Oseas 4:2 - Qullan Arunaka DC

² Ukampis k'ari juramentompi, k'arisiñampikiw utjaski, jaqi jiwayañampi, lunthatasiñampi, wachuq jucha lurañampi, nuwasiñampi; jaqinak pura jiwarayasiñampi.

Aymar Bibliia 1986

² C'ari juramentompi, c'arisiñampiquiw utjasqui, jake jiwayañampi, lunthatasiñampi, wachoka jucha lurañampi, nuwasiñampi; jakenac puraw jiwarayasisipcaraqui.

Qullan Arunaca

² C'ari juramentompi, c'arisiñampiquiw utjasqui, jake jiwayañampi, lunthatasiñampi, wachoka jucha lurañampi, nuwasiñampi; jakenac puraw jiwarayasisipcaraqui.

Oseas 4:2 Jak'a apnaqawi uñst'ayäwi

Génesis 4:8

Mä urusti, Cainax Abel jilaparuw säna: “Pampar saraskañäni” sasa. Kunapachatix panpachani pampankasipkän ukkhaxa, Cainax Abel jilaparuw jiwayañkam nuwjäna.

Isaías 24:5

Uraqisti jaqinakapan takisitawa, kamachinak jan phuqhatap layku, arsutanakaparus janiw jaysapkiti, Tatitun wiñayatak arust'äwipsa p'akintapxarakiwa.

Isaías 48:1

“Jacobun wila masipa, aka arunak ist'apxam, jumax Israel suti aptaxa, Judá chachat saraqirïtawa; Tatitun sutipxaruw juramento lurtaxa; Israelan Diosaparuw art'astaxa, ukampis janiw chiqa chuymamax utjkiti, janirakiw askïktasa;

Jeremías 51:5

Israel markampi, Judá markampix taqiniw naya nayraqatan juchañchjasipxi, markanakapsa juchampiw phuqhantapxi, ukampis naya, taqi ch'amani Tatitu, Israelan Qullan Diosapaxa, janiw jupanakarux apanukkti.

Jeremías 6:7

Jerusalenat ñanqha lurañax mistu, kunjämatix umax mä phuch'ut mistki ukhama. Uka markansti nuwasiñanakampi, ch'axwañanakampikiw ist'asiski; ukansti chhuxriñchjasiñanakampi, usuyasiñanakampik uñjarakta.

Lamentaciones 4:13

¡Taqi ukanaksti profetanakapan juchapata, sacerdotenakapan ñanqha luratapata, pachpa marka manqhan jan juchan jaqiru jiwayapxatapat ukham lurasïna!

Ezequiel 7:23

“Ezequiel, cadenanak wakicht'am, aka markan jaqi jiwayirinakarux waljaniruw juchañchapxi, aka markasti nuwasiñanakampi phuqhantatawa.

Oseas 10:13

Ukampis jumanakax ñanqhak yapuchapxtaxa, kunatix jan chiqäki ukakarak apthapipxtaxa, k'ari achunakak manq'apxtaxa. “Jumanakax nuwasiñar sarir carronakamaru, walja soldadonakamar alkatapxatamatxa,

Oseas 10:4

Parlak parlaspaxa, inamayakiw kunsa parlaskaspaxa, arust'äwinaksa sutipampix qillqxataskaspawa; ukampis chiqa kankañapax jiwayir alir uñtatakïspawa kunjämatix uka alix yapu taypin jilki ukhama”.

Oseas 11:12

12 (1) “Israel markankirinakax taqi pachan k'arintapxitu; sallqjapxarakitu. Judá markankirinakasti Tatitut jithiqtxapxiwa, jichhasti yaqha diosanakaruw taqi chuyma arkapxaraki.

Oseas 12:14

14 (15) Israelita jaqinakax Tatitur wal phiñasiyapxäna, chuymapsti walpun ust'ayapxäna. Ukat Tatitux jaqi jiwayatanakapat juchañchasin t'aqhisiyani, jupanakpacharuw ñanqha luratanakapax kutxatarakini.

Oseas 6:8

Galaad markax ñanqha lurir jaqinakan markapawa, jaqinakapax jaqi jiwayirinakäpxiwa.

