Oseas 4:2 - Qullan Arunaca

² C'ari juramentompi, c'arisiñampiquiw utjasqui, jake jiwayañampi, lunthatasiñampi, wachoka jucha lurañampi, nuwasiñampi; jakenac puraw jiwarayasisipcaraqui.

Aymar Bibliia 1986

² C'ari juramentompi, c'arisiñampiquiw utjasqui, jake jiwayañampi, lunthatasiñampi, wachoka jucha lurañampi, nuwasiñampi; jakenac puraw jiwarayasisipcaraqui.

Qullan Arunaka DC

² Ukampis k'ari juramentompi, k'arisiñampikiw utjaski, jaqi jiwayañampi, lunthatasiñampi, wachuq jucha lurañampi, nuwasiñampi; jaqinak pura jiwarayasiñampi.

Oseas 4:2 Jak'a apnaqawi uñst'ayäwi

Génesis 4:8

Mä uruw Cainajj Abel jilaparojj saraquïna: “Pampar sarascañäni” sasa. Cunapachatejj panpachani pampancasipcän ucqhajj, Cainajj Abel jilaparuw nuwjäna, jiwayañcama.

Isaías 24:5

Orakesti jakenacampi taquisitawa, leyinacsa apanucupjjaraquiwa, camachinacsa janiw phokhapcaraquiti, Tatitun wiñayatac arust'äwipsa t'unapjjaraquiwa.

Isaías 48:1

“Jacobon familiapa, ist'apjjam aca arunaca, jumajj Israel suti aptajja, Judá chachat sarakeriraquïtawa; Tatitun sutipjjaruraquiw juramento lurtajja; Israelan Diosaparuraquiw art'astajja, ucampis janiw cheka chuymamajj utjquiti ni asquïcaractasa;

Jeremías 51:5

Israel marcampi, Judá marcampejja nayataquejj nayrakatan jucha lurapcchi ucasa, uqhamaraqui jucha luratanacapampejj marcanacapjja phokhantapcchi ucasa, naya take ch'amani Tatitojja, Israelan Kollan Diosapajja, janiw jupanacarojj apanuccti.

Jeremías 6:7

Jerusalenatwa ñankha lurañajj mistu, cunjämatejj umajj mä phuch'ut mistojj uqhama. Uca marcansti nuwasiñanacampi ch'ajjwañanacampiquiw ist'asisqui; ucansti chhojjriñchasiñanacaqui, usuyasiñanacampicwa uñjaractjja,

Lamentaciones 4:13

¡Take ucanacasti profetanacapana, uqhamaraqui sacerdotenacapan juchanacap laycuw lurasi, jupanacasti pachpa marca mankhanwa jan juchani jakeru jiwayapjjaraquïnjja!

Ezequiel 7:23

“Mä cadena waquichasiraquim, aca marcanjja walja jakenacaru jake jiwayirinacat juchañchapjje, aca marcasti nuwasiñanacana phokhantataraquiwa.

Oseas 10:13

Ucampis jumanacajj ñankhac yapuchapjjtajja, cunatejj jan chekäqui ucacrac apthapipjjtajja, c'ari achunacacracwa mank'apjjtajja. “Jumanacajj guerrar sarir carronacamaru, uqhamarac walja soldadonacamaru iyawsapjjatam laycojja,

Oseas 10:4

Parlac parlasapänjja, inamayaquiraquiw cunsa parlasapänjja arust'äwinacsa firmasapänjja; cheka cancañapasti veneno alir uñtataquïsapänwa cunjämatejj uca alejj yapu taypin jili uqhama”.

Oseas 11:12

“Efrainajj c'arimpiw muyuntitu; Israel marcasti sallkjañampiraqui. Judästi Diosatjja jithekjjaraquiwa, jichhasti yakha diosanacaruw take chuyma arcaraqui.”

Oseas 12:14

Efrainanquir jakenacajj Tatiturojj colerayapjjänwa, chuymapsti walirac ust'ayaraquïnjja. Ucatwa Tatitojj jake jiwayatanacapatjja t'akhesiyani; jupanacjjarusti pachpa ñankha luratanacapawa tincuyaraquini.

Oseas 5:2

Sitim vallensti mä mankha uma phuch'ur uñtata allsutäpjjäyätawa; ucatwa nayajj mutuyapjjämajja.

Oseas 6:8

Galaad marcajj ñankha lurir jakenacan marcapawa, marcpacha wilararcamaquiraquiwa.

Oseas 6:9

Sacerdotenacajj lunthatcamaquïpjjewa, jaket lunthatañac uñch'uquisipqui; jake jiwayapjje, cunayman jan walinacraqui lurapjje Siquem thaquinjja.

Oseas 7:1

cunapachatejj marcajjar kolljjañ munta, Efrainampiru, Samariampiru ucqhajja, juchapampi jan wali luratanacapampiquiw uñsti. Takenis c'aricamaquiwa; lunthatanacjamaw, utanacarus mantasipcaqui, callenacansa jakenacatjja lluch'susipcaquiwa.

Oseas 7:3

“Marcajjajj ñankha luräwinacapampi, c'arisiñanacapampejj reyirus, jilïrinacaparus cusisiyiwa.

Oseas 7:4

Take jupanacasti wachoka juchan sarnakerinacawa; ninan phichcatat hornjamawa, cunjämatejj hornonejj naccatayi, ucatsti apanucuwayi masan poktaniñapcama.

Miqueas 3:2

Ucampis cunatejj asquïqui ucjja uñisipjjtawa, ñankhäqui ucwa munapjjaractajja. Marcajjarusti lluch'supjjaractawa, k'ara ch'aqha jaytapjjaractajja.

Miqueas 3:9

“Ist'apjjam jichhajj aca arunaca Israelan marca apnakerinacapa, uqhamarac jilïrinacapa, jumanacasti cunatejj chekäqui ucjja uñisipjjtawa, uqhamarac cunatejj asqui lurañäqui ucsa maysaruw k'ewipjjtajja.

Miqueas 6:10

Ñankha jaken utapanjja lunthatat yänacampi, uqhamarac cuntejj nayajj uñiscta uca c'ari pesanacampiquiw utji.

Miqueas 7:2

Aca orakensti janiraquiw mayni jakes utjcjjeti cheka sarirejja ni Diosatacjamasa; takenis nuwasiñampi lurañ horasacwa suyt'asipqui; maynit maynicamaraquiw aynacht'ayasisipqui.

Sofonías 3:1

“Ay, Jerusalén marca, Dios contra sayt'asir marca, juchansa k'añuchata, yakha marcanacarus t'akhesiyiriraqui.

Zacarías 5:3

Ucatsti saraquituwa: —Ucan kellkatawa take marcanacan maldicionapajja. Cunatejj purap thiyan kellkatäqui ucarjamajja, janiw qhiti lunthatirisa, c'ari juramento luririsa jan castigatajj kheparcaniti.

Zacarías 7:9

“Acsti nayapï arstjja: Jumanacajj chekäpjjam taripañanacamansa, suma cancañansa, maynit maynicama qhuyapayasiñansa chekapäpjjapunim.

Mateo 23:35

Uca laycupï take suma jakenacan jiwayatäpqui ucanacajj jumanacjjancanejja, Abel sat asqui jaket kalltasina, Berequiasan Zacarías sat yokapcama, qhitirutejj jumanacajj Diosan templopan jiwayapctas uca.

Hechos 7:52

¿Cawquïr profetanacarus awquinacamajj jan t'akhesiyapcänjja? Ucatsipana mayni asqui jaken jutañapat yatiyirinacarusa jiwayapjjaraquïnwa. Jichhasti jup jutjjepanjja, jumanacajj juparojj catuntasinwa jiwayapjjaractajja.

Deuteronomio 5:11

‘Janiwa Tatitu Diosaman sutipjja ina ch'usat aytasïtati. Diosasti mutuyaniwa qhitinacatï ina ch'usat sutip aytasqui ucanacarojja.

Deuteronomio 5:18

‘Janiw wachok jucha lurätati.

Deuteronomio 5:19

‘Janiw lunthatasïtati.

1 Tesalonicenses 2:15

Aca judionacaw Tatit Jesusarojj jiwayapjjäna, cunjämtejj nayrapacha profetanacap jiwayapjjatayna uqhama, nanacarus jaksunipjjaraquituwa. Diosarojj janiw cusisiyapquiti, take jakenac conträpjjaraquiwa.

Apocalipsis 17:6

Ucatsti mäquiw amuyasta uca warmejja Diosan wawanacapana, Jesucristot khanañchirinacana wilapampi machjatätapa. Uc uñjasinsti wali musphataw uñjasta.