasa.

Romanos 11:25

Jilatanaka, nayax Diosan jamasan imantatäki uk yatipxañam munta, ukhamat jan jumanakax yatiñaninakjam tukusipkañamataki: yaqhip israelitanakax chuymanakap qalarayasipxi, ukasti jan israelitanakäpki ukanakan mantañapkamakiwa.

Romanos 2:4

Jumasti Diosan jan tukuskir munasiñapsa, walikiw sañapsa, llamp'uchasiñapsa janiw yäqktati, munasiñapan jupa tuqir kutikipstatamsa janiw amuyasktati.

Deuteronomio 4:30

Kunapachatix jumanakax taqi uka t'aqhisiñanakana, llakisiñanakan uñjasisina, Tatitur kuttapxäta, iyawsapxarakïta ukkhaxa,