Oseas 6:9

Sacerdotenakax lunthatkamakïpxiwa, jaqit lunthatañak uñch'ukisipki; Siquem thakhin jaqinak jiwarayapxi, kunayman jan walinak lurapxaraki.

Oseas 7:1

Nayax markaxaruw qhispiyañ munta, ukampis jupanakax walja juchanak lurapxi. Taqinis k'arikamakiwa; utanakar mantasin lunthatsupxi, marka thakhinakan jaqinakat lluch'supxi.

Oseas 7:3

“Markaxax ñanqha luräwinakapampi, k'arisiñanakapampix, reyirus, jilïrinakaparus wal kusisiyi.

Oseas 7:4

Taqi jupanakasti wachuqa jucha lurirkamakïpxiwa; junt'uptayat hornor uñtatäpxiwa, janiw juk'amp junt'uptayañax wakiskxiti, t'ant'a luririx t'ant'a masan puqtañapak suyxañapa.

Miqueas 3:2

Ukampis kunatix askïki ukxa uñisipxtawa, ñanqhäki uk munapxtaxa; markaxarux q'al lluch'supxtaxa, q'ara ch'akhak jaytapxtaxa.

Miqueas 3:9

Israel markan jilïrinakapa, jichhax aka arunak ist'apxam, jumanakasti kunatix chiqäki ukxa uñisipxtawa, kunatix aski lurañäki uksa maysaruw q'iwipxtaxa.

Miqueas 6:10

Israelit jaqinaka, janiw nayatakix askïkiti jan wali jaqinakäpxañamaxa, luratanakamax janipuniw nayatakix askïkiti.

Miqueas 7:2

Aka uraqinxa janiw maynis Diosatakjam chiqap sarnaqirix utjkxiti; taqinis nuwasiñampi jiwarayasiñampik suyt'asipki; maynit maynikamarakiw aynacht'ayasisipki.

Sofonías 3:1

¡Ay, Jerusalén marka, Tatitur saykatir marka, juchansa q'añuchjata, yaqha markanakarus t'aqhisiyiriraki!

Zacarías 5:3

Ukat sarakitu: “Ukan taqi aka uraqpacharu purinkani uka ñanqhachäwinakaw qillqata. Purapäxan qillqatäki ukarjamaxa, khiti lunthatanakasa, k'ari juramento luririsa taqiniw mutuyatäpxani.

Zacarías 7:9

“Aksti nayaw arsta: Jumanakasti taripañanakamanxa chiqäpxapunim, maynit maynikam munasirïpxam, khuyapayasirïpxarakim.

Mateo 23:35

Ukhamasti jan juchan jaqinakan jiwaratapat jumanakaw juchañchatäpxäta, Abel sat aski jaqit qalltasa, Berequiasan Zacarías sat yuqapkama, juparusti jumanakaw Diosan utap altar taypin jiwayapxtaxa.

Hechos 7:52

¿Profetanakat kawkïrirusa, nayra awkinakamax jan t'aqhisiyapkänxa? Jupanakax mayni aski jaqin jutañapat yatiyirinakarux jiwayapxänwa. Uka aski jaqin jutxipansti, jumanakax jupar katuntayasin jiwayapxaraktawa.

Deuteronomio 5:11

“ ‘Janiw Tatit Diosaman sutip inamayatak aytasïtati. Jupasti inamay sutip aytasirinakarux mutuyaniwa.

Deuteronomio 5:18

“ ‘Janiw wachuq jucha lurätati.

Deuteronomio 5:19

“ ‘Janiw lunthatasïtati.

1 Tesalonicenses 2:15

Uka judionakaw Tatit Jesusarux jiwayapxäna, kunjämtix nayrapachax profetanakar jiwayapkatayna ukhama, nanakarusti jaqunukupxituwa. Diosarux janiw kusisiyapkiti, taqi jaqinakan timaparuw tukupxi,

Apocalipsis 17:6

Ukatsti mäkiw amuyasta uka warmix Diosan wawanakapana, Jesucristot qhanañchirinakan wilapampi machjatätapa. Uk uñjasinsti wali musphataw uñjasta.