Oseas 4:1 - Qullan Arunaca

¹ Israel jakenaca ist'apjjam cuntejj Tatitojj sisqui ucjja. Jupajj jichhajj ch'ajjwaruw manti, qhitinacatejj aca marcan jacapqui ucanacampejja, jupanac pura jan sum sarnakapjjatap laycu, janiraquiw cheka chuymanïñas utjquiti, ni Diosar uñt'añas utjcjjaraquiti.

Aymar Bibliia 1986

¹ Israel jakenaca ist'apjjam cuntejj Tatitojj sisqui ucjja. Jupajj jichhajj ch'ajjwaruw manti, qhitinacatejj aca marcan jacapqui ucanacampejja, jupanac pura jan sum sarnakapjjatap laycu, janiraquiw cheka chuymanïñas utjquiti, ni Diosar uñt'añas utjcjjaraquiti.

Qullan Arunaka DC

¹ Israel jaqinaka, Tatitun arunakap ist'apxam. Jupax jichhax aka markan jakirinakampiw ch'axwar manti, jupanak pura jan sum sarnaqapxatapata, jan chiqa chuymanïpxatapata, Tatitur jan uñt'apxatapata.

Oseas 4:1 Jak'a apnaqawi uñst'ayäwi

1 Reyes 22:19

Micaiasasti sascaquïnwa: —Uqham satamatjja, ist'am Tatitun arunacapa: ‘Tatiturojj tronopana kont'atäsquirwa uñjta, ucatsti alajjpachanquir ejercitorusti jupa chica sayt'atäsquiriraqui, cupëjjapana, uqhamarac ch'ekäjjapanraqui.

Salmos 81:9

Janiw yakha marcanquir diosanacanïyätati, janiw yakha marcanquir diosanacarojj yupaychätati.

Isaías 1:10

Sodoma marcan jilïrinacapa, Tatitun arunacap ist'apjjam. Gomorra marcachirinaca, jichhasti sum ist'apjjam cuntejj jiwasan Diosasajj yatichquistani uca.

Isaías 1:18

Tatitojj siwa: “Jutapjjam, uca jan wali luratanacamat parlapjjañäni. Juchanacamajj wila colorar uñtatäcchinisa, nayajj qhunjam jank'ow tucuyäjja; ch'iyar wila isir uñtatäcchinisa, nayajj jank'o t'arwaru uñtata tucuyäjja.

Isaías 28:14

Ist'apjjamay Tatitun arunacapa, ñankha jakenaca, Jerusalén marca apnakerinaca.

Isaías 34:1

Marcanaca, jac'achasinipjjam ist'añataqui; jach'a marcanaca, wal wal ist'apjjam. Take aca orakpacha ist'pan uqhamaraqui ucan utjirinacasa, take aca orakpacha, cunanacatejj pokqui ucanacamppacha.

Isaías 34:8

Jïsa, uca urojj Tatitun asut'iñapa urüniwa, phoksusiña mararaquïniwa Sionataquejja.

Isaías 5:3

Jichhajj Jerusalenan utjir jakenaca, Judá marcan jaquir jakenaca, sapjjam jichhajj qhitis juchani, uva yapojjati jan ucajj nayacha.

Isaías 59:4

Janiw qhitis chekaparu arsusquiti, cheka uñjäwi jicjjatañansti janiraquiw cheka chuymampi sarquiti. Jan ucasti c'ari arunacaruw juc'ampi alcatasipjje, uqhamaraqui cunatejj jan chekapäqui uca arunacaru, ñankha lurañampisti wallk'eptatäpjjewa, ucatsti jake jiwayañracwa wawachapjje.

Isaías 59:8

Janiw sumancañ thacjja uñt'apquiti, luräwinacapansti janiw cheka cancañajj utjquiti. Thaquinacapasti maysar k'ewitcamaquiwa; uca thaquinjam saririnacasti janiw samarañjja jicjjatapquiti.

