Números 18:19 - Qullan Arunaca

¹⁹ Cuna churäwinactejj israelitanacajj nayatac yakhachapcani, ucanacjja jumaruw churjjäma, uqhamarac yokall wawamataqui, imill wawamataqui jumampi chica jacasqui ucanacataquiraquïniwa. Acasti wiñayatac leyiraquïniwa. Mä jan p'aquintcaya arust'äwiraquïniwa, wiñayataqui, cuntejj nayajj lurcta jumampi, wawanacamampi.”

Aymar Bibliia 1986

¹⁹ Cuna churäwinactejj israelitanacajj nayatac yakhachapcani, ucanacjja jumaruw churjjäma, uqhamarac yokall wawamataqui, imill wawamataqui jumampi chica jacasqui ucanacataquiraquïniwa. Acasti wiñayatac leyiraquïniwa. Mä jan p'aquintcaya arust'äwiraquïniwa, wiñayataqui, cuntejj nayajj lurcta jumampi, wawanacamampi.”

Qullan Arunaka DC

¹⁹ Israelitanakax nayatak yaqhachapkani taqi uka churäwinaksti, jumaruw churäma, ukhamarak jumamp chika jakkani uka yuqall wawamampiru, imill wawamampiru. Uka arsutax wiñayatak arsut kamachiwa. Jan p'akintkaya, wiñay arust'äwiwa, nayaw jumampi, juman saraqirinakamamp uka arust'äwi lurta.”

Números 18:19 Jak'a apnaqawi uñst'ayäwi

2 Reyes 12:16

Ucatsti juchañchäwita, uqhamarac juchata apanita kollkjja, janiw templor apanitäcänti, ucajj sacerdotenacar wact'atap laycu.

2 Crónicas 13:5

¿Janit jumanacajj yatipcta Israelan Tatit Diosapajj Davidaru reino catuyatapjja, uqhamarac jupat saraker wawanacaparu wiñayataqui, mä jan p'accaya suma parlt'äwiru mantäwi tokjja?

2 Crónicas 31:4

Uqhamaraquiw Jerusalenan jacapcäna uca jakenacaru säna: Cuna churañanacamatejj wact'apctam ucanacjja churapjjam sacerdotenacaru, levitanacaru, uqhamata jupanacajj take chuymampi lurañaru uchasipjjañapataqui Tatitun leyipar phokhapjjañapataqui, sasa.

Éxodo 29:27

Ucjjarojj apakaraquïtawa suma ofrenda loktatäqui uca pecho, uqhamarac lanqhu chara aycha loktatäqui ucsa. Ucanacasti Diosar loktat ovejana chicata partenacapawa, uca laycuwa imatäñapajja Aaronataqui, uqhamarac wawanacapataqui.

Ezequiel 43:24

Sacerdotenacaw ucarojj jayumpi williquipt'apjjani, ucat nayaru loktasaw naqhantayapjjaraquini.

Levítico 2:13

“Take granonacat waquichat ofrendamarojj jayuñchapunïtawa, granonacat waquichat ofrendamanjja janipuniw Diosaman amtäwi jayjja cuna laycus faltayätati. Take ofrendanacamjja jayunpunwa loktäta.

Levítico 21:22

Ucampisa uca t'ant'atjja, uqhamarac uca kollana jan ucajj sinti kollana yänacatsa mank'ascaniwa,

Levítico 7:14

Take uca loktäwinacatsti mä kawkha apakt'apjjaraquïta, ucat Tatituruw uñstayapjjaraquïta mä loktäwïcaspas uqhama, ucasti sumancthapiñatac loktäwi sacrificion wilapa ch'allquisa uca sacerdotetaquiraquïniwa.

Números 18:11

“Uqhamaraquiw jumarusa, yokall wawamarusa, imill wawamarusa churapjjaracsma, cawquïri suma ofrendanactejj israelitanacajj churapquitu ucanacjja. Acasti wiñayatac uchat leyiraquïniwa. Cawquïri jaketejj familiamata k'omachata jicjjatascchi ucajj mank'araquispawa.

Números 18:8

Tatitu Diosasti Aaronarojj sänwa: “Nayaw jumar utt'aysma ofrendanac churapquitu ucanac uñjañamataqui. Take cawquïri k'oma ofrendanactejj israelitanacajj churapquitu ucanacsti, jumampiru, wawanacamampiruw churta, acasti wiñayatac uchat leyiraquïniwa.

Números 31:29

Ucatsti Eleazar sacerdoteruw churäta, nayarus churquitasma uqhama.

Números 31:41

Moisesasti Eleazar sacerdoteruw churjjäna cawquïrinacatejj Tatitu Diosaru churatäcän ucanacjja, cunjämatejj Tatitojj Moisesaru siscatayna uqhamarjama.

Deuteronomio 12:26

Ucampisa cawquïri yänactejj Diosaru ofrendata churä sapcta, uqhamaraqui arunacamampi arsusina loktä sapcta ucanacjja cawqha chekarutejj Diosajj ajllisqui ucaruw apapjjäta.

Deuteronomio 12:6

Uca chekanwa jumanacajj uywanaca sacrificiot jupar yupaychasa loktapjjäta, diezmonaca apasa, churäwinacama Diosaru churasa, arsutanacama, ofrendanacama, uqhamaraqui vacanacamana, ovejanacamana nayrïr kallunacap apasa.