Números 18:20 - Qullan Arunaca

²⁰ Tatitu Diosasti Aaronarojj sänwa: “Janiw jumanjja orakemasa, ni herenciamasa israelanjja utjcaniti mayni israelitanacanjamajja. Nayaw juman orakemäyäjja, herenciamäyäsa, Israel marcanjja.

Aymar Bibliia 1986

²⁰ Tatitu Diosasti Aaronarojj sänwa: “Janiw jumanjja orakemasa, ni herenciamasa israelanjja utjcaniti mayni israelitanacanjamajja. Nayaw juman orakemäyäjja, herenciamäyäsa, Israel marcanjja.

Qullan Arunaka DC

²⁰ Tatitusti Aaronarux sänwa: “Janiw jumanxa Israel jaqinak taypin uraqimasa, tuti katuqäwimas utjkaniti. Nayaw Israel markan juman uraqimäyäxa, tutimäyäsa.

Números 18:20 Jak'a apnaqawi uñst'ayäwi

Génesis 15:1

Ucanac khepatsti Tatitu Diosajj Abramarojj mä visionan uñstäna ucatsti saraquïnwa: —Jan ajjsaramti, Abram, nayätwa jumar arjjatirimajja, jumar churañasti wali jach'apunïniwa —sasa.

Salmos 142:5

Tatay, jumaruw art'asinsma, jumaruw saracsma: “Jumätaw nayan imantasiñajjajja; jumaquiw aca jacañ oraken take cunajjätasa” sasa.

Salmos 16:5

Tatay, jumaw nayan take cunajjätajja; jumaw asquinacamamp phokhantista; jacañajjajj amparamar catuyatawa.

Salmos 73:26

Chuymajjasa, janchejjas tucusisquiwa, ucampis Diosaw wiñay catokäwejjajja, jupaw chuymajjarojj catjjäsisqui.

Lamentaciones 3:24

Nayasti sasiractwa: “Nayataquejj Tatituquiw take cunajja; ucatpï juparu iyawsaractjja” sasa.

Ezequiel 44:28

“Sacerdotenacataquisti naya sapaquiw mä herenciäquiristsa uqhamäyäjja. Jupanacarusti janiraquiw cuna orakenacas Israel marcanjja churascaniti. Nayätwa jupanacataquejja take cunapasa.

Números 18:7

Ucampisa, jumampi wawanacamampiquiw sacerdoten luräwinacapjja, altarana velo khepäjjansa lurapjjäta. Aca lurañasti jumanacaruw wact'apjjtam, nayaraquiw uca sacerdote luräwinac churapjjäma. Ucampisa cawquïritejj sacerdotet sarnakani jan cunäcasa, ucasti juchañchasin jiwayatäniwa.”

Números 26:62

Takpachanisti Leví chachan yokall wawanacapajj, mä phajjsinit amstarojj pä tunca quimsani waranka wawanacänwa, jupanacasti janiw mayni israelitanacjam jaqhutacänti cuna orakes janiw churatäcaraquïnti uca laycu.

Deuteronomio 10:9

Ucatwa levitanacajj jilanacap taypina jan orakenïpquiti, jupanacan herenciapasti Tatitu Diosawa, cunjämatï Diosajj jupa quipca arscän uqhama.)

Deuteronomio 12:12

Ucatsti mä jach'a cusisiñ uru jumanacajj Tatitu Diosaman nayräjjapana lurapjjäta take wawanacamampi, uywatanacamampi chica, uqhamaraqui jumanac taypin jaquiri levita jakenacampi. Jupanacasti janiw jumanac taypina cuna orakenacsa catokapquiti.

Deuteronomio 14:27

“Levitanacarusti janipuniw jumanacan marcanacamatjja apanucupjjätati, jupanacasti janiw jumanacjama orakenac catokapquiti.

Deuteronomio 14:29

cunapachatejj levitanacajj jutapjjani, cawquïrinacatejj jan orakenïpqui, uqhamaraqui cawquïri jayat jutiri jakenacatejj jumanac taypin jacapqui, wajchanaca, viudanaca ucanacan sist'asiñcam mank'apjjañapataqui. Uqhamatwa Tatitu Diosamajj bendicipjjätam take cuntejj lurapcäta ucanacana.

Josué 13:14

Moisesasti janiraquiw Leví triburojj orak churcänti, jan ucasti uca tribujj Diosar ofrendanac loktatäqui ucanacwa catokäna cunjämtï Dios quipca siscäna uqhamaru.

Josué 13:33

Ucampis Leví sat triburojj Moisesajj janiw cuna oraksa churcänti, jan ucasti sänwa: “Israelan Diosapaw jumanacan herencianacamajj” sasa.

Josué 14:3

Rubén, Gad uqhamaraqui chicat Manasés tribunacarojj Moisesajj orakjja churjjataynawa Jordán jawirat qhurscataru, ucampis janiraquiw Leví sat triburojj churcänti.

Josué 18:7

Ucampis levitanacarojj janiw cuna orakes churascaniti, jupanacarojj Diosar sirviñaw wact'i uca laycu. Ucampis Gad sat triburu, Rubén sat triburusa, uqhamaraqui chicat Manasés triburusa, orakejj churatawa Jordán jawirat inti jalsu tokena, cawquïrtï Diosan sirviripa Moisesajj churqui uca” sasa.

Apocalipsis 21:3

Ucatsti mä jach'a aru ist'aracta alajjpachat art'asiniri: “¡Acajjay, Diosajj jichhajj jakenac taypinwa jaqui! Jupanacampiw jacani, jupanacasti marcapäniwa. Dios quipcaraquiw jupanacampïni, jupanacan Diosaparaquïniwa.