Isaías 66:5

Tatitun arunacap ist'apjjam, jumanaca qhitinacatejj arunacapa phokhapcta ucanaca: “Jumanacan yakhepa marca masinacamajja qhitinacatejj jumanacar uñisipctam, arcnakapjjaractam nayan sutejja aytasipjjatam laycu, ucanacasti sapjjewa: ‘Tatitojj jach'a cancañap uñacht'aypanaya, jumanacarusti c'uchicwa uñjañ munapjjsma’ sasa. Ucampis jupanacajj mä p'enka jisc'achjataw uñjasipjjani.

Jeremías 11:7

Cunapachatejj awquinacaparu Egiptot apsuncäyäta ucapachasti saraquïyätwa, nayaruc jaysapjjeta sasa, ucatpacha jichhacamasti ucjja sascaquipuntwa.

Jeremías 19:3

Jupanacarusti saraquim: ‘Judá orakenquir reyinaca, uqhamaraqui Jerusalén marcan utjirinaca, Israelan take ch'amani Dios Tatitupan arunacapa ist'apjjam, jupasti siwa: Aca marcarusti mä jach'a t'akhesiñwa apayanï take uca yatiyäwi ist'irinacasti wali sustjataw kheparapjjani.

Jeremías 2:4

Jacobon wawanacapa, Israelan take familianacapa, jumanacajj takpachani Tatitun arunacapa ist'apjjam.

Jeremías 2:9

“Ucatwa naya, Tatitojj, arsta: Mä juchañchäwi lurä jumanacampi uqhamarac allchhinacamampisa.

Jeremías 25:31

Jupan jach'at arnakasitapasti acapach tucuscamaw ist'asi, Tatitusti jichhajj take marcanacampiw luratanacapatjama wayt'añ kallti, take jakenacarusti chekaparjamaw uñjaraquini, juchaninacarusti jiwañataquiw catuyaraquini. Tatituw ucjja arsu.’ ”

Jeremías 34:4

Ucampisa jichhajj Sedequías reyi, ist'am, cuntejj naya Tatitojj siscäma uca arunaca: Janiw jiwcätati espadan jiwayatajja.

Jeremías 4:22

“Marcajjajj k'ala lokheratawa, janiw uñt'cjjaraquituti siw Tatitojja. Jan amuyt'asiri wawanacäpjjewa, janiw amuythapisipquiti. Ñankhanac lurañanacataquisti ch'amanacapas jilararaquiwa, ucampisa janiw cunatejj asquïqui ucjja lurañ yatipquiti.”

Jeremías 4:28

Aca orakejj llaquisiñampi phokhantatäniwa, alajjpachas lutot ist'asiraquini. Nayaw arsta, janiw kheparojj cuttcäti, take cunas amtatäjjew, janipuniw khepar cuttcäti.

Jeremías 5:4

Nayasti saractwa: “Pobrenacaquiw pisi chuyma jakenacjam sarnakapjjejja, cunatsa jan amuyt'asipjjpacha cuntejj Tatitojj munqui ucjja, cuntejj Diosapajj sisqui ucjja.

Jeremías 51:5

Israel marcampi, Judá marcampejja nayataquejj nayrakatan jucha lurapcchi ucasa, uqhamaraqui jucha luratanacapampejj marcanacapjja phokhantapcchi ucasa, naya take ch'amani Tatitojja, Israelan Kollan Diosapajja, janiw jupanacarojj apanuccti.

Jeremías 6:13

“Takenisa, jisc'as jach'asa, lunthatasiñampi jicjjatañatacwa lup'isipquejja; profetanacasa, sacerdotenacasa, takeniw lunthatasiñaru catuyasipjje.

Jeremías 7:28

Saraquim: ‘Aca marcajj janiw Tatitu Diosaparojj jaysañ munquiti, janiraquiw chekachayasiñsa munquiti. Cheka chuymampi sarnakañasti jupanacatjja k'ala chhaktatäjjewa’ ” sasa.

Jeremías 9:20

Warminaca, Tatitun arunacapa ist'apjjam, cuntejj siscani ucanacsti suma isch'uquipjjam. Wawanacamarusa jachañ yatichapjjam, amiganacaparusti aqhama warariñaraqui:

Jeremías 9:3

C'arisiñataquisti janc'aquïpjjewa, flechanacsa mä arcompi antutt'apcaspa uqhama. Aca marcansti c'arisiñaquiw phokt'atäsqui, janiw chekapajj utjquiti; jan walit juc'ampi jan waliruquiw sarjjapjje, ucatsti pachpa Tatituw arsuraqui: “Janiw nayarojj uñt'añ munapquituti” sasa.

Jeremías 9:7

Ucatwa naya take ch'amani Diosajj sistjja: ¿Cunsa jichhajj marcajjampejj luriristjja? Jan ucasti ninaru k'omachatäñapataqui uscuñaquiw waquisjje.

Ezequiel 16:35

“K'añu lurañanacan sarnaker warmi, jichhajj Tatitun arunacapa ist'am:

Oseas 12:2

Tatitojj Israelampejj ch'ajjwaniwa. Jacobon marcaparusti sarnakäwipatjamawa mutuyani; luräwinacapatjamracwa pago catokapjjani.

Oseas 12:3

Jacobojj, janïra nascasapuniw jilaparojj ñankha luränjja, chachäjjän ucqhasti Diosampiw nuwasiraquïna.

Oseas 5:1

“Sacerdotenaca, ist'apjjam aca arunaca; Israel marca, ist'apjjam jumanacasa; jumanaca, reyin utapan utjirinacasa ist'apjjaraquim: Taripäwisti jumanac conträniwa, jumanacajj Mizpanjja mä sipitjama uchatäpjjäyätawa ucata, uqhamarac Tabo kollu patansti mä känaru uñtata jant'acutäpjjaraquïyätawa,

Oseas 5:4

Jakenacan jan wali luratanacapaw Diosaparojj jan cuttayanquiti. Wachoka juchampi atipjatäsinwa, Tatiturojj jan uñt'cjjeti.

Joel 1:2

“Sum ist'apjjam aca arunaca, jilïri jakenaca, uqhamarac jumanacasa, aca marcan utjir jakenaca. ¿Jumanacajj uñjapjjëritati cuntejj jichhajj uñjapcta ucjja? ¿Take acanacajj janit awquinacaman urunacapanjja uñjasirïcänjja?

Amós 3:1

Israelitanaca, ist'apjjam cuntejj Tatitojj Egipto marcat irpsunqui uca familianacar sisqui uca arunaca:

Amós 7:16

“Jichhasti, ist'am Tatitun arupa. Jumasti aqham sistawa: ‘Jan Dios toketjja cuns parlamti Israel marca contrajja, ni Isaacat mirtir wawanacap contrasa’ sasa.

Miqueas 6:2

Jumanacas kollunaca, ist'apjjaraquim, uqhamarac jumanacas oraken kalltäwinacapa; Tatitojj marcapar juchañchañataquiw sarti; Israelampisti ch'ajjwañaruw mantapjjani.

Juan 8:55

Ucampis jumanacajj janiw uñt'apctati, nayasti uñt'twa. Nayatejj: ‘Janiw uñt'cti’ sirista ucajja, jumanacjam c'ariw tucuraquirista. Chekpachansa nayajj uñt'twa, cuntejj jupajj sisqui ucwa luraracta.

Romanos 1:28

Niyaquitejj Diosarojj jan uñt'añ munapcchejja, Diosajj jupanacarojj uca jan wali luräwinacapar chhakañapataquiw jaytanucu, ucat jan walïqui uc lurapjjañapataqui.

1 Corintios 15:34

Jumanacajj sum amuyasipjjam, janirac juc'ampi juch lurcjjapjjamti. Jumanacat yakhepanacasti janïraw Diosar uñt'apquiti, acsti sistwa jumanacan p'enkasipjjañamataqui.

Apocalipsis 2:11

Qhititejj ist'añ munqui ucajj ist'pan cuntejj Kollan Ajayojj iglesianacar sisqui ucjja: Qhititejj atipjcani ucajj janiw cuna t'akhesiñsa catokcaniti payïri jiwäquis ucanjja.’

Apocalipsis 2:29

¡Qhititejj ist'añ munqui ucajj ist'pan cuntï Kollan Ajayojj iglesianacaru sisqui ucjja